1. જે દરિદ્રીની ચિંતા કરે છે, તે આશીર્વાદિત છે; [QBR] સંકટને સમયે યહોવાહ તેને છોડાવશે. [QBR]
2. યહોવાહ તેનું રક્ષણ કરશે અને તેને જીવંત રાખશે [QBR] અને તે પૃથ્વી પર આશીર્વાદિત થશે; [QBR] યહોવાહ તેને તેના શત્રુઓની ઇચ્છાને સ્વાધીન નહિ કરે. [QBR]
3. બીમારીના બિછાના પર યહોવાહ તેનો આધાર થશે; [QBR] તેની માંદગીમાં તેનાં દુ:ખ લઈને તેને સાજો કરશે. [QBR]
4. મેં કહ્યું, “હે યહોવાહ, મારા પર દયા કરો; [QBR] મારા આત્માને સાજો કરો; કેમ કે મેં તમારી વિરુદ્ધ પાપ કર્યાં છે.” [QBR]
5. મારા શત્રુઓ મારી વિરુદ્ધ બોલીને કહે છે, [QBR] 'તે ક્યારે મરણ પામશે અને તેના નામનો નાશ ક્યારે થશે?' [QBR]
6. જો મારો શત્રુ મને મળવા આવે, તો તે અયોગ્ય બાબતો કહે છે; [QBR] તેનું હૃદય અન્યાયનો સંગ્રહ કરે છે; [QBR] જ્યારે તે મારી પાસેથી બહાર જાય છે, ત્યારે તે મારા વિષે બીજાઓને કહે છે. [QBR]
7. મારો દ્વેષ કરનારા અંદરોઅંદર કાનમાં વાતો કરે છે; [QBR] તેઓ મારી વિરુદ્ધ ઉપદ્રવ કલ્પે છે. [QBR]
8. તેઓ કહે છે, “એક અસાધ્ય સજ્જડ રોગ,” તેને લાગુ પડ્યો છે; [QBR] હવે તે પથારીમાં પડ્યો છે, એટલે પાછો ઊઠવાનો નથી.” [QBR]
9. હા, મારો ખાસ મિત્ર, જેનો મને ભરોસો હતો, [QBR] જે મારી રોટલી ખાતો હતો, [QBR] તેણે મારી સામે લાત ઉગામી છે. [QBR]
10. પણ, હે યહોવાહ, મારા પર કૃપા કરો અને મને ઉઠાડો [QBR] કે જેથી હું તેઓનો પ્રતિકાર કરું. [QBR]
11. તેથી હું જાણું છું કે તમે મારા પર પ્રસન્ન છો, [QBR] કે મારો શત્રુ મારા પર જયજયકાર કરતો નથી. [QBR]
12. તમે મને મારી નિર્દોષતામાં સ્થિર રાખો છો [QBR] અને તમારી હજૂરમાં મને સર્વકાળ રાખો છો. [QBR]
13. અનાદિકાળથી તે અનંતકાળ સુધી [QBR] હે મારા યહોવાહ, ઇઝરાયલના ઈશ્વર, તમારી સ્તુતિ થાઓ. [QBR] આમેન તથા આમેન. [PE]