1. [QS]હે શાહજાદી, ચંપલોમાં તારા પગ કેવા સુંદર દેખાય છે! [QE][QS]તારી જાંઘોના સાંધા, [QE][QS]કુશળ કારીગરે હાથે જડેલા ઝવેરાત જેવા છે. [QE]
2. [QS]તારી નાભિ સુંદર ગોળાકાર પ્યાલા જેવી છે; [QE][QS]કે જેમાં મિશ્રિત દ્રાક્ષારસ કદી ખૂટતો નથી. [QE][QS]તારું પેટ ગુલછડીથી શણગારેલી, [QE][QS]ઘઉંની ઢગલીના જેવું છે. [QE]
3. [QS]તારાં બે સ્તન જાણે હરણીના, [QE][QS]મનોહર જોડકાં બચ્ચાં જેવા છે. [QE]
4. [QS]તારી ગરદન હાથીદાંતના બુરજ જેવી છે; [QE][QS]તારી આંખો હેશ્બોનમાં બાથ-રાબ્બીમના [QE][QS]દરવાજા પાસે આવેલા કુંડ જેવી છે. [QE][QS]તારું નાક જાણે દમસ્કસ તરફના [QE][QS]લબાનોનના બુરજ જેવું છે. [QE]
5. [QS]તારું શિર કાર્મેલ પર્વત જેવું છે; [QE][QS]તારા શિરના કેશ જાંબુડા રંગના છે. [QE][QS]રાજા તારી લટોમાં પોતે બંદીવાન બની ગયો છે. [QE]
6. [QS]મારી પ્રિયતમા તું કેવી પ્રેમાળ અને અતિસુંદર છે, [QE][QS]તથા વિનોદ કરવા લાયક અને આનંદદાયક છે! [QE]
7. [QS]તારું કદ ખજૂરીના વૃક્ષ જેવું છે, [QE][QS]અને તારાં સ્તનો દ્રાક્ષાની લૂમો જેવા છે. [QE]
8. [QS]મેં વિચાર્યું કે, “હું ખજૂરીના વૃક્ષ પર ચઢીશ; [QE][QS]હું તેની ડાળીઓ પકડીશ.” [QE][QS]તારાં સ્તન દ્રાક્ષની લૂમો જેવાં થાય, [QE][QS]તારા શ્વાસની સુગંધ સફરજન જેવી થાય. [QE]
9. [QS]તારું મુખ ઉત્તમ દ્રાક્ષારસ જેવું થાય, [QE][QS]જે દ્રાક્ષારસ મારા પ્રીતમ માટે છે, [QE][QS]અને તેના હોઠો તથા દાંત ઉપર થઈને સરળતાથી પેટમાં ઊતરી જાય છે. [QE]
10. [QS]હું મારા પ્રીતમની છું [QE][QS]અને તે મારા માટે ઇચ્છા રાખે છે. [QE]
11. [QS]હે મારા પ્રીતમ, ચાલ, આપણે નગરમાં જઈએ; [QE][QS]અને આપણે ગામોમાં ઉતારો કરીએ. [QE]
12. [QS]આપણે વહેલા ઊઠીને દ્રાક્ષાવાડીઓમાં જઈએ; [QE][QS]દ્રાક્ષવેલાને મોર આવ્યો છે કે નહિ તે જોઈએ, [QE][QS]તેનાં ફૂલ ખીલ્યાં છે કે નહિ, [QE][QS]અને દાડમડીઓને ફૂલ બેઠાં છે કે નહિ, તે આપણે જોઈએ. [QE][QS]ત્યાં હું તને મારી પ્રીતિનો અનુભવ કરાવીશ. [QE]
13. [QS]ત્યાં રીંગણીઓ તેની સુગંધ પ્રસરાવે છે; [QE][QS]વળી આપણા આંગણામાં સર્વ પ્રકારનાં જૂનાં અને નવાં ફળો છે, [QE][QS]તે હે મારા પ્રીતમ, મેં તારા માટે સાચવી રાખ્યાં છે. [QE]