1. હે યહોવાહ મારા ઈશ્વર, હું તમારા પર ભરોસો રાખું છું! [QBR] જે સઘળા મારી પાછળ પડે છે, તેઓથી મને બચાવીને છોડાવો. [QBR]
2. રખેને સિંહની જેમ તે મને ચીરીને ફાડી નાખે, [QBR] મને છોડાવનાર કોઈ મળે નહિ. [QBR]
3. હે મારા ઈશ્વર યહોવાહ, મારા દુશ્મનોએ જે કર્યું તે મેં કદી કર્યું નથી; [QBR] મારા હાથમાં કંઈ બૂરાઈ નથી. [QBR]
4. મારી સાથે શાંતિમાં રહેનારનું મેં કદી ખોટું કર્યું નથી, [QBR] વગર કારણે જે મારો શત્રુ હતો તેને મેં છોડાવ્યો છે. [QBR]
5. જો હું સત્ય નથી કહેતો, તો ભલે મારા શત્રુઓ મને પકડીને મારો નાશ કરે; [QBR] મારા જીવને છૂંદીને જમીનદોસ્ત કરે [QBR] અને મારું માન ધૂળમાં મેળવી દે. સેલાહ
6. હે યહોવાહ, તમે કોપ કરીને ઊઠો; [QBR] મારા શત્રુઓના ક્રોધની સામે ઊભા થાઓ; [QBR] મારા માટે જાગૃત થાઓ અને એ ન્યાયી નિયમોનું પાલન કરો કે જેને માટે તમે તેઓને માટે આજ્ઞા આપી છે. [QBR]
7. દેશોની પ્રજા તમારી આસપાસ એકત્ર થાય; [QBR] તમારા રાજ્યાસન પર તમે ઉચ્ચસ્થાને પાછા પધારો. [QBR]
8. યહોવાહ લોકોનો ન્યાય કરે છે; [QBR] હે યહોવાહ, મારા ન્યાયીપણા પ્રમાણે તથા મારામાં જે પ્રામાણિકપણું છે, તે પ્રમાણે મારો ન્યાય કરો. [QBR]
9. દુષ્ટ લોકોનાં દુષ્ટ કાર્યોનો અંત લાવો, પણ ન્યાયી લોકોને સ્થાપન કરો, [QBR] ન્યાયી ઈશ્વર, હૃદયોને તથા મનને પારખનાર છે. [QBR]
10. મારી ઢાલ ઈશ્વર છે, [QBR] તે ઇમાનદાર હૃદયવાળાને બચાવે છે. [QBR]
11. ઈશ્વર ન્યાયી ન્યાયાધીશ છે, [QBR] ઈશ્વર દરરોજ દુષ્ટો પર કોપાયમાન થાય છે. [QBR]
12. જો માણસ પાપથી પાછો ન કરે, તો ઈશ્વર તેમની તરવાર તીક્ષ્ણ કરશે [QBR] તેમણે પોતાના ધનુષ્યને તાણીને તૈયાર રાખ્યું છે. [QBR]
13. તેમણે તેને માટે કાતિલ હથિયાર સજ્જ કર્યાં છે; [QBR] અને પોતાનાં બાણને બળતાં કરે છે. [QBR]
14. તે ભૂંડાઈથી કષ્ટાય છે, [QBR] તેણે ઉપદ્રવનો ગર્ભ ધર્યો છે, જે જૂઠને જન્મ આપ્યો છે. [QBR]
15. તેણે ખાડો ખોદ્યો છે [QBR] અને જે ખાઈ તેણે ખોદી, તેમાં તે પોતે પડ્યો છે. [QBR]
16. તેનો ઉપદ્રવ તેના પોતાના શિર પર આવશે, [QBR] કેમ કે તેનો બળાત્કાર તેના પોતાના માથા પર પડશે. [QBR]
17. હું યહોવાહના ન્યાયપણાને લીધે તેમનો આભાર માનીશ; [QBR] હું પરાત્પર યહોવાહના નામનું સ્તોત્ર ગાઈશ. [PE]