1. હું સર્વ સમયે યહોવાહને ધન્યવાદ આપીશ; [QBR] મારે મુખે તેમની સ્તુતિ નિરંતર થશે. [QBR]
2. હું યહોવાહની સ્તુતિ કરીશ; [QBR] દિન લોકો તે સાંભળીને આનંદ કરશે. [QBR]
3. મારી સાથે યહોવાહની સ્તુતિ કરો; [QBR] આપણે એકઠાં મળીને તેમનું નામ બુલંદ માનીએ. [QBR]
4. મેં યહોવાહને પોકાર કર્યો અને તેમણે મને ઉત્તર આપ્યો [QBR] અને મારા સર્વ ભયમાંથી મને વિજય અપાવ્યો. [QBR]
5. જેઓ તેમની તરફ જુએ છે, તેઓ પ્રકાશ પામશે [QBR] અને તેઓનાં મુખ કદી ઝંખવાણા પડશે નહિ. [QBR]
6. આ લાચાર માણસે પોકાર કર્યો અને યહોવાહે તે સાંભળીને [QBR] તેને તેના સર્વ સંકટમાંથી બચાવ્યો. [QBR]
7. યહોવાહના ભક્તોની આસપાસ તેમનો દૂત છાવણી કરે છે [QBR] અને તે તેમને સંકટમાંથી છોડાવે છે. [QBR]
8. અનુભવ કરો અને જુઓ કે યહોવાહ કેટલા ઉત્તમ છે; [QBR] જે માણસ તેમના પર ભરોસો રાખે છે તે આશીર્વાદિત છે. [QBR]
9. યહોવાહના પસંદ કરાયેલા લોકો, તેમનો ભય રાખો; [QBR] તેમનો ભય રાખનારાને કંઈ ખોટ પડતી નથી. [QBR]
10. સિંહનાં બચ્ચાંને તંગી પડે છે અને ભૂખ વેઠવી પડે છે; [QBR] પણ જેઓ યહોવાહને શોધે છે તેઓને કોઈપણ સારા વાનાની ખોટ પડશે નહિ. [QBR]
11. આવો, મારાં બાળકો, મારું સાંભળો; [QBR] હું તમને યહોવાહનો ભય રાખતાં શીખવીશ. [QBR]
12. કયો માણસ લાંબી જિંદગી ઇચ્છે છે? [QBR] અને શુભ જોવાને માટે દીર્ઘાયુષ્ય ચાહે છે? [QBR]
13. તો દુષ્ટ બોલવાથી તારી જીભને [QBR] અને જૂઠું બોલવાથી તારા હોઠોને અટકાવ. [QBR]
14. દુષ્ટતાથી દૂર રહે અને ભલું કર; [QBR] શાંતિ શોધ અને તેની પાછળ લાગ. [QBR]
15. યહોવાહની દ્રષ્ટિ ન્યાયી પર છે [QBR] અને તેઓના પોકાર પ્રત્યે તેમના કાન ઉઘાડા છે. [QBR]
16. જેઓ દુષ્ટતા કરે છે તેઓનું સ્મરણ પૃથ્વી ઉપરથી નાબૂદ કરવાને માટે [QBR] યહોવાહનું મુખ તેઓની વિરુદ્ધ છે. [QBR]
17. ન્યાયીઓ પોકાર કરશે અને યહોવાહ તેઓનું સાંભળશે [QBR] અને તેઓના સર્વ સંકટમાંથી તેઓને છોડાવશે. [QBR]
18. જેમનાં હૃદય ભાંગી ગયાં છે, તેમની પાસે યહોવાહ છે [QBR] અને નમ્ર આત્માવાળાને તે બચાવે છે. [QBR]
19. ન્યાયી માણસના જીવનમાં ઘણા દુ:ખો આવે છે, [QBR] પણ યહોવાહ તેને તે સર્વમાંથી વિજય અપાવે છે. [QBR]
20. તે તેનાં સર્વ હાડકાંનું રક્ષણ કરે છે; [QBR] તેઓમાંનું એકપણ ભાંગવામાં આવતું નથી. [QBR]
21. દુષ્ટો પોતાની જ દુષ્ટતાથી નાશ પામશે; [QBR] જેઓ ન્યાયીઓને ધિક્કારે છે તેઓ દોષિત ઠરશે. [QBR]
22. યહોવાહ પોતાના સેવકોના પ્રાણોનો ઉદ્ધાર કરે છે; [QBR] તેઓના પર ભરોસો રાખનારાઓમાંથી એકપણ દોષિત ઠરશે નહિ. [PE]