1. [QS]હે મારા ઈશ્વર, મારા શત્રુઓથી મને છોડાવો; [QE][QS]મારી વિરુદ્ધ જેઓ ઊઠે છે, તેઓથી તમે મને ઉગારો. [QE]
2. [QS]દુષ્ટતા કરનારાઓથી મને દૂર રાખો [QE][QS]અને ખૂની માણસોથી મને બચાવો. [QE]
3. [QS]કેમ કે, જુઓ, તેઓ મારો પ્રાણ લેવા સંતાઈ રહ્યા છે; [QE][QS]શક્તિશાળી દુષ્ટો મારી સામે એકત્ર થાય છે, [QE][QS]પણ, હે યહોવાહ, મારા ઉલ્લંઘન કે મારાં પાપને લીધે આ થાય છે, એમ નથી. [QE]
4. [QS]જો કે મારો કંઈ પણ દોષ ન હોવા છતાં તેઓ દોડી આવીને તૈયારી કરે છે; [QE][QS]મને સહાય કરવાને જાગો અને જુઓ. [QE]
5. [QS]તમે, હે સૈન્યોના ઈશ્વર યહોવાહ, ઇઝરાયલના ઈશ્વર, [QE][QS]તમે સર્વ દેશોને શિક્ષા કરવાને ઊઠો; [QE][QS]કોઈ પણ દુષ્ટ અપરાધીઓ પર તમે દયા કરશો નહિ. [QE][QSS]સેલાહ [QSE]
6. [QS]તેઓ સાંજના સમયે પાછા આવે છે, અને તેઓ કૂતરાની જેમ ઘૂરકે છે; [QE][QS]અને નગરની આસપાસ ફરે છે. [QE]
7. [QS]જુઓ, તેઓ પોતાના મુખથી ઓડકાર લે છે; [QE][QS]તેઓના હોઠોમાં તરવારો છે, [QE][QS]કેમ કે તેઓ કહે છે કે, “અમારું સાંભળનાર કોણ છે?” [QE]
8. [QS]પણ, હે યહોવાહ, તમે તેઓને હસી કાઢશો; [QE][QS]તમે સર્વ દેશોની મજાક ઉડાવો છો. [QE]
9. [QS]હે ઈશ્વર, મારા સામર્થ્ય, હું તમારી તરફ લક્ષ રાખીશ; [QE][QS]તમે મારો ઊંચો ગઢ છો. [QE]
10. [QS]મારા ઈશ્વર તેમની કૃપાથી મને મળવા આવશે; [QE][QS]ઈશ્વર મારા શત્રુઓ ઉપર મને મારી ઇચ્છા પૂરી કરવા દેશે. [QE]
11. [QS]તેઓનો સંહાર કરશો નહિ, નહિ તો મારા લોકો ભૂલી જશે; [QE][QS]હે પ્રભુ, અમારી ઢાલ, તમારી શક્તિ વડે તેઓને વિખેરીને નીચે પાડી નાખો. [QE]
12. [QS]કેમ કે તેઓના મુખના પાપને લીધે અને તેઓના હોઠોના શબ્દોને લીધે, [QE][QS]તેઓ જે શાપ દે છે અને જે જૂઠું બોલે છે, [QE][QS]તેને લીધે તેઓને પોતાના જ અભિમાનમાં ફસાઈ જવા દો. [QE]
13. [QS]કોપથી તેઓનો નાશ કરો, નાશ કરો, કે જેથી તેઓ રહે જ નહિ; [QE][QS]તેઓને જણાવો કે ઈશ્વર યાકૂબમાં રાજ કરે છે [QE][QS]અને પૃથ્વીના અંત સુધી પણ રાજ કરે છે. [QE][QSS]સેલાહ[QSE]
14. [QS]સાંજે તેઓ પાછા આવો; તેઓ કૂતરાની જેમ ઘૂરકો [QE][QS]અને નગરની આસપાસ ફરો. [QE]
15. [QS]તેઓ અહીંતહીં ખાવા માટે ફરતા ફરશે [QE][QS]અને જો તેઓ સંતોષી ન હોય તો આખી રાત તેઓ રાહ જોશે. [QE]
16. [QS]પણ હું તો તમારા સામર્થ્યનું ગીત ગાઈશ; [QE][QS]અને મારા સંકટના સમયે ભરોસો રાખીશ, [QE][QS]કેમ કે તમે મારે માટે ઊંચો ગઢ છો. [QE]
17. [QS]હે મારા સામર્થ્ય, હું તમારાં સ્તોત્રો ગાઈશ; [QE][QS]કેમ કે ઈશ્વર મારે માટે ઊંચો ગઢ અને મારા પર કૃપા કરનાર ઈશ્વર છે. [QE]