1. હે યહોવાહ, મારો ઉદ્ધારકરનાર ઈશ્વર, [QBR] મેં રાતદિવસ તમારી આગળ વિનંતી કરી છે. [QBR]
2. મારી પ્રાર્થના સાંભળો; [QBR] મારા પોકાર પર ધ્યાન આપો. [QBR]
3. કારણ કે મારો જીવ ઘણો દુઃખી છે [QBR] અને મારો પ્રાણ શેઓલ તરફ ખેંચાઈ જાય છે. [QBR]
4. કબરમાં ઊતરનાર ભેગો હું ગણાયેલો છું; [QBR] હું નિરાધાર માણસના જેવો છું. [QBR]
5. મને તજીને મૃત્યુ પામેલાઓની સાથે ગણી લીધો છે; [QBR] મારી નંખાયેલા, કબરમાં સૂતેલા કે, [QBR] જેઓનું તમે સ્મરણ કરતા નથી, [QBR] જેઓ તમારા હાથથી દૂર થયેલા છે, તેમના જેવો હું છું. [QBR]
6. તમે મને છેક નીચલા ખાડામાં ધકેલી દીધો છે, [QBR] તે સ્થળો અંધકારથી ભરેલાં અને ઊંડાં છે. [QBR]
7. મારા પર તમારો કોપ અતિ ભારે છે [QBR] અને તમારાં સર્વ મોજાં મારા પર ફરી વળ્યાં છે. [QBR]
8. કેમ કે તમે મારા ઓળખીતાઓને મારી પાસેથી દૂર કર્યા છે. [QBR] તેઓ મારાથી આંચકો પામે એવો તમે મને કર્યો છે. [QBR] હું ફાંદામાં ફસાઈ ગયો છું અને તેમાંથી બહાર નીકળી શકતો નથી. [QBR]
9. દુ:ખને લીધે મારી આંખો ક્ષીણ થાય છે; [QBR] હે યહોવાહ, મેં દરરોજ તમને અરજ કરી છે; [QBR] તમારી સંમુખ મેં મારા હાથ જોડ્યા છે. [QBR]
10. શું તમે મરણ પામેલાઓને ચમત્કાર બતાવશો? [QBR] શું મરણ પામેલા ઊઠીને તમારી આભારસ્તુતિ કરશે? સેલાહ
11. શું કબરમાં તમારી કૃપા કે, [QBR] વિનાશમાં તમારું વિશ્વાસપણું જાહેર કરવામાં આવશે? [QBR]
12. શું અંધકારમાં તમારાં આશ્ચર્યકારક કૃત્યો [QBR] અને વિસ્મરણના દેશમાં તમારા ન્યાયીપણાનાં કૃત્યો વિષે જણાવવામાં આવશે? [QBR]
13. પણ, હે યહોવાહ, હું પોકાર કરીશ; [QBR] સવારે મારી પ્રાર્થના તમારી સમક્ષ આવશે. [QBR]
14. હે યહોવાહ, તમે મને કેમ તજી દીધો છે? [QBR] શા માટે તમે તમારું મુખ મારાથી ફેરવો છો? [QBR]
15. મારી યુવાવસ્થાથી મારા પર દુ:ખ આવી પડ્યાં છે અને હું મરણતોલ થઈ ગયો છું. [QBR] તમારો ત્રાસ વેઠતાં હું ગભરાઈ ગયો, હું કંઈ કરી શકતો નથી. [QBR]
16. તમારો ઉગ્ર કોપ મારા પર આવી પડ્યો છે [QBR] અને તમારા ત્રાસે મારો નાશ કર્યો છે. [QBR]
17. તેઓએ પાણીની જેમ દરરોજ મને ઘેર્યો છે; [QBR] તેઓ ભેગા થઈને મારી આસપાસ ફરી વળ્યા છે. [QBR]
18. તમે મારા મિત્રોને અને સંબંધીઓને મારાથી દૂર કર્યા છે. [QBR] મારા સંબંધીઓમાં હવે તો અંધકાર જ રહ્યો છે. [PE]