1. જે માણસ વારંવાર ઠપકો પામવા છતાં પોતાની ગરદન અક્કડ રાખે છે, [QBR] તે અકસ્માતમાં નાશ પામશે, તેનો કોઈ ઉપાય રહેશે નહિ. [QBR]
2. જ્યારે ન્યાયી લોકો સત્તા પર આવે છે ત્યારે લોકો આનંદોત્સવ કરે છે, [QBR] પણ જ્યારે દુષ્ટોના હાથમાં સત્તા આવે છે ત્યારે તેઓ નિસાસા નાખે છે. [QBR]
3. જે કોઈ ડહાપણને પ્રેમ કરે તે પોતાના પિતાને આનંદ આપે છે, [QBR] પણ જે ગણિકાઓની સાથે સંબંધ રાખે છે તે પોતાની સંપત્તિ પણ ગુમાવે છે. [QBR]
4. નીતિમાન ન્યાયી રાજા દેશને સ્થિરતા આપે છે, [QBR] પણ જે લાંચ મેળવવાનું ચાહે છે તે તેનો નાશ કરે છે. [QBR]
5. જે માણસ પોતાના પડોશીનાં ખોટાં વખાણ કરે છે [QBR] તે તેને ફસાવવા જાળ પાથરે છે. [QBR]
6. દુષ્ટ માણસ પોતાના પાપના ફાંદામાં ફસાય છે, [QBR] પણ નેકીવાન માણસ ગીતો ગાય છે અને આનંદ કરે છે. [QBR]
7. નેકીવાન માણસ ગરીબોના હિતની ચિંતા રાખે છે; [QBR] દુષ્ટ માણસ તે જાણવાની દરકાર પણ કરતો નથી. [QBR]
8. તિરસ્કાર કરનાર માણસો શહેર સળગાવે છે, [QBR] પણ ડાહ્યા માણસો રોષને સમાવે છે. [QBR]
9. જ્યારે ડાહ્યો માણસ મૂર્ખ સાથે વાદવિવાદમાં ઊતરે છે, ત્યારે કાં તો તે ગુસ્સે થાય છે અગર તે હસે છે, [QBR] પણ તેને કંઈ નિરાંત વળતી નથી. [QBR]
10. લોહીના તરસ્યા માણસો પ્રામાણિક માણસો પર વૈર રાખે છે [QBR] તેઓ પ્રામાણિકનો જીવ લેવા મથે છે. [QBR]
11. મૂર્ખ માણસ પોતાનો ક્રોધ બહાર ઠાલવે છે, [QBR] પણ ડાહ્યો માણસ પોતાની જાતને કાબૂમાં રાખે છે અને ક્રોધ સમાવી દે છે. [QBR]
12. જો કોઈ શાસનકર્તા જૂઠી વાતો સાંભળવા માટે ધ્યાન આપે, [QBR] તો તેના સર્વ સેવકો ખરાબ થઈ જાય છે. [QBR]
13. ગરીબ માણસ તથા જુલમગાર માણસ ભેગા થાય છે; [QBR] અને તે બન્નેની આંખોને યહોવાહ પ્રકાશ આપે છે. [QBR]
14. જે રાજા વિશ્વાસુપણાથી ગરીબોનો ન્યાય કરે છે, [QBR] તેનું રાજ્યાસન સદાને માટે સ્થિર રહેશે. [QBR]
15. સોટી તથા ઠપકો ડહાપણ આપે છે; [QBR] પણ સ્વતંત્ર મૂકેલું બાળક પોતાની માતાને બદનામ કરે છે. [QBR]
16. જ્યારે દુષ્ટોની વૃદ્ધિ થાય છે, ત્યારે પાપ વધે છે; [QBR] પણ નેકીવાનો તેઓની પડતી થતી જોશે. [QBR]
17. તું તારા દીકરાને શિક્ષા કરીશ તો તે તારા માટે આશીર્વાદરૂપ હશે [QBR] અને તે તારા આત્માને આનંદ આપશે. [QBR]
18. જ્યાં સંદર્શન નથી, ત્યાં લોકો મર્યાદા છોડી દે છે, [QBR] પણ નિયમના પાળનાર આશીર્વાદિત છે. [QBR]
19. માત્ર શબ્દોથી ગુલામોને સુધારી શકાશે નહિ, [QBR] કારણ કે તે સમજશે તો પણ ગણકારશે નહિ. [QBR]
20. શું તેં ઉતાવળે બોલનાર માણસને જોયો છે? [QBR] તેના કરતાં કોઈ મૂર્ખ તરફથી વધારે આશા રાખી શકાય. [QBR]
21. જે માણસ પોતાના ચાકરને નાનપણથી વહાલપૂર્વક ઉછેરે છે, [QBR] આખરે તે તેનો દીકરો થઈ બેસશે. [QBR]
22. ક્રોધી માણસ ઝઘડા સળગાવે છે [QBR] અને ગુસ્સાવાળો માણસ ઘણા ગુના કરે છે. [QBR]
23. અભિમાન માણસને અપમાનિત કરે છે, [QBR] પણ નમ્ર વ્યક્તિ સન્માન મેળવે છે. [QBR]
24. ચોરનો ભાગીદાર તેનો પોતાનો જ દુશ્મન છે; [QBR] તે સોગન ખાય છે, પણ કંઈ જાહેર કરતો નથી. [QBR]
25. માણસની બીક ફાંદારૂપ છે; [QBR] પણ જે કોઈ યહોવાહ પર વિશ્વાસ રાખે છે તે સુરક્ષિત છે. [QBR]
26. ઘણા માણસો અધિકારીની કૃપા શોધે છે, [QBR] પણ ન્યાય તો યહોવાહ પાસેથી જ મળી શકે છે. [QBR]
27. અન્યાયી માણસ નેકીવાનને કંટાળાજનક છે, [QBR] અને નેકીવાન દુષ્ટોને કંટાળાજનક છે. [PE]