1. હું નિરંતર યહોવાહની કૃપા વિષે ગાઈશ. [QBR] હું મારે મુખે પેઢી દરપેઢી તમારું વિશ્વાસુપણું પ્રગટ કરીશ. [QBR]
2. કેમ કે મેં કહ્યું છે, “કૃપા સદાને માટે સ્થાપન કરવામાં આવશે; [QBR] આકાશોમાં જ તમે તમારું વિશ્વાસુપણું સ્થાપજો.” [QBR]
3. યહોવાહે કહ્યું, “મેં મારા પસંદ કરેલાની સાથે કરાર કર્યો છે, [QBR] મેં મારા સેવક દાઉદને વચન આપ્યું છે. [QBR]
4. તારા વંશજોને હું સદા ટકાવી રાખીશ [QBR] અને વંશપરંપરા હું તારું રાજ્યાસન સ્થિર રાખીશ.” સેલાહ
5. હે યહોવાહ, આકાશો તમારા ચમત્કારોની સ્તુતિ કરશે; [QBR] સંતોની સભામાં તમારું વિશ્વાસુપણું વખાણવામાં આવશે. [QBR]
6. કેમ કે આકાશમાં એવો કોણ છે કે જેની તુલના યહોવાહ સાથે થાય? [QBR] ઈશ્વરના દીકરાઓમાં યહોવાહ જેવો કોણ છે? [QBR]
7. સંતોની સભામાં તે ઘણા ભયાવહ ઈશ્વર છે [QBR] અને જેઓ તેમની આસપાસ છે તે સર્વ કરતાં તે વધારે ભયાવહ છે. [QBR]
8. હે સૈન્યોના ઈશ્વર યહોવાહ, [QBR] હે યહોવાહ, તમારા જેવો પરાક્રમી કોણ છે? [QBR] તમારી આસપાસ તમારું વિશ્વાસુપણું છે. [QBR]
9. સમુદ્રના ગર્વ પર તમે અધિકાર ચલાવો છો; [QBR] જ્યારે તેનાં મોજાંઓ ઊછળે છે, ત્યારે તેઓને તમે શાંત પાડો છો. [QBR]
10. મારી નંખાયેલાની જેમ તમે રાહાબને છૂંદી નાખ્યો છે. [QBR] તમારા બાહુબળથી તમે તમારા શત્રુઓને વિખેરી નાખ્યા છે. [QBR]
11. આકાશો તમારાં છે અને પૃથ્વી પણ તમારી છે. [QBR] તમે જગત તથા તેના સર્વસ્વને સ્થાપન કર્યાં છે. [QBR]
12. ઉત્તર તથા દક્ષિણ તમારાથી ઉત્પન્ન થયાં છે. [QBR] તાબોર અને હેર્મોન તમારા નામે હર્ષનાદ કરે છે. [QBR]
13. તમારો હાથ બળવાન છે [QBR] અને તમારો હાથ મજબૂત તથા તમારો જમણો હાથ ઊંચો છે. [QBR]
14. ન્યાયીપણું તથા ઇનસાફ તમારા રાજ્યાસનનો પાયો છે. [QBR] તમારી હજૂરમાં કૃપા તથા સત્યતા હોય છે. [QBR]
15. જેઓ તમારી સ્તુતિ કરે છે, તેઓ આશીર્વાદિત છે! [QBR] હે યહોવાહ, તેઓ તમારા મુખના પ્રકાશમાં ચાલે છે. [QBR]
16. તેઓ આખો દિવસ તમારા નામમાં આનંદ કરે છે [QBR] અને તમારા ન્યાયીપણાથી તેઓને ઊંચા કરવામાં આવે છે. [QBR]
17. તમે તેઓના સામર્થ્યનો મહિમા છો [QBR] અને તમારી ઇચ્છા પ્રમાણે અમે વિજયવંત છીએ. [QBR]
18. કેમ કે અમારી ઢાલ તો યહોવાહ છે; [QBR] ઇઝરાયલના પવિત્ર અમારા રાજા છે. [QBR]
19. ઘણા સમયો પહેલાં તમારા ભક્તોને તમે દર્શનમાં કહ્યું હતું; [QBR] “જે પરાક્રમી છે તેને મેં સહાય કરી છે; [QBR] લોકોમાંથી મેં એક યુવાનને પસંદ કરીને ઊંચો કર્યો છે. [QBR]
20. મેં મારા સેવક દાઉદને પસંદ કર્યો છે; [QBR] મેં તેને મારા પવિત્ર તેલથી અભિષિક્ત કર્યો છે. [QBR]
21. મારો હાથ તેને ટકાવી રાખશે; [QBR] મારો બાહુ તેને સામર્થ્ય આપશે. [QBR]
22. શત્રુ તેનું નુકસાન કરી શકશે નહિ; [QBR] અને દુષ્ટ લોકો તેને દુઃખ આપશે નહિ. [QBR]
23. તેની આગળ હું તેના શત્રુઓને પાડી નાખીશ; [QBR] જેઓ તેનો ધિક્કાર કરે છે તેઓની ઉપર હું મરકી લાવીશ. [QBR]
24. મારું વિશ્વાસપણું તથા મારી કૃપા તેની સાથે નિરંતર રહેશે; [QBR] મારા નામે તેનું શિંગ ઊંચું કરવામાં આવશે. [QBR]
25. હું તેના હાથ સમુદ્ર પર સ્થાપન કરીશ [QBR] અને નદીઓ પર તેનો જમણો હાથ સ્થાપન કરીશ. [QBR]
26. તે મને પોકારીને કહેશે, 'તમે મારા પિતા છો, [QBR] મારા ઈશ્વર અને મારા તારણના ખડક છો.' [QBR]
27. વળી હું તેને મારા પ્રથમજનિત પુત્રની જેમ, [QBR] પૃથ્વીના રાજાઓમાં શ્રેષ્ઠ બનાવીશ. [QBR]
28. હું તેના ઉપર મારી કૃપા સદા રાખીશ; [QBR] અને તેની સાથે મારો કરાર દ્રઢ રહેશે. [QBR]
29. તેના વંશજો સદા રહે એવું પણ હું કરીશ [QBR] અને તેનાં સિંહાસન ઉપર તેના સંતાનને આકાશોની જેમ સ્થાયી કરીશ. [QBR]
30. જો તેનાં સંતાનો મારા નિયમોનો ભંગ કરશે [QBR] અને મારા હુકમોને આધીન નહિ રહે, [QBR]
31. જો તેઓ મારા વિધિઓને તોડશે [QBR] અને મારી આજ્ઞાઓ નહિ પાળે, [QBR]
32. તો હું સોટીથી તેઓના અપરાધોની [QBR] અને ફટકાથી તેઓના અન્યાયની શિક્ષા કરીશ. [QBR]
33. પણ હું તેઓની પાસેથી મારી કૃપા લઈ લઈશ નહિ [QBR] અને હું તેઓને અવિશ્વાસુ નહિ બનું. [QBR]
34. હું મારો કરાર નહિ તોડું [QBR] અને મારા હોઠોથી નીકળેલી વાત ફેરવીશ નહિ. [QBR]
35. એકવાર મેં મારી પવિત્રતાના સમ ખાધા છે [QBR] હું દાઉદ સાથે જૂઠું બોલીશ નહિ. [QBR]
36. તેના વંશજો સર્વકાળ ટકશે [QBR] અને મારી આગળ સૂર્યની જેમ તેનું રાજ્યાસન ટકશે. [QBR]
37. ચંદ્રની જેમ તે સદા અચળ રહેશે, [QBR] આકાશમાંના વિશ્વાસુ સાક્ષી જેવું થશે.” સેલાહ [QBR]
38. પણ તમે તમારા અભિષિક્ત રાજાને તજીને તેને તુચ્છ ગણ્યો છે; [QBR] તેના પર કોપાયમાન થયા છો. [QBR]
39. તમે તમારા સેવક સાથે કરેલા કરારને તોડ્યો છે. [QBR] તમે તેના મુગટને કચરામાં ફેંકી દીધો હતો. [QBR]
40. તેનું રક્ષણ કરનાર દીવાલોને તમે તોડી પાડી છે, [QBR] તેના દરેક કિલ્લાને તમે ખંડેર બનાવ્યા છે. [QBR]
41. માર્ગે જનારા સર્વ તેને લૂંટી લે છે. [QBR] તે પોતાના પડોશીઓથી અપમાન પામે છે. [QBR]
42. તમે તેના વૈરીઓને તેમની વિરુદ્ધ બળવાન કર્યા છે; [QBR] અને તમે તેના સર્વ શત્રુઓને આનંદિત કર્યા છે. [QBR]
43. તમે તેની તરવારની ધાર વાળી દો છો [QBR] અને તમે તેને યુદ્ધમાં ઊભો રાખ્યો નથી. [QBR]
44. તમે તેનું તેજ લઈ લીધું છે [QBR] અને તેનું રાજ્યાસન જમીનદોસ્ત કરી નાખ્યું છે. [QBR]
45. તમે તેની યુવાનીના દિવસો ટૂંકા કર્યા છે. [QBR] તમે તેને શરમિંદો કરી દીધો છેે. [QBR]
46. હે યહોવાહ, તે ક્યાં સુધી? શું તમે સદાકાળ સુધી સંતાઈ રહેશો? [QBR] તમારો કોપ ક્યાં સુધી અગ્નિની જેમ સળગતો રહેશે? [QBR]
47. મારું આયુષ્ય કેટલું ટુંકું છે, તે વિષે વિચારો [QBR] અને તમે માનવજાતને કેવી વ્યર્થતાને માટે ઉત્પન્ન કરી છે! [QBR]
48. એવું કોણ છે કે જે જીવશે અને મરણ પામશે નહિ? [QBR] શેઓલના કબજામાંથી પોતાનો આત્મા કોણ છોડાવશે? સેલાહ
49. હે પ્રભુ, જેને વિષે તમે તમારા વિશ્વાસુપણાએ દાઉદ પ્રત્યે સમ ખાધા, [QBR] તે તમારી અગાઉની કૃપા ક્યાં છે? [QBR]
50. હે પ્રભુ, તમારા સેવકોનું અપમાન સંભારો [QBR] અને હું કેવી રીતે મારા હૃદયમાં બધા પરાક્રમી લોકોનો તિરસ્કાર સહન કરું છું. [QBR]
51. હે યહોવાહ, તમારા શત્રુઓએ અપમાન કર્યું છે; [QBR] તેઓ તમારા અભિષિક્તનાં પગલાની મશ્કરી કરે છે, તે પણ તમે સંભારો. [QBR]
52. નિરંતર યહોવાહને ધન્યવાદ આપો. [QBR] આમેન તથા આમેન. [PE]