1. હું ઈશ્વરની આગળ મારી વાણી પોકારીશ; [QBR] હું મારી વાણીથી ઈશ્વરને પોકારીશ અને ઈશ્વર મારું સાંભળશે. [QBR]
2. મારા સંકટના દિવસે મેં પ્રભુને પોકાર્યા. [QBR] મેં તેમની તરફ મારા હાથ ઊંચા રાખીને આખી રાત પ્રાર્થના કરી; [QBR] મારા આત્માએ દિલાસો સ્વીકારવાની ના પાડી. [QBR]
3. હું ઈશ્વરનું સ્મરણ કરીને વ્યાકુળ થાઉં છું; [QBR] હું તેમના વિષે વિચારું છું, તો હું મૂર્છિત થઈ જાઉં છું. સેલાહ [QBR]
4. તમે મને મારી આંખો બંધ કરવા દેતા નથી; [QBR] હું મુશ્કેલીમાં બોલી શકતો નહોતો. [QBR]
5. હું અગાઉના દિવસોનો, [QBR] પૂર્વના ભૂતકાળનો વિચાર કરું છું. [QBR]
6. રાતના સમયે મારું ગાયેલું ગીત મને યાદ આવે છે. [QBR] હું ઘણી ગંભીરતાથી વિચારું છું. [QBR]
7. શું પ્રભુ મને સર્વકાળને માટે તજી દેશે? [QBR] શું તે ફરી પ્રસન્ન થશે નહિ? [QBR]
8. શું તેમની કૃપા સદાને માટે જતી રહી છે? [QBR] શું તેમનું વચન સદાકાળ રદ જશે? [QBR]
9. અમારા પર કૃપા કરવાનું ઈશ્વર શું ભૂલી ગયા છે? [QBR] શું તેમણે તેમની સહાનુભૂતિને કોપમાં બદલી નાખી છે? સેલાહ
10. મેં કહ્યું, “આ તો મારું દુઃખ છે: [QBR] પરાત્પરના જમણા હાથનાં વર્ષો હું સંભારીશ.” [QBR]
11. પણ હું યહોવાહનાં કૃત્યોનું સ્મરણ કરીશ; [QBR] તમારા પુરાતન કાળના ચમત્કાર વિષે હું વિચાર કરીશ. [QBR]
12. હું તમારાં સર્વ કામોનું મનન કરીશ [QBR] અને તમારાં કૃત્યો વિષે વિચાર કરીશ. [QBR]
13. હે ઈશ્વર, તમારા માર્ગો પવિત્ર છે, [QBR] આપણા મહાન ઈશ્વર જેવા બીજા ઈશ્વર કોણ છે? [QBR]
14. તમે ચમત્કાર કરનાર ઈશ્વર છો; [QBR] તમે લોકોમાં તમારું સામર્થ્ય પ્રગટ કર્યું છે. [QBR]
15. તમે તમારા મહાન પરાક્રમ વડે લોકોને, [QBR] એટલે યાકૂબના તથા યૂસફના વંશજોને વિજય અપાવ્યો છે. [QBR]
16. હે ઈશ્વર, પાણીએ તમને જોયા; [QBR] પાણી તમને જોઈને ગભરાયાં; [QBR] ઊંડાણો પણ ધ્રૂજ્યાં. [QBR]
17. વાદળોએ પાણી વરસાવ્યાં; [QBR] આકાશે ગર્જના કરી; [QBR] તમારાં બાણો ચારેબાજુ ઊડ્યાં. [QBR]
18. તમારી ગર્જનાનો અવાજ વંટોળિયામાં હતો; [QBR] વીજળીઓએ જગતને પ્રકાશિત કર્યું; [QBR] પૃથ્વી કાંપી તથા હચમચી. [QBR]
19. તમારો માર્ગ તો સમુદ્રમાં [QBR] અને તમારી વાટો મહાજળમાં હતી, [QBR] પણ તમારાં પગલાં કોઈના જોવામાં આવ્યાં નહિ. [QBR]
20. તમે મૂસા તથા હારુનની મારફતે [QBR] તમારા લોકોને ઘેટાંનાં ટોળાંની જેમ દોર્યા. [PE]