1. હરણ જેમ પાણીના ઝરણાં માટે તલપે છે, [QBR] તેમ હે ઈશ્વર, તમારે માટે મારો આત્મા તલપે છે. [QBR]
2. ઈશ્વર, હા, જીવતા ઈશ્વરને માટે, મારો આત્મા તરસે છે; [QBR] હું ક્યારે ઈશ્વરની આગળ હાજર થઈશ? [QBR]
3. મારાં આંસુ રાતદિવસ મારો આહાર થયા છે, [QBR] મારા શત્રુઓ આખો દિવસ કહે છે, “તારો ઈશ્વર ક્યાં છે?” [QBR]
4. હું લોકોના ટોળાં સાથે અને પર્વ પાળનારા લોકોના સમુદાયને આનંદોત્સવમાં, [QBR] સ્તુતિના નાદ સાથે, ઈશ્વરના ઘરમાં દોરી જતો હતો, [QBR] એ વાતો યાદ કરું છું, ત્યારે મારો આત્મા છેક પીગળી જાય છે. [QBR]
5. હે મારા આત્મા, તું કેમ ઉદાસ થયો છે? [QBR] તું મારામાં કેમ ગભરાયો છે? [QBR] ઈશ્વરની આશા રાખ, કેમ કે તેમની કૃપાદ્રષ્ટિની સહાયને માટે [QBR] હું હજી સુધી તેમની સ્તુતિ કરીશ. [QBR]
6. હે મારા ઈશ્વર, મારો આત્મા મારામાં નિરાશ થયો છે; [QBR] માટે હું યર્દનના દેશથી, હેર્મોન પર્વત પરથી તથા [QBR] મિઝાર ડુંગર પરથી તમારું સ્મરણ કરું છું. [QBR]
7. તમારા ધોધના અવાજથી ઊંડાણને ઊંડાણ હાંક મારે છે; [QBR] તમારાં સર્વ મોજાં તથા મોટાં મોજાંઓ મારા પર ફરી વળ્યાં છે. [QBR]
8. દિવસે યહોવાહ પોતાના કરારના વિશ્વાસુપણાની વાત કરતા; [QBR] અને રાત્રે હું તેમનાં સ્તુતિગીત ગાતો, [QBR] એટલે મારા જીવનદાતા ઈશ્વરની પ્રાર્થના કરતો. [QBR]
9. ઈશ્વર મારા ખડક છે, હું તેમને કહીશ કે, “તમે મને કેમ ભૂલી ગયા છો? [QBR] શત્રુઓના જુલમને લીધે હું કેમ શોક કરતો ફરું છું?” [QBR]
10. “તારા ઈશ્વર ક્યાં છે” એમ મશ્કરીમાં રોજ કહીને [QBR] મારા શત્રુઓના મહેણાં મારા હાડકાંને તરવારની જેમ કચરી નાખે છે. [QBR]
11. હે મારા આત્મા, તું શા માટે ઉદાસ થયો છે? [QBR] તું મારામાં કેમ ગભરાયો છે? [QBR] તું ઈશ્વરની આશા રાખ, કેમ કે તે મારા ઉદ્ધારક તથા મારા ઈશ્વર છે, [QBR] હું હજી તેમનું સ્તવન કરીશ. [PE]