1. શું તમે ખરેખર ન્યાયીપણાથી બોલો છો? [QBR] હે માણસોના દીકરાઓ, શું તમે અદલ ઇનસાફ કરો છો? [QBR]
2. ના, તમે તમારા મનમાં દુષ્ટતા યોજો છો; [QBR] પૃથ્વી પર તમે તમારા હાથથી જુલમ તોળી આપો છો. [QBR]
3. દુષ્ટો જન્મથી જ ખોટા માર્ગે વળી ગયેલા હોય છે; [QBR] તેઓ જન્મે છે કે તરત જ જૂઠું બોલે છે અને ખોટે રસ્તે ચઢી જાય છે. [QBR]
4. તેઓનું વિષ સાપના વિષ જેવું છે; [QBR] તેઓ કાન બંધ કરી રાખનાર બહેરા સાપ જેવા છે. [QBR]
5. કે જે ઘણી જ ચાલાકીથી મોરલી વગાડનાર મદારીનો [QBR] પણ અવાજ સાંભળતો નથી. [QBR]
6. હે ઈશ્વર, તમે તેઓના દાંત તોડી નાખો; [QBR] હે યહોવાહ, તમે યુવાન સિંહોના મોટા દાંત તોડી પાડો. [QBR]
7. તેઓ ઝડપથી વહેતા પાણીની જેમ વહી જાઓ; [QBR] જ્યારે તેઓ પોતાનાં બાણ તાકે, ત્યારે તેઓ બૂઠાં થઈ જાઓ. [QBR]
8. ગોકળગાય જે ચાલતા ચાલતા પીગળી જાય છે તેના જેવા [QBR] અથવા જેણે સૂર્ય જોયો નથી, એવા સ્ત્રીને અધૂરે ગયેલા ગર્ભ જેવા તેઓ થાઓ. [QBR]
9. તમારા હાંલ્લાંને કાંટાનો તાપ લાગે તે પહેલાં, [QBR] પછી તે લીલા હોય કે સૂકા હોય, તો પણ, તેમને વંટોળિયો ઘસડી લઈ જશે. [QBR]
10. જ્યારે તે ઈશ્વરનો બદલો જોશે, ત્યારે ન્યાયી માણસ હરખાશે; [QBR] તે દુષ્ટોના લોહીમાં પોતાના પગ ધોશે, [QBR]
11. કે જેથી માણસો કહેશે કે, “ન્યાયી માણસને ચોક્કસ બદલો મળશે; [QBR] નિશ્ચે પૃથ્વીમાં ન્યાય કરનાર ઈશ્વર છે.” [PE]