1.
2. [PS]સુલેમાનનું આ સર્વોત્તમ ગીત. [PE][QS]તારા મુખના ચુંબનોથી તું મને ચુંબન કર, [QE][QS]કેમ કે તારો પ્રેમ દ્રાક્ષારસથી ઉત્તમ છે. [QE]
3. [QS]તારા અત્તરની ખુશ્બો કેવી સરસ છે! [QE][QS]તારું નામ અત્તર જેવું મહાન છે! [QE][QS]તેથી જ બધી કુમારિકાઓ તને પ્રેમ કરે છે! [QE]
4. [QS]મને તારી સાથે લઈ જા, આપણે જતાં રહીએ. [QE][QS]રાજા મને પોતાના ઓરડામાં લાવ્યો છે. [QE][QS]હું પ્રસન્ન છું; હું તારા માટે આનંદ કરું છું; [QE][QS]મને તારા પ્રેમની ઉજવણી કરવા દે; તે દ્રાક્ષારસ કરતાં પણ વધારે સારો છે. [QE][QS]બીજી યુવતીઓ તને પ્રેમ કરે તે વાજબી છે. [QE]
5. [QS]હું શ્યામ છું પણ સુંદર છું, [QE][QS]હે યરુશાલેમની દીકરીઓ, [QE][QS]કેદારના તંબુઓની માફક શ્યામ, [QE][QS]સુલેમાનના પડદાઓની માફક સુંદર છું. [QE]
6. [QS]હું શ્યામ છું તેથી મારી સામે એકીટશે જોશો નહિ. [QE][QS]કેમ કે સૂર્યએ મને બાળી નાખી છે. [QE][QS]મારી માતાના દીકરાઓ મારા પર કોપાયમાન થયા હતા; [QE][QS]તેઓએ મને દ્રાક્ષાવાડીની રક્ષક બનાવી. [QE][QS]પણ મારી પોતાની દ્રાક્ષાવાડી મેં સંભાળી નથી. [QE]
7. [QS]જેને મારો આત્મા પ્રેમ કરે છે તે, તું મને કહે, [QE][QS]તું તારા ઘેટાં-બકરાંને કયાં ચરાવે છે? [QE][QS]તેમને બપોરે ક્યાં વિસામો આપે છે? [QE][QS]શા માટે હું તારા સાથીદારોના ટોળાંની પાછળ, [QE][QS]ભટકનારની માફક ફરું? [QE]
8. [QS]યુવતીઓમાં અતિસુંદર, જો તું જાણતી ના હોય તો, [QE][QS]મારા ટોળાંની પાછળ ચાલ, [QE][QS]તારી બકરીના બચ્ચાંને ભરવાડોના તંબુઓ પાસે ચરાવ. [QE]
9. [QS]મારી પ્રિયતમા, ફારુનના રથોના ઘોડાઓની મધ્યેની ઘોડીની સાથે, મેં તને સરખાવી છે. [QE]
10. [QS]તારા ગાલ તારા આભૂષણોથી, [QE][QS]તારી ગરદન રત્નથી સુંદર લાગે છે. [QE]
11. [QS]હું તારા માટે ચાંદી જડેલા [QE][QS]સોનાના આભૂષણો બનાવીશ. [QE]
12. [QS]જ્યારે રાજા પોતાના પલંગ પર સૂતો હતો, [QE][QS]ત્યારે મારી જટામાસીની ખુશ્બો મહેકી રહી હતી. [QE]
13. [QS]મારો પ્રીતમ બોળની કોથળી જેવો મને લાગે છે જે મારા સ્તનોની વચ્ચે રાત્રી વિતાવે છે. [QE]
14. [QS]મારો પ્રીતમ, એન ગેદીની વાડીમાં, [QE][QS]મેંદીના પુષ્પગુચ્છ જેવો લાગે છે. [QE]
15. [PS]જો,મારી પ્રિયતમા, તું સુંદર છે, [PE][QS]જો, તું સુંદર છે; [QE][QS]તારી આંખો હોલાના જેવી છે. [QE]
16. [QS]જો, તું સુંદર છે મારા પ્રીતમ, તું કેવો મનોહર છે. [QE][QS]આપણો પલંગ કૂણા છોડના જેવો છે. [QE]
17. [QS]આપણા ઘરના મોભ એરેજ વૃક્ષની ડાળીઓ જેવા અને [QE][QS]આપણી છતની વળીઓ દેવદાર વૃક્ષની ડાળીઓની છે. [QE]