1. યહોવાહ રાજ કરે છે; પૃથ્વી હરખાઓ; [QBR] ટાપુઓનો સમૂહ આનંદ પામો. [QBR]
2. વાદળો અને અંધકાર તેમની આસપાસ છે. [QBR] ન્યાયીપણું તથા ન્યાય તેમના રાજ્યાસનનો પાયો છે. [QBR]
3. અગ્નિ તેમની આગળ ચાલે છે [QBR] અને તે તેમની આસપાસના તેમના શત્રુઓને ભસ્મ કરે છે. [QBR]
4. તેમની વીજળીઓએ જગતને પ્રકાશિત કર્યું છે; [QBR] તે જોઈને પૃથ્વી કાંપી. [QBR]
5. યહોવાહની સમક્ષ, આખી પૃથ્વીના પ્રભુની સમક્ષ, [QBR] પર્વતો મીણની જેમ પીગળી ગયા. [QBR]
6. આકાશો તેમનું ન્યાયીપણું પ્રગટ કરે છે [QBR] અને સર્વ લોકોએ તેમનો મહિમા જોયો છે. [QBR]
7. મૂર્તિઓની પૂજા કરનારાઓ, [QBR] મૂર્તિઓમાં અભિમાન કરનારાઓ, [QBR] તેઓ સર્વ બદનામ થાઓ. [QBR]
8. હે યહોવાહ, તમારાં ન્યાયનાં કાર્યો વિષે [QBR] સાંભળીને સિયોન આનંદ પામ્યું [QBR] અને યહૂદિયાની દીકરીઓ હરખાઈ. [QBR]
9. કેમ કે, હે યહોવાહ, તમે સમગ્ર પૃથ્વી પર પરાત્પર છો. [QBR] તમે સર્વ દેવો કરતાં શ્રેષ્ઠ છો. [QBR]
10. હે યહોવાહ પર પ્રેમ કરનારાઓ, તમે દુષ્ટતાને ધિક્કારો! [QBR] તે પોતાના ભક્તોના આત્માઓનું રક્ષણ કરે છે [QBR] અને તે તેઓને દુષ્ટોના હાથમાંથી છોડાવે છે. [QBR]
11. ન્યાયીઓને અજવાળાથી [QBR] અને જેઓનાં હૃદય શુદ્ધ છે તેઓને સુખથી ભરપૂર કરવામાં આવે છે. [QBR]
12. હે ન્યાયીઓ, તમે યહોવાહમાં આનંદ કરો; [QBR] અને તેમના પવિત્ર નામની સ્તુતિ કરો. [PE]