1. [QS]હે ઈશ્વર, તમારી કૃપા પ્રમાણે મારા પર દયા કરો; [QE][QS]તમારી પુષ્કળ કૃપાથી મારા અપરાધો માફ કરો. [QE]
2. [QS]મારા અપરાધથી મને પૂરો ધૂઓ [QE][QS]અને મારા પાપોથી મને શુદ્ધ કરો. [QE]
3. [QS]કેમ કે હું મારા અપરાધો જાણું છું [QE][QS]અને મારું પાપ નિત્ય મારી આગળ છે. [QE]
4. [QS]તમારી, હા, તમારી જ વિરુદ્ધ મેં પાપ કર્યું છે [QE][QS]અને જે તમારી દ્રષ્ટિમાં ખરાબ છે તે મેં કર્યું છે; [QE][QS]તેથી જ્યારે તમે બોલો, ત્યારે તમે ન્યાયી ઠરો; [QE][QS]અને તમે ન્યાય કરો, ત્યારે તમે નિર્દોષ ઠરો. [QE]
5. [QS]જુઓ, હું અન્યાયીપણામાં જન્મ્યો હતો; [QE][QS]મારી માતાએ પાપમાં મારો ગર્ભ ધારણ કર્યો હતો. [QE]
6. [QS]તમે તમારા હૃદયમાં અંત:કરણની સત્યતા માગો છો; [QE][QS]મારા હૃદયને તમે ડહાપણ શીખવશો. [QE]
7. [QS]ઝુફાથી મને ધોજો એટલે હું શુદ્ધ થઈશ; [QE][QS]મને નવડાવો એટલે હું હિમ કરતાં સફેદ થઈશ. [QE]
8. [QS]મને હર્ષ તથા આનંદ સંભળાવો [QE][QS]એટલે જે હાડકાં તમે ભાંગ્યાં છે તેઓ આનંદ કરે. [QE]
9. [QS]મારાં પાપ તરફ નજર ન કરો [QE][QS]અને મારા સર્વ અન્યાય ક્ષમા કરો. [QE]
10. [QS]હે ઈશ્વર, મારામાં શુદ્ધ હૃદય ઉત્પન્ન કરો [QE][QS]અને મારા આત્માને નવો અને દ્રઢ કરો. [QE]
11. [QS]મને તમારી સંમુખથી દૂર ન કરો [QE][QS]અને તમારો પવિત્ર આત્મા મારી પાસેથી લઈ લેશો નહિ. [QE]
12. [QS]તમારા ઉદ્ધારનો હર્ષ મને પાછો આપો [QE][QS]અને ઉદાર આત્માએ કરીને મને નિભાવી રાખો. [QE]
13. [QS]ત્યારે હું ઉલ્લંઘન કરનારાઓને તમારા માર્ગ શીખવીશ [QE][QS]અને પાપીઓ તમારા તરફ ફરશે. [QE]
14. [QS]હે ઈશ્વર, મારા ઉદ્ધારનાર, ખૂનના દોષથી મને માફ કરો [QE][QS]અને હું મારી જીભે તમારા ન્યાયીપણા વિષે મોટેથી ગાઈશ. [QE]
15. [QS]હે પ્રભુ, તમે મારા હોઠ ઉઘાડો [QE][QS]એટલે મારું મુખ તમારી સ્તુતિ પ્રગટ કરશે. [QE]
16. [QS]કેમ કે તમે બલિદાનોથી રીઝતા નથી, નહિ તો હું તે અર્પણ કરત; [QE][QS]તમે દહનીયાર્પણથી આનંદ પામતા નથી. [QE]
17. [QS]ઈશ્વરના બલિદાનો તો રાંક મન છે; [QE][QS]હે ઈશ્વર, તમે રાંક અને નમ્ર હૃદયને ધિક્કારશો નહિ. [QE][PBR]
18. [QS]તમે કૃપા કરીને સિયોનનું ભલું કરો; [QE][QS]યરુશાલેમના કોટોને ફરી બાંધો. [QE]
19. [QS]પછી ન્યાયીપણાના બલિદાનોથી, દહનાર્પણ [QE][QS]તથા સર્વ દહનાર્પણથી તમે આનંદ પામશો; [QE][QS]પછી તેઓ તમારી વેદી પર બળદોનું અર્પણ કરશે. [QE]