1. ખોટાં ત્રાજવાં યહોવાહને કંટાળારૂપ છે, [QBR] પણ સાચા વજનથી તેમને આનંદ થાય છે. [QBR]
2. અહંકાર આવે છે ત્યારે અપમાન પણ આવે છે, [QBR] પણ નમ્ર જનો પાસે ડહાપણ હોય છે. [QBR]
3. પ્રામાણિક માણસની વિશ્વાનીયતા તેને દોરે છે, [QBR] પણ ધુતારા પોતાના દુષ્ટ ઇરાદાઓથી નાશ પામશે. [QBR]
4. કોપને દિવસે દ્રવ્ય કંઈ કામ આવતું નથી, [QBR] પણ નેકી મોતથી ઉગારે છે. [QBR]
5. પ્રામાણિક માણસની નેકી તેનો માર્ગ સ્થિર કરે છે, [QBR] પણ દુષ્ટ માણસ પોતાની જ દુષ્ટતાથી પાયમાલ થશે. [QBR]
6. પ્રામાણિક માણસની નેકી, ઈશ્વરને પસંદ છે તેથી તે બચી જશે, [QBR] પરંતુ કપટ કરનારા તેઓની પોતાની યોજનાઓમાં ફસાય છે. [QBR]
7. દુષ્ટ માણસની અપેક્ષા તેના મૃત્યુ સમયે નાશ પામે છે, [QBR] અને અન્યાયીની આશા પણ નાશ પામે છે. [QBR]
8. સદાચારીને સંકટમાંથી ઉગારી લેવામાં આવે છે [QBR] અને તેને બદલે દુષ્ટો તેમાં ફસાય છે. [QBR]
9. દુષ્ટ માણસ પોતાની વાણીથી પોતાના પડોશીઓનો નાશ કરે છે, [QBR] પરંતુ ન્યાયી તેના ડહાપણ વડે બીજાઓને ઉગારે છે. [QBR]
10. ન્યાયી વ્યક્તિની સફળતામાં આખું નગર હર્ષ કરે છે; [QBR] અને દુષ્ટોનો નાશ થાય છે ત્યારે હર્ષના નાદ સંભળાય છે. [QBR]
11. સદાચારીના આશીર્વાદથી નગરની ઉન્નતિ થાય છે, [QBR] પણ દુરાચારીની વાણીથી તેનો નાશ થાય છે. [QBR]
12. પોતાના પડોશીનો તુચ્છકાર કરનાર અજ્ઞાની છે, [QBR] પણ બુદ્ધિમાન માણસ શાંત રહે છે. [QBR]
13. ચાડી કરનાર માણસ છૂપી વાત બહાર પાડી દે છે, [QBR] પણ વિશ્વાસુ વ્યક્તિ એ વાતને ગુપ્ત રાખે છે. [QBR]
14. જ્યાં આગેવાન અજ્ઞાન હોય, ત્યાં લોકો નાશ પામે છે, [QBR] પણ જ્યાં પુષ્કળ સલાહકારો હોય ત્યાં સલામતી છે. [QBR]
15. પારકાના જામીન થનારને વેઠવું પડે છે, [QBR] જે જામીનગીરી લેવાનું ટાળે છે તે સુરક્ષિત છે. [QBR]
16. સુશીલ સ્ત્રી આબરુને સાચવી રાખે છે; [QBR] અને જુલમી માણસો દ્રવ્ય સાચવી રાખે છે. [QBR]
17. દયાળુ માણસ પોતાની જાતનું હિત કરે છે, [QBR] પણ ઘાતકી માણસ પોતાના દેહને દુ:ખમાં નાખે છે. [QBR]
18. દુષ્ટની કમાણી ઠગારી છે, [QBR] પણ નીતિમત્તાનું બીજ વાવનારને સાચો હોવા બદલ વળતર મળશે. [QBR]
19. જે માણસ નેકીમાં સુદ્રઢ છે તે જીવન સંપાદન કરે છે, [QBR] પણ બૂરાઈ શોધનાર પોતાનું જ મોત લાવે છે. [QBR]
20. વિપરીત અંતઃકરણવાળા માણસોથી યહોવાહ કંટાળે છે, [QBR] પણ જેઓ નીતિમત્તાથી જીવે છે તેઓ તેમને આનંદરૂપ છે. [QBR]
21. ખાતરી રાખજો કે દુષ્ટને સજા થયા વિના રહેશે નહિ, [QBR] પણ સદાચારીઓનાં સંતાનનો બચાવ થશે. [QBR]
22. જેમ ભૂંડના નાકમાં સોનાની નથણી હોય છે [QBR] તેમ વિવેકહીન સ્ત્રીની સુંદરતા છે. [QBR]
23. નેક માણસની ઇચ્છા સારી જ હોય છે, [QBR] પરંતુ દુષ્ટોની ઇચ્છાઓ કોપરૂપ છે. [QBR]
24. એવા માણસો છે કે જેઓ વેરી નાખે છે તેમ છતાં વૃદ્ધિ પામે છે; [QBR] અને કેટલાક વધુ પડતી કરકસર કરે છે તેમ છતાં તેઓ કંગાળ થાય છે. [QBR]
25. ઉદાર વ્યક્તિ આબાદ થશે, [QBR] પાણી આપનાર પોતે પણ પાણી પીશે. [QBR]
26. અનાજ સંઘરી રાખનારને લોકો શાપ આપે છે, [QBR] પણ વેચનાર ઉપર તેઓ આશીર્વાદ વરસાવે છે. [QBR]
27. ખંતથી હિત શોધનારને ઈશ્વરની કૃપા પ્રાપ્ત થશે, [QBR] પણ જે અહિત કરે છે તેઓને નુકશાન થશે. [QBR]
28. પોતાના દ્રવ્ય પર ભરોસો રાખનાર પડી જશે, [QBR] પણ નેકીવાન લીલા પાનની માફક ખીલશે. [QBR]
29. જે પોતાના જ કુટુંબને દુ:ખી કરે છે, તેને પવનનો વારસો મળશે, [QBR] અને મૂર્ખ માણસ જ્ઞાનીનો ચાકર બનશે. [QBR]
30. નેકીવાનનું ફળ તે જીવનનું વૃક્ષ છે, [QBR] પણ જે જ્ઞાની છે તે બીજા આત્માઓને બચાવે છે. [QBR]
31. નેકીવાનને પૃથ્વી પર બદલો મળશે; [QBR] તો દુષ્ટ અને પાપીને પણ તેના કામ પ્રમાણે બદલો મળશે તે કેટલું ખાતરીપૂર્વક છે! [PE]