1. [QS]મેં રાત્રે મારા પ્રાણપ્રિયને પલંગમાં શોધ્યો, [QE][QS]મેં તેને શોધ્યો પણ તે મને મળ્યો નહિ. [QE]
2. [QS]મેં કહ્યું, હું તો ઊઠીને નગરમાં, [QE][QS]ગલીઓમાં તથા સરિયામ રસ્તાઓમાં ફરીને; [QE][QS]મારા પ્રાણપ્રિયને શોધીશ.” [QE][QS]મેં તેને શોધ્યો, પણ તે મને મળ્યો નહિ. [QE]
3. [QS]નગરમાં ચોકી માટે ફરતા ચોકીદારોનો મને ભેટો થયો; [QE][QS]મેં તેઓને પૂછ્યું, “મારા પ્રાણપ્રિયને તમે જોયો?” [QE]
4. [QS]તેમનાંથી ફક્ત થોડે જ દૂર હું ગઈ એટલે [QE][QS]મારો પ્રાણપ્રિય મને મળ્યો, [QE][QS]જ્યાં સુધી હું તેને મારી માના ઘરમાં, [QE][QS]મારી માતાના ઓરડામાં લાવી, [QE][QS]ત્યાં સુધી મેં તેને પકડી રાખ્યો, તેને છોડ્યો નહિ. [QE]
5. [QS]હે યરુશાલેમની યુવતીઓ, હરણીઓના તથા જંગલી સાબરીઓના સમ આપીને કહું છું કે [QE][QS]તેની મરજી થાય ત્યાં સુધી, [QE][QS]તમે મારા પ્રીતમને જગાડશો નહિ. [QE]
6. [QS]ધુમાડાના સ્તંભ જેવો, [QE][QS]બોળ, લોબાન તથા [QE][QS]વેપારીઓના સઘળાં સુગંધી દ્રવ્યોથી મહેકતો, [QE][QS]આ જે અરણ્યમાં આવતો દેખાય છે તે કોણ છે? [QE]
7. [QS]જુઓ, આ તો સુલેમાનની પાલખી છે; [QE][QS]તેની આસપાસ સાઠ યોદ્ધાઓ, [QE][QS]સાઠ ઇઝરાયલી સૈનિકો છે. [QE]
8. [QS]તેઓ તલવારબાજીમાં તથા યુદ્ધમાં કુશળ છે. [QE][QS]રાત્રીના ભયને કારણે, [QE][QS]તે દરેક માણસની તલવાર તેની જાંઘે હોય છે. [QE]
9. [QS]સુલેમાન રાજાએ પોતાના માટે લબાનોનના [QE][QS]લાકડામાંથી રથ બનાવ્યો. [QE]
10. [QS]તેના સ્તંભ ચાંદીના, તેનું તળિયું સોનાનું તથા તેનું આસન જાંબુડા રંગનું બનાવ્યું છે. [QE][QS]તેમાં યરુશાલેમની દીકરીઓ માટેનાં [QE][QS]પ્યારરૂપી ચિત્રવિચિત્ર ભરત ભરેલું છે. [QE]
11. [QS]હે સિયોનની દીકરીઓ, નીકળી આવો, જુઓ સુલેમાન રાજાને, [QE][QS]તેના આનંદના દિવસે એટલે [QE][QS]તેના લગ્નના દિવસે જે મુગટ તેની માતાએ તેને પહેરાવ્યો છે, તે મુગટ સહિત તેને નિહાળો. [QE]