1. મારા લોકો, મારો નિયમ સાંભળો, [QBR] મારા મુખના શબ્દોને તમે ધ્યાનથી સાંભળો. [QBR]
2. હું ડહાપણ વિશેનું ગીત ગાઈશ; [QBR] હું ભૂતકાળનાં રહસ્યોની વાત સમજાવીશ કે, [QBR]
3. જે વાત આપણે સાંભળી છે તથા શીખ્યા છીએ [QBR] જે આપણા પૂર્વજોએ આપણને કહી છે. [QBR]
4. યહોવાહનાં સ્તોત્ર, તેમનું સામર્થ્ય [QBR] તથા તેમનાં કરેલાં આશ્ચર્યકારક કામો આવતી પેઢીને જાહેર કરીને [QBR] તેઓના વંશજોથી આપણે તે સંતાડીશું નહિ. [QBR]
5. કારણ કે તેમણે યાકૂબ સાથે તેમનો કરાર કર્યો [QBR] અને ઇઝરાયલમાં નિયમ ઠરાવ્યો. [QBR] તેમણે આપણા પૂર્વજોને આજ્ઞા કરી [QBR] કે તેઓ પોતાનાં બાળકોને પણ શીખવે. [QBR]
6. જેથી આવતી પેઢીનાં જે બાળકો જન્મે તેઓ તે જાણે, [QBR] તેઓ મોટાં થઈને પોતાનાં સંતાનોને તે જણાવે, માટે તેમણે આજ્ઞા આપી છે. [QBR]
7. જેથી તેઓ સહુ ઈશ્વરની આશા રાખે [QBR] અને તેમનાં અદ્દભુત કાર્યોને વીસરી જાય નહિ, [QBR] પણ તેમની આજ્ઞાઓને પાળે. [QBR]
8. પછી તેઓ પોતાના પૂર્વજોના જેવા ન થાય, [QBR] કે જેઓ હઠીલા તથા બંડખોર પેઢીના છે, [QBR] એવી પેઢી કે જેઓનાં હૃદય સ્થિર નથી [QBR] અને જેઓનો આત્મા સમર્પિત કે ઈશ્વરને વિશ્વાસુ નથી. [QBR]
9. એફ્રાઇમના લોકો શસ્ત્રસજ્જિત ધનુર્ધારી હોવા છતાં [QBR] પણ લડાઈના દિવસમાં પાછા હઠી ગયા. [QBR]
10. તેઓએ ઈશ્વરનો કરાર પાળ્યો નહિ [QBR] અને તેમના નિયમ પ્રમાણે વર્તવાની ના પાડી. [QBR]
11. તેમણે કરેલાં અદ્દભુત કાર્યો, [QBR] ચમત્કારો તેમણે તેઓને બતાવ્યા હતા તે તેઓ ભૂલી ગયા. [QBR]
12. મિસર દેશમાં, સોઆનનાં ક્ષેત્રમાં, [QBR] તેઓના પૂર્વજોની આગળ તેમણે આશ્ચર્યકારક કૃત્યો કર્યાં. [QBR]
13. તેમણે સમુદ્રના બે ભાગ કરીને તેઓને પાર બહાર લાવ્યા; [QBR] તેમણે દીવાલની જેમ પાણીને સ્થિર રાખ્યાં. [QBR]
14. તે તેઓને દિવસે મેઘથી [QBR] અને આખી રાત અગ્નિના પ્રકાશથી દોરતા. [QBR]
15. તેમણે અરણ્યમાં ખડકને તોડીને [QBR] અને ઊંડાણમાંથી વહેતું હોય તેમ પુષ્કળ પાણી તેઓને આપ્યું. [QBR]
16. તેમણે ખડકમાંથી પાણીની ધારો કાઢી [QBR] અને વહેતી નદીની જેમ પ્રવાહ વહેવડાવ્યો. [QBR]
17. તેમ છતાં તેઓએ તેમની વિરુદ્ધ પાપ કરવાનું ચાલુ જ રાખ્યું, [QBR] અરણ્યમાં પરાત્પરની વિરુદ્ધ તેઓ બંડ કરતા રહ્યા. [QBR]
18. પોતાના ખાઉધરાપણાને વશ થઈને ખોરાક માગીને તેઓએ પોતાના [QBR] હૃદયથી ઈશ્વરની પરીક્ષા કરી. [QBR]
19. તેઓ ઈશ્વરની વિરુદ્ધ બોલ્યા; [QBR] તેઓએ કહ્યું, “શું અરણ્યમાં ઈશ્વર મેજ તૈયાર કરી શકે? [QBR]
20. જુઓ, જ્યારે તેમણે ખડકને લાકડી મારી, ત્યારે પાણી વહી આવ્યું [QBR] અને પાણીનાં ઝરણાં વહેવા માંડ્યાં. [QBR] પણ શું તે આપણને રોટલી આપી શકે છે? [QBR] શું તે પોતાના લોકોને માટે માંસ પૂરું પાડી શકશે?” [QBR]
21. જ્યારે યહોવાહે આ સાંભળ્યું, ત્યારે તેઓ ગુસ્સે થયા; [QBR] તેથી યાકૂબની વિરુદ્ધ તેમનો અગ્નિ ઊઠ્યો [QBR] અને ઇઝરાયલ પર તેમનો કોપ ભભૂક્યો, [QBR]
22. કારણ કે તેઓએ ઈશ્વર પર વિશ્વાસ કર્યો નહિ [QBR] અને તેમના દ્વારા મળતા ઉદ્ધાર પર ભરોસો રાખ્યો નહિ. [QBR]
23. છતાં તેમણે વાદળાંને આજ્ઞા આપી [QBR] અને આકાશનાં દ્વાર ખોલી નાખ્યાં. [QBR]
24. તેઓના ખોરાક માટે માન્નાની વૃષ્ટિ કરી [QBR] અને તેમણે સ્વર્ગમાંથી ભોજન આપ્યું. [QBR]
25. લોકોએ દૂતોનો ખોરાક ખાધો. [QBR] અને તેઓ તૃપ્ત થયા ત્યાં સુધી તેમણે ભોજન આપ્યું. [QBR]
26. તેમણે આકાશમાં પૂર્વ તરફથી પવન ફુંકાવ્યો [QBR] અને પોતાના સામર્થ્યથી દક્ષિણ તરફથી પવન ફુંકાવ્યો. [QBR]
27. તેમણે ધૂળની જેમ માંસ [QBR] અને સમુદ્રની રેતીની જેમ પીંછાવાળા પક્ષીઓ તેઓના પર વરસાવ્યાં. [QBR]
28. તેમણે તેઓની છાવણી મધ્યે [QBR] અને તેઓના તંબુઓની ચારેબાજુએ તે પાડ્યાં. [QBR]
29. લોકો ધરાઈ રહ્યા ત્યાં સુધી ખાધું. [QBR] તેઓના માગ્યા પ્રમાણે તેમણે આપ્યું. [QBR]
30. પણ તેઓ તેમની ભૂખનું નિયંત્રણ કરી શક્યા નહિ; [QBR] તેઓનો ખોરાક તેઓના મુખમાં જ હતો, [QBR]
31. એટલામાં, ઈશ્વરનો કોપ તેઓ પર પ્રગટ્યો [QBR] અને તેઓમાંના હુષ્ટપુષ્ટોને મારી નાખ્યા. [QBR]
32. આમ છતાં, તેઓ પાપ કરતા રહ્યા [QBR] અને તેમના ચમત્કારો પર ભરોસો કર્યો નહિ. [QBR]
33. માટે ઈશ્વરે તેઓના દિવસો વ્યર્થપણામાં સમાપ્ત કર્યા; [QBR] અને તેઓનાં વર્ષોને ત્રાસથી ભર્યાં. [QBR]
34. જ્યારે જ્યારે ઈશ્વરે તેઓને દુઃખી કર્યા, ત્યારે તેઓએ તેમને શોધ્યા [QBR] અને તેઓ પાછા ફરીને આતુરતાથી તેમને શરણે આવ્યા. [QBR]
35. તેઓએ યાદ કર્યુ કે ઈશ્વર તેઓના ખડક છે [QBR] અને પરાત્પર ઈશ્વર તે જ તેઓના છોડાવનાર છે. [QBR]
36. પણ તેઓએ પોતાના મુખે તેમની પ્રશંસા કરી [QBR] અને પોતાની જીભે તેમની સમક્ષ જૂઠું બોલ્યા. [QBR]
37. કેમ કે તેઓનાં હૃદય તેમના પ્રત્યે વિશ્વાસુ નહોતાં [QBR] અને તેઓ તેમના કરાર પ્રત્યે વફાદાર નહોતા. [QBR]
38. તેમ છતાં તેમણે, દયા દર્શાવી, તેઓનાં પાપોની ક્ષમા આપી અને તેઓનો નાશ ન કર્યો. [QBR] હા, ઘણીવાર તેમણે પોતાનો ક્રોધ સમાવી દીધો [QBR] અને પોતાનો પૂરો કોપ પ્રગટ કર્યો નહિ. [QBR]
39. તેમણે સંભાર્યુ કે તેઓ દેહથી બનેલા છે [QBR] એક ક્ષણમાં પસાર થતાં વાયુ જેવા છે. [QBR]
40. તેઓએ કેટલી વાર અરણ્યમાં તેમની વિરુદ્ધ બંડ કર્યું [QBR] અને રાનમાં તેમને દુ:ખી કર્યા! [QBR]
41. વારંવાર તેઓએ ઈશ્વરની કસોટી કરી [QBR] અને ઇઝરાયલના પવિત્ર પ્રભુને દુ:ખી કર્યા. [QBR]
42. તેઓ તેમનાં મહાન સામર્થ્યનો વિચાર કર્યો નહિ, [QBR] તેમણે કેવી રીતે તેઓને શત્રુઓથી છોડાવ્યા, તે પણ યાદ કર્યું નહિ. [QBR]
43. મિસરમાં તેમણે જે ચમત્કારિક ચિહ્નો [QBR] અને સોઆનના મેદાનમાં આશ્ચર્યકર્મો કર્યા હતાં તે પણ ભૂલી ગયા. [QBR]
44. તેમણે તેઓની નદીઓને તથા તેઓના વહેળાઓને લોહી વહેતાં બનાવી દીધાં [QBR] જેથી તેઓ તે ઝરણામાંથી પી શકે નહિ. [QBR]
45. તેમણે મધમાખીઓનું મોટું ઝૂંડ મોકલ્યું, તે મધમાખીઓ તેઓને કરડી [QBR] અને દેડકાઓએ બધી વસ્તુઓનો નાશ કર્યો. [QBR]
46. તેઓની ફસલ તેમણે કાતરાઓને આપી [QBR] અને તેઓની મહેનતનું ફળ તીડને આપી દીધું. [QBR]
47. તેમણે કરાથી તેઓની દ્રાક્ષવાડીઓ [QBR] અને હિમથી તેઓનાં ગુલ્લરવૃક્ષોનો નાશ કર્યો હતો. [QBR]
48. તેમણે તેઓનાં જાનવર કરાને [QBR] અને તેઓનાં ટોળાં વીજળીને સ્વાધીન કર્યા. [QBR]
49. તેમણે પોતાનો કોપ તેઓ પર પ્રગટ કર્યો, [QBR] તેમણે રોષ, ગુસ્સો અને તિરસ્કાર તેઓની વિરુદ્ધ [QBR] સંહારક દૂતોની માફક મોકલ્યા. [QBR]
50. તેમણે પોતાના કોપ માટે રસ્તો ખુલ્લો કર્યો; [QBR] તેમણે મરણથી તેઓના પ્રાણ બચાવ્યા નહિ [QBR] પણ તેઓના પર મરકી મોકલી. [QBR]
51. તેમણે મિસરમાં સર્વ પ્રથમજનિતને મારી નાખ્યા; [QBR] હામના તંબુઓમાં તેઓના પ્રથમ પ્રથમજનિત નરબાળકોને માર્યા. [QBR]
52. તે પોતાના લોકોને ઘેટાંનાં ટોળાંની જેમ બહાર લાવ્યાં [QBR] અને તેમણે અરણ્યમાં થઈને તેઓને ટોળાંની જેમ દોર્યા. [QBR]
53. તેમણે તેઓને એવા સુરક્ષિત ચલાવ્યા કે તેઓ બીધા નહિ, [QBR] પણ સમુદ્રના પાણી શત્રુઓ પર ફરી વળ્યાં. [QBR]
54. અને તેમણે તેઓને તેની પવિત્ર ભૂમિમાં, [QBR] એટલે તેમને જમણે હાથે ખરીદાયેલા આ પહાડી દેશમાં પોતાના લોકોને લાવ્યા. [QBR]
55. તેમણે તેઓની આગળથી વિદેશીઓને કાઢી મૂક્યા [QBR] અને જમીન માપીને ઇઝરાયલનાં કુળોને વારસાના ભાગ પાડી આપ્યા [QBR] અને તેમને તેઓના તંબુઓમાં વસાવ્યા. [QBR]
56. તોપણ તેઓએ પરાત્પર ઈશ્વરની કસોટી કરવાનું [QBR] તથા તેમની વિરુદ્ધ બંડ કરવાનું ચાલુ રાખ્યું અને તેમની આજ્ઞાઓ પાળી નહિ. [QBR]
57. તેઓ તેમના પૂર્વજોની જેમ પાછા ફરી જઈને અવિશ્વાસુઓની જેમ વર્તવા લાગ્યા; [QBR] વાંકા ધનુષ્યના બાણની જેમ તેઓ આડે રસ્તે ચઢ્યા. [QBR]
58. કેમ કે તેઓએ પોતાનાં ઉચ્ચાસ્થાનો બનાવીને [QBR] અને પોતાની કોરેલી મૂર્તિઓ વડે તેમને ગુસ્સો ઉત્પન્ન કર્યો. [QBR]
59. જ્યારે ઈશ્વરે એ સાંભળ્યું, ત્યારે તે ગુસ્સે થયા [QBR] અને ઇઝરાયલનો પૂરેપૂરો નકાર કર્યો. [QBR]
60. તેથી તેમણે શીલોહનો માંડવો [QBR] એટલે જે તંબુ તેમણે માણસોમાં ઊભો કર્યો હતો, તેનો ત્યાગ કર્યો. [QBR]
61. તેમણે પોતાનું સામર્થ્ય બંધનમાં [QBR] અને પોતાનું ગૌરવ શત્રુના હાથમાં સોંપ્યા. [QBR]
62. તેમણે પોતાના લોકોને તરવારને સ્વાધીન કર્યા [QBR] અને પોતાના વારસા પર તે કોપાયમાન થયા. [QBR]
63. તેઓના યુવાનો અગ્નિથી નાશ પામ્યા [QBR] અને તેઓની કન્યાઓના લગ્નમાં ગીત ગાવામાં આવ્યાં નહિ. [QBR]
64. તેઓના યાજકો તરવારથી માર્યા ગયા [QBR] અને તેઓની વિધવાઓએ કંઈ રુદન કર્યું નહિ. [QBR]
65. જેમ કોઈ ઊંઘમાંથી જાગે, તેમ, દ્રાક્ષારસના કેફથી [QBR] શૂરવીર પુરુષની જેમ પ્રભુ ઊઠ્યા. [QBR]
66. તેમણે પાછળથી પોતાના શત્રુઓને માર્યા; [QBR] તેમણે તેઓને સદાને માટે શરમિંદા કર્યા. [QBR]
67. તેમણે યૂસફના તંબુનો નકાર કર્યો [QBR] અને એફાઇમના કુળનો સ્વીકાર કર્યો નહિ. [QBR]
68. તેમણે યહૂદાના કુળને [QBR] અને પોતાના પ્રિય સિયોન પર્વતને, પસંદ કર્યા. [QBR]
69. તેમણે પર્વત જેવું ઉન્નત અને સદા માટે સ્થાપન કરેલી પૃથ્વી જેવું [QBR] અચળ પોતાનું પવિત્રસ્થાન બાંધ્યું. [QBR]
70. તેમણે વાડામાંથી ઘેટાંની સંભાળ રાખનાર દાઉદને [QBR] પોતાના સેવક તરીકે પસંદ કર્યો. [QBR]
71. દૂઝણી ઘેટીઓની પાછળ ફરતો હતો, ત્યાંથી તેમના લોકો યાકૂબના સંતાનનું તથા [QBR] તેમના વારસા ઇઝરાયલનું પાલન કરવા તે તેને લાવ્યા. [QBR]
72. દાઉદે તેમને શુદ્ધ હૃદયથી [QBR] અને કૌશલ્યસભર શાણપણથી દોર્યા. [PE]