1. [QS]ઇઝરાયલ કે, જેઓનાં હૃદય શુદ્ધ છે, [QE][QS]તેઓના પર, ઈશ્વર ખરેખર પરોપકારી છે. [QE]
2. [QS]પણ મેં તો મારે પગે લગભગ ઠોકર ખાધી હતી; [QE][QS]હું પગલાં ભરતાં લગભગ લપસી ગયો હતો. [QE]
3. [QS]કારણ કે જ્યારે મેં દુષ્ટોની સમૃદ્ધિ જોઈ, [QE][QS]ત્યારે મેં ગર્વિષ્ઠોની અદેખાઈ કરી. [QE]
4. [QS]કેમ કે મરણ સમયે તેઓને વેદના થતી નથી, [QE][QS]પણ તેઓ મજબૂત અને દ્રઢ રહે છે. [QE]
5. [QS]તેઓના પર માનવજાતનાં દુ:ખો આવતાં નથી; [QE][QS]બીજાઓની જેમ તેઓને પીડા થતી નથી. [QE]
6. [QS]તેઓનો ગર્વ ગળાની કંઠી જેવો છે, જે [QE][QS]વસ્ત્રની જેમ જુલમ તેઓને ઢાંકી રાખે છે. [QE]
7. [QS]તેઓની દુષ્ટતા તેઓનાં હૃદયમાંથી ઊભરાયા કરે છે; [QE][QS]તેઓના મનની દુષ્ટ કલ્પનાઓ ઊભરાઈ જાય છે. [QE]
8. [QS]તેઓ નિંદા કરે છે અને ભૂંડાઈ વિષે બોલે છે; [QE][QS]તેઓ જુલમની બડાઈ હાંકે છે. [QE]
9. [QS]તેઓ આકાશો વિરુદ્ધ બોલે છે [QE][QS]અને પૃથ્વીમાં તેઓની જીભ છૂટથી ચાલે છે. [QE]
10. [QS]એ માટે ઈશ્વરના લોકો તેમની તરફ ફરશે [QE][QS]અને તેઓ ઊભરાતું પાણી પી જાય છે. [QE]
11. [QS]તેઓ પૂછે છે કે, “ઈશ્વર કેવી રીતે જાણે છે? [QE][QS]શું ચાલી રહ્યું છે તે વિષે ઈશ્વર માહિતગાર છે?” [QE]
12. [QS]જુઓ, આ લોકો દુષ્ટ છે; [QE][QS]હંમેશાં શાંતિમાં રહીને તેઓ વધારે અને વધારે ધનવાન થતા જાય છે. [QE]
13. [QS]ખરેખર મેં મારું હૃદય અમથું શુદ્ધ રાખ્યું છે [QE][QS]અને મેં મારા હાથ નિરર્થક નિર્દોષ રાખ્યા છે. [QE]
14. [QS]કારણ કે આખો દિવસ હું પીડાયા કરું છું [QE][QS]અને દરરોજ સવારે મને શિક્ષા થાય છે. [QE]
15. [QS]જો મેં કહ્યું હોત, “હું આ પ્રમાણે બોલીશ,” [QE][QS]તો હું તમારા દીકરાઓની પેઢીનો વિશ્વાસઘાત કરત. [QE]
16. [QS]તો પણ આ બાબતો સમજવાને માટે મેં કોશિશ કરી, [QE][QS]એ મારા માટે ખૂબ અઘરી હતી. [QE]
17. [QS]પછી હું ઈશ્વરના પવિત્રસ્થાનમાં ગયો [QE][QS]અને ત્યાં તેઓના અંત વિષે હું સમજ્યો. [QE]
18. [QS]ચોક્કસ તમે તેઓને લપસણી જગ્યામાં મૂકો છો; [QE][QS]તમે તેઓનો વિનાશ કરો છો. [QE]
19. [QS]તેઓ એક ક્ષણમાં કેવા નષ્ટ થાય છે! [QE][QS]તેઓ ધાકથી છેક નાશ પામેલા છે. [QE]
20. [QS]માણસ જાગે કે તરત જ તે જેમ સ્વપ્ન હતું ન હતું થઈ જાય છે, [QE][QS]તેમ, હે પ્રભુ, તમે જાગીને તેઓની પ્રતિમાને તુચ્છ કરશો. [QE]
21. [QS]કેમ કે મારું હૃદય વ્યાકુળ થયું [QE][QS]અને હું બહુ ગંભીર રીતે ઝખમી થયો છું. [QE]
22. [QS]હું એવો જડબુદ્ધિનો તથા અજ્ઞાન હતો; [QE][QS]હું તમારી આગળ પશુ જેવો હતો. [QE]
23. [QS]પણ હું હંમેશા તમારી સાથે છું; [QE][QS]તમે મારો જમણો હાથ પકડી રાખ્યો છે. [QE]
24. [QS]તમારા બોધથી મને દોરવણી આપશો [QE][QS]અને પછી તમારા મહિમામાં મારો સ્વીકાર કરશો. [QE]
25. [QS]આકાશમાં તમારા વિના મારું બીજું કોણ છે? [QE][QS]પૃથ્વી પર મારો બીજો કોઈ પ્રિય નથી. [QE]
26. [QS]મારું શરીર તથા હૃદયનો ક્ષય થાય છે, [QE][QS]પણ ઈશ્વર સદાકાળ મારા હૃદયનો ગઢ તથા વારસો છે. [QE]
27. [QS]જેઓ તમારાથી દૂર છે તેઓ નાશ પામશે; [QE][QS]જેઓ તમને અવિશ્વાસુ છે તે સર્વનો તમે નાશ કરશો. [QE]
28. [QS]પણ ઈશ્વર પાસે આવવું, તેમાં મારું ભલું છે. [QE][QS]મેં પ્રભુ યહોવાહને મારો આશ્રય કર્યો છે. [QE][QS]હું તમારાં સર્વ કૃત્યો પ્રગટ કરીશ. [QE]