1. દુષ્ટ માણસોની અદેખાઈ ન કર, [QBR] તેઓની સાથે રહેવાની ઇચ્છા ન કર. [QBR]
2. કારણ કે તેઓનાં મન હિંસાના વિચારો કરે છે [QBR] અને તેઓના હોઠ ઉપદ્રવની વાતો કરે છે. [QBR]
3. ડહાપણ વડે ઘર બંધાય છે [QBR] અને બુદ્ધિથી તે સ્થિર થાય છે. [QBR]
4. ડહાપણ વડે સર્વ મૂલ્યવાન તથા [QBR] સુખદાયક દ્રવ્યથી ઓરડાઓ ભરપૂર થાય છે. [QBR]
5. બહાદુર માણસ બળવાન હોય છે, [QBR] પણ જે વ્યક્તિ પાસે ડહાપણ છે તે બહાદુર વ્યક્તિ કરતાં વધારે બળવાન હોય છે. [QBR]
6. કેમ કે ચતુર માણસની સલાહ પ્રમાણે તું યુદ્ધ કરશે [QBR] અને વધારે સલાહકારીઓમાં સલામતી છે. [QBR]
7. ડહાપણ એ મૂર્ખની શક્તિ ઉપરાંત છે; [QBR] તે જાહેરમાં પોતાનું મુખ ખોલી શકતો નથી. [QBR]
8. જે ખોટાં કામ કરવા માટે યુક્તિઓ રચે છે [QBR] તેને લોકો ઉપદ્રવી પુરુષ કહેશે. [QBR]
9. મૂર્ખની યોજનાઓ પાપી છે [QBR] અને લોકો બડાઈ કરનારને ધિક્કારે છે. [QBR]
10. જો તું સંકટને દિવસે નાહિંમત થઈ જાય, [QBR] તો તારું બળ થોડું જ છે. [QBR]
11. જેઓને મોત માટે ઘસડી જવામાં આવે છે તેઓને છોડાવ [QBR] જેઓ માર્યા જવાની તૈયારીમાં છે તેઓને છોડાવવાનું ચૂકતો નહિ. [QBR]
12. જો તું કહે કે, “અમે તો એ જાણતા નહોતા.” [QBR] તો જે અંત:કરણોની ચકાસણી કરે છે તે શું તેનો વિચાર કરશે નહિ? [QBR] અને જે તારા જીવનો રક્ષક છે તે શું નથી જાણતો? [QBR] અને શું તે દરેક માણસને તેની કરણી પ્રમાણે ફળ આપશે નહિ? [QBR]
13. મારા દીકરા, મધ ખા કેમ કે તે ગુણકારી છે, [QBR] મધનું ચાકું પણ ખા, કેમ કે તેનો સ્વાદ તને મીઠો લાગે છે. [QBR]
14. ખરેખર ડહાપણ તારા આત્માને માટે છે, [QBR] જો તને તે મળ્યું હોય, તો તને તેનું પ્રતિફળ મળશે [QBR] અને તારી આશા વ્યર્થ જશે નહિ. [QBR]
15. હે દુષ્ટ માણસ, સજ્જનના ઘર [QBR] આગળ લાગ જોઈ બેસી રહીશ નહિ, [QBR] તેના ઘર પર આક્રમણ કરીશ નહિ. [QBR]
16. કારણ કે નીતિમાન માણસ સાત વાર પડશે [QBR] તોપણ તે પાછો ઊભો થશે, [QBR] પણ દુષ્ટો વિપત્તિથી પાયમાલ થઈ જશે. [QBR]
17. જ્યારે તારા દુશ્મનની પડતી થાય, ત્યારે હર્ષ ન કર [QBR] અને જ્યારે તે પાયમાલ થાય ત્યારે તારા હૃદયમાં તું મગ્ન થતો નહિ. [QBR]
18. નહિ તો યહોવાહ તે જોઈને નારાજ થશે [QBR] અને તેના ઉપરથી પોતાનો રોષ પાછો ખેંચી લેશે. [QBR]
19. દુષ્કર્મીઓને લીધે તું ચિડાતો નહિ [QBR] અને દુષ્ટોની અદેખાઈ ન કર. [QBR]
20. કારણ કે દુર્જનોનું કોઈ ભવિષ્ય નથી [QBR] અને દુષ્ટોનો દીવો હોલવાઈ જશે. [QBR]
21. મારા દીકરા, યહોવાહનું તથા રાજાનું ભય રાખ; [QBR] બળવાખોરો સાથે કશો સંબંધ ન રાખ, [QBR]
22. કારણ કે તેઓના પર અચાનક આફત આવી પડશે [QBR] અને તે બન્નેના તરફથી આવતા વિનાશની ખબર કોને છે? [QBR]
23. આ પણ જ્ઞાનીઓનાં વચન છે. [QBR] ન્યાયમાં પક્ષપાત બતાવવો તે યોગ્ય નથી. [QBR]
24. જે કોઈ દુષ્ટને કહે છે, “તું નેક છે,” [QBR] તે લોકો દ્વારા શાપિત ગણાશે અને પ્રજાઓ તેને ધિક્કારશે. [QBR]
25. પણ જે કોઈ દોષિતને ઠપકો આપશે તેઓ આનંદિત થશે [QBR] અને તેઓના પર ઘણો આશીર્વાદ ઊતરશે. [QBR]
26. જે કોઈ સાચો જવાબ આદરપૂર્વક આપે છે, [QBR] તે હોઠોનું ચુંબન કરે છે. [QBR]
27. તારું બહારનું કામ તૈયાર રાખ [QBR] અને તારા ખેતરનું કામ તૈયાર કર [QBR] અને ત્યારપછી તારું ઘર બાંધ. [QBR]
28. વિનાકારણ તારા પડોશી વિરુદ્ધ સાક્ષી પૂરીશ નહિ [QBR] અને તારા હોઠોથી ઠગાઈ ન કર. [QBR]
29. એમ ન કહે કે, “જેવું તેણે મને કર્યું છે, તેવું હું તેને કરીશ; [QBR] તેને તેના કામ પ્રમાણે હું બદલો આપીશ.” [QBR]
30. હું આળસુ વ્યક્તિના ખેતર પાસે થઈને [QBR] તથા બેવકૂફ માણસની દ્રાક્ષાવાડી પાસે થઈને જતો હતો; [QBR]
31. ત્યારે મેં જોયું તો તેમાં બધે ઝાંખરાં ઊગી નીકળ્યાં હતાં, [QBR] જમીન કાંટાથી છવાઈ ગઈ હતી [QBR] અને તેની પથ્થરનો કોટ તૂટી ગયો હતો. [QBR]
32. પછી મેં જોયું અને વિચાર કર્યો; [QBR] હું સમજ્યો અને મને શિખામણ મળી. [QBR]
33. હજી થોડીક નિદ્રા, થોડીક ઊંઘ લેવા દો, [QBR] થોડીક વાર હાથ વાળીને સૂવા દો. [QBR]
34. એમ કરવાથી તારી દરિદ્રતા લૂંટારાની જેમ [QBR] અને તારી કંગાલાવસ્થા હથિયારબંધ માણસની જેમ આવી પહોંચશે. [PE]