1. હે મારા સ્તુતિના ઈશ્વર, તમે શાંત ન રહો. [QBR]
2. કારણ કે દુષ્ટ અને કપટી માણસો મારા પર હુમલાઓ કરે છે; [QBR] તેઓ મારી વિરુદ્ધ જૂઠું બોલે છે. [QBR]
3. તેઓએ મને તિરસ્કૃત શબ્દોથી ઘેરી લીધો છે [QBR] અને કોઈ કારણ વગર મારી સાથે લડાઈ કરવા હુમલો કરે છે. [QBR]
4. તેઓ મારી પ્રીતિના બદલામાં મારા શત્રુ થયા છે, [QBR] પણ હું તેઓને માટે પ્રાર્થના જ કરું છું. [QBR]
5. તેઓ ઉપકારને બદલે અપકાર કરે છે [QBR] અને તેઓ મારા પ્રેમને ધિક્કારે છે. [QBR]
6. મારા શત્રુનો સામનો કરવા માટે એક દુષ્ટ માણસને નિયુક્ત કરો; [QBR] તેને જમણે હાથે કોઈ અપ્રામાણિકને ઊભો રાખો. [QBR]
7. જ્યારે તે ન્યાય કરે, ત્યારે તે અપરાધી ઠરો; [QBR] તેની પ્રાર્થના પાપરૂપ ગણાઓ. [QBR]
8. તેના દિવસો થોડા થાઓ; [QBR] તેનું સ્થાન બીજા કોઈ લઈ લો. [QBR]
9. તેના સંતાનો અનાથ [QBR] અને તેની પત્ની વિધવા થાઓ. [QBR]
10. તેના સંતાનો રખડીને ભીખ માગો, [QBR] ઉજ્જડ થયેલાં પોતાના ઘરોમાંથી તેઓને નસાડી મૂકવામાં આવે. [QBR]
11. તેનો લેણદાર જોરજુલમથી તેનું બધું લઈ જાઓ; [QBR] તેની મહેનતનું ફળ પરાયા લૂંટી જાઓ. [QBR]
12. તેના પર દયા રાખનાર કોઈ ન રહો; [QBR] તેનાં અનાથ બાળકો પર કોઈ કૃપા રાખનાર ન રહો. [QBR]
13. તેના વંશજોનો ઉચ્છેદ થાઓ; [QBR] આવતી પેઢીમાંથી તેનું નામ સંપૂર્ણપણે ભૂંસાઈ જાઓ. [QBR]
14. તેના પિતૃઓનાં પાપ યહોવાહને યાદ રહો; [QBR] અને તેની માતાનું પાપ માફ કરવામાં ન આવો. [QBR]
15. તેનાં પાપો નિત્ય યહોવાહની નજરમાં રહો; [QBR] યહોવાહ તેનું નામ પૃથ્વી પરથી ઉખેડી નાખે. [QBR]
16. કારણ કે તેણે બીજાઓ પ્રત્યે દયા કરવાનું ચાહ્યું નહિ, [QBR] પણ નિરુત્સાહીની હત્યા કરવા માટે [QBR] અને ગરીબ તથા જરૂરતમંદને સતાવ્યા. [QBR]
17. બીજાઓને શાપ આપવામાં તે ખુશ હતો; માટે એ શાપ તેને લાગો. [QBR] તે આશીર્વાદને ધિક્કારતો; તેથી તેના પર કોઈ આશીર્વાદ ન આવો. [QBR]
18. તેણે વસ્ત્રની જેમ પોતાના શરીર પર શાપ ધારણ કર્યો હતો [QBR] અને તેનો શાપ પાણીની માફક તેના અંતઃકરણમાં [QBR] તેના હાડકામાં તેલની જેમ પ્રસરી જતો હતો. [QBR]
19. પહેરવાનાં વસ્ત્રની જેમ તે તેને આચ્છાદિત કરનાર થાઓ [QBR] કમરબંધની જેમ તે સદા વીંટળાઈ રહો. [QBR]
20. જેઓ મારા શત્રુ છે અને જેઓ મારા આત્માની વિરુદ્ધ બોલનાર છે, [QBR] તેઓને યહોવાહ તરફથી આવો બદલો મળો. [QBR]
21. હે યહોવાહ, મારા પ્રભુ, તમે તમારા નામની ખાતર મારા માટે લડો. [QBR] કેમ કે તમારી કૃપા ઉત્તમ છે, મારો બચાવ કરો. [QBR]
22. કેમ કે હું ગરીબ તથા દરિદ્રી છું [QBR] અને મારું હૃદય ઊંડે સુધી ઘાયલ થયું છે. [QBR]
23. હું નમી ગયેલી છાયાના જેવો થઈ ગયો છું; [QBR] મને તીડની જેમ ખંખેરી નાખવામાં આવે છે. [QBR]
24. ઉપવાસથી મારાં ઘૂંટણ નબળા પડ્યાં છે; [QBR] મારું માંસ પુષ્ટિ વિના ઘટી ગયું છે. [QBR]
25. હું સર્વ માણસો માટે નિષ્ફળતાનું પ્રતીક બન્યો છું; [QBR] જ્યારે તેઓ મને જુએ છે, ત્યારે તેઓ પોતાના માથાં હલાવે છે. [QBR]
26. હે યહોવાહ મારા ઈશ્વર, મને મદદ કરો; [QBR] તમારી કૃપા પ્રમાણે મારો બચાવ કરો. [QBR]
27. તેઓ જાણે કે આ તમે કર્યું છે, [QBR] હે યહોવાહ, તમે જ આ કર્યું છે, [QBR]
28. જો તેઓ મને શાપ આપે, તો કૃપા કરી તેમને આશીર્વાદ આપજો; [QBR] જ્યારે તેઓ હુમલો કરે, ત્યારે તેઓ શરમાઈ જાઓ, [QBR] પણ તમારો સેવક આનંદ કરે. [QBR]
29. મારા શત્રુઓ વસ્ત્રની જેમ બદનામીથી શરમ અનુભવો [QBR] અને ઝભ્ભાની જેમ તેઓ શરમથી ઢંકાઈ જાઓ. [QBR]
30. હું વારંવાર યહોવાહનો આભાર માનીશ; [QBR] હું ઘણા લોકોમાં તેમની સ્તુતિ ગાઈશ. [QBR]
31. કારણ કે દરિદ્રીના આત્માને અપરાધી ઠરાવનારાઓથી [QBR] ઉદ્ધાર આપવાને માટે યહોવાહ તેને જમણે હાથે ઊભા રહેશે. [PE]