1. મારા દીકરા, મારાં વચનો પાળ [QBR] અને મારી આજ્ઞાઓ સંઘરી રાખ. [QBR]
2. મારી આજ્ઞાઓ પાડીને જીવતો રહે [QBR] અને મારા શિક્ષણને તારી આંખની કીકીની જેમ જતન કરજે. [QBR]
3. તેઓને તારી આંગળીઓ પર બાંધ; [QBR] તેઓને તારા હૃદયપટ પર લખી રાખ. [QBR]
4. ડહાપણને કહે કે “તું મારી બહેન છે,” [QBR] અને બુદ્ધિને કહે, “તું મારી ઘનિષ્ઠ મિત્ર છે.” [QBR]
5. જેથી એ બન્ને તને વ્યભિચારી સ્ત્રીથી બચાવશે. [QBR] તે ખુશામતના શબ્દો ઉચ્ચારનારી પરસ્ત્રીથી તારું રક્ષણ કરશે. [QBR]
6. કારણ કે એક વખત મેં મારા ઘરની બારી નજીક ઊભા રહીને [QBR] જાળીમાંથી સામે નજર કરી; [QBR]
7. અને ત્યાં મેં ઘણાં ભોળા યુવાનોને જોયા. [QBR] તેમાં એક અક્કલહીન યુવાન મારી નજરે પડ્યો. [QBR]
8. એક સ્ત્રીના ઘરના ખૂણા પાસેથી તે બજારમાંથી પસાર થતો હતો, [QBR] તે સીધો તેના ઘર તરફ જતો હતો. [QBR]
9. દિવસ આથમ્યો હતો, સાંજ પડવા આવી હતી [QBR] અને રાતના અંધકારનાં સમયે. [QBR]
10. અચાનક એક સ્ત્રી તેને મળવા બહાર આવી, [QBR] તેણે ગણિકાના જેવાં વસ્ત્રો પહેર્યા હતાં અને તે જાણતી હતી કે તે શા માટે ત્યાં છે. [QBR]
11. તે કપટી અને મીઠું બોલનારી અને સ્વછંદી હતી, [QBR] તેના પગ પોતાના ઘરમાં કદી ટકતા ન હતા; [QBR]
12. કોઈવાર ગલીઓમાં હોય, તો ક્યારેક બજારની એકાંત જગામાં, [QBR] તો કોઈવાર ચોકમાં શેરીના-ખૂણે લાગ તાકીને ઊભી રહેતી હતી. [QBR]
13. તે સ્ત્રીએ તેને પકડીને ચુંબન કર્યુ; [QBR] અને નિર્લજ્જ મોઢે તેને કહ્યું કે, [QBR]
14. શાંત્યર્પણો મારી પાસે તૈયાર કરેલાં છે, આજે મેં પ્રતિજ્ઞા લીધી છે; [QBR] આજે મેં મારી પ્રતિજ્ઞા પૂર્ણ કરી છે. [QBR]
15. તેથી હું તને મળવા બહાર આવી છું. [QBR] હું ક્યારની તને શોધતી હતી, આખરે તું મળ્યો છે. [QBR]
16. મેં મારા પલંગ ઉપર સુંદર ભરતકામવાળી ચાદરો પાથરી છે [QBR] તથા મિસરી શણનાં સુંદર વસ્ત્રો બિછાવ્યાં છે. [QBR]
17. મેં મારું બિછાનું [QBR] બોળ, અગર અને તજથી સુગંધીદાર બનાવ્યું છે. [QBR]
18. ચાલ, આપણે સવાર સુધી ભરપેટ પ્રેમનો અનુભવ કરીએ; [QBR] આખી રાત મગ્ન થઈ પ્રેમની મજા માણીએ. [QBR]
19. મારો પતિ ઘરે નથી; [QBR] તે લાંબી મુસાફરીએ ગયો છે. [QBR]
20. તે પોતાની સાથે રૂપિયાની થેલી લઈ ગયો છે; [QBR] અને તે પૂનમે પાછો ઘરે આવશે.” [QBR]
21. તે ઘણા મીઠા શબ્દોથી તેને વશ કરે છે; [QBR] અને તે પોતાના હોઠોની ખુશામતથી તેને ખેંચી જાય છે. [QBR]
22. જેમ બળદ કસાઈવાડે જાય છે, [QBR] અને જેમ ગુનેગારને સજા માટે સાંકળે બાંધીને લઈ જવાય છે [QBR] તેમ તે જલદીથી તેની પાછળ જાય છે. [QBR]
23. આખરે તેનું કાળજું તીરથી વીંધાય છે; [QBR] જેમ કોઈ પક્ષી પોતાનો જીવ જશે [QBR] એમ જાણ્યા વિના જાળમાં ધસી જાય છે, તેમ તે સપડાઈ જાય છે. [QBR]
24. હવે, મારા દીકરાઓ, સાંભળો; [QBR] અને મારા મુખનાં વચનો પર લક્ષ આપો. [QBR]
25. તારું હૃદય તેના માર્ગો તરફ વળવા ન દે; [QBR] તેના રસ્તાઓમાં ભટકીને જતો નહિ. [QBR]
26. કારણ, તેણે ઘણાંને ઘાયલ કર્યા છે, તેઓને મારી નાખ્યા છે; [QBR] અને તેનાથી માર્યા ગયેલાઓની સંખ્યા પુષ્કળ છે. [QBR]
27. તેનું ઘર મૃત્યુના માર્ગે છે; [QBR] એ માર્ગ મૃત્યુના ઓરડામાં પહોંચાડે છે. [PE]