1. શું ડહાપણ હાંક મારતું નથી? [QBR] અને બુદ્ધિ પોકારતી નથી? [QBR]
2. તે રસ્તાઓના સંગમ આગળ, [QBR] માર્ગની એકબાજુ ઊંચા ચબુતરાઓની ટોચ પર ઊભું રહે છે. [QBR]
3. અને શહેરમાં પ્રવેશવાના દરવાજા આગળ, [QBR] અને બારણામાં પેસવાની જગ્યાએ, તે મોટે અવાજે પોકારે છે: [QBR]
4. “હે માણસો, હું તમને પોકાર કરીને કહું છું [QBR] મારું બોલવું પ્રત્યેક માણસને માટે છે. [QBR]
5. હે અજ્ઞાની લોકો, શાણપણ શીખો [QBR] અને હે મૂર્ખા તમે સમજણા થાઓ. [QBR]
6. સાંભળો, હું તમને ઉત્તમ વાતો કહેવાનો છું [QBR] અને જે સાચું છે તે જ બાબતો વિષે મારું મુખ ઊઘડશે. [QBR]
7. મારું મુખ સત્ય ઉચ્ચારશે, [QBR] મારા હોઠોને જૂઠાણું ધિક્કારપાત્ર લાગે છે. [QBR]
8. મારા મુખના સઘળા શબ્દો પ્રમાણિક છે, [QBR] તેઓમાં કશું વાંકુ કે વિપરીત નથી. [QBR]
9. સમજુ માણસો માટે મારા શબ્દો સ્પષ્ટ છે. [QBR] અને જ્ઞાનીઓને માટે તે યથાયોગ્ય છે. [QBR]
10. ચાંદી નહિ પણ મારી સલાહ લો [QBR] અને ચોખ્ખા સોના કરતાં ડહાપણ પ્રાપ્ત કરો. [QBR]
11. કારણ કે ડહાપણ રત્નો કરતાં વધારે મૂલ્યવાન છે; [QBR] સર્વ મેળવવા ધારેલી વસ્તુઓ તેની બરાબરી કરી શકે નહિ. [QBR]
12. મેં જ્ઞાને ચતુરાઈને પોતાનું રહેઠાણ બનાવ્યું છે, [QBR] અને કૌશલ્ય અને વિવેકબુદ્ધિને હું શોધી કાઢું છું. [QBR]
13. યહોવાહનો ભય એટલે પાપને ધિક્કારવું, [QBR] અભિમાન, ઉદ્ધતાઈ, દુષ્ટમાર્ગ અને [QBR] અવળું બોલાનારાઓને હું ધિક્કારું છું. [QBR]
14. ડહાપણ તથા કૌશલ્ય મારાં છે; [QBR] મારી પાસે ઊંડી સમજ અને શક્તિ છે. [QBR]
15. મારા દ્વારા જ રાજાઓ રાજ કરે છે [QBR] અને રાજકર્તાઓ ન્યાય ચૂકવે છે. [QBR]
16. મારે લીધે રાજકુમારો શાસન કરે છે [QBR] અને ઉમદા લોકો સાચો ચુકાદો આપે છે. [QBR]
17. મારા પર પ્રેમ રાખનારાઓ પર હું પ્રેમ રાખું છું; [QBR] અને જેઓ મને ઉત્સુકતાથી શોધે છે તે મને પામે છે. [QBR]
18. દ્રવ્ય તથા ડહાપણ મારી પાસે છે, [QBR] મારી પાસે ટકાઉ સંપત્તિ અને સદાચાર છે. [QBR]
19. મારાં ફળ સોના કરતાં ચડિયાતાં છે, ચોખ્ખા સોના કરતાં [QBR] અને મારી પેદાશ ઊંચી જાતની ચાંદી કરતાં શ્રેષ્ઠ છે. [QBR]
20. હું સદાચારને માર્ગે ચાલું છું, [QBR] મારો માર્ગ ન્યાયનો છે, [QBR]
21. મારા પર પ્રેમ રાખનારને હું સમૃદ્ધિ આપું છું [QBR] અને તેઓના ભંડારો ભરપૂર કરું છું. [QBR]
22. યહોવાહે સૃષ્ટિક્રમના આરંભમાં, [QBR] આદિકૃત્યો અગાઉ મારું સર્જન કર્યુ. [QBR]
23. સદાકાળથી, આરંભથી, પૃથ્વીનું સર્જન થયા પહેલાં [QBR] મને સ્થાપન કરવામાં આવ્યું હતું. [QBR]
24. જ્યારે કોઈ જળનિધિઓ ન હતા, જ્યારે પાણીથી ભરપૂર કોઈ ઝરણાંઓ ન હતાં [QBR] ત્યારે મારો જન્મ થયો હતો. [QBR]
25. પર્વતોના પાયા નંખાયા તે અગાઉ, [QBR] ડુંગરો સર્જાયા તે પૂર્વે મારો જન્મ થયો હતો. [QBR]
26. ત્યાં સુધી યહોવાહે પૃથ્વી અને ખેતરો પણ સૃજ્યાં નહોતાં. [QBR] અરે! ધૂળ પણ સૃજી નહોતી ત્યારે મારું અસ્તિત્વ હતું. [QBR]
27. જ્યારે તેમણે આકાશની સ્થાપના કરી, [QBR] અને સાગર ઉપર ક્ષિતિજની ગોઠવણી કરી ત્યારે મારું અસ્તિત્વ હતું. [QBR]
28. જ્યારે તેમણે ઊંચે અંતરિક્ષને સ્થિર કર્યુ; [QBR] અને જળનીધિના ઝરણાં વહાવ્યા. [QBR]
29. જ્યારે તેમણે સાગરની હદ નિયુક્ત કરી [QBR] અને તેની મર્યાદાનું ઉલ્લંધન કરવાની તેમણે મના ફરમાવી. [QBR] અને જ્યારે તેમણે પૃથ્વીના પાયા નાખ્યા. [QBR]
30. ત્યારે કુશળ કારીગર તરીકે હું તેમની સાથે હતું; [QBR] અને હું દિનપ્રતિદિન તેમને આનંદ આપતું હતું; [QBR] અને સદા હું તેમની સમક્ષ હર્ષ કરતું હતું. [QBR]
31. તેમની વસતિવાળી પૃથ્વી પર હું હર્ષ પામતું હતું, [QBR] અને માણસોની સંગતમાં મને આનંદ મળતો હતો. [QBR]
32. મારા દીકરાઓ, મારું સાંભળો; [QBR] કારણ કે મારા માર્ગોનો અમલ કરનાર આશીર્વાદિત છે. [QBR]
33. મારી શિખામણ સાંભળીને જ્ઞાની થા; [QBR] અને તેની અવગણના કરીશ નહિ. [QBR]
34. જે મારું સાંભળે છે તે વ્યક્તિ આશીર્વાદિત છે, [QBR] અને હંમેશાં મારા દરવાજા સમક્ષ લક્ષ આપે છે; [QBR] તથા મારા પ્રવેશદ્વાર આગળ મારી રાહ જુએ છે તે પણ આશીર્વાદિત છે. [QBR]
35. કારણ કે જેઓને હું મળું છું તેઓને જીવન મળે છે, [QBR] તેઓ યહોવાહની કૃપા પામશે. [QBR]
36. પણ જે મારી સામે પાપ કરે છે, તે પોતાના આત્માને જ નુકશાન પહોંચાડે છે; [QBR] જેઓ મને ધિક્કારે છે, તેઓ મૃત્યુના ચાહકો છે.” [PE]