1. [QS]મેં નક્કી કર્યું કે, “હું જે કહું છું, તે હું ધ્યાન રાખીશ [QE][QS]કે જેથી હું મારી જીભે પાપ ન કરું. [QE][QS]જ્યાં સુધી દુષ્ટો મારી આસપાસ હશે, ત્યાં સુધી [QE][QS]હું મારા મોં પર લગામ રાખીશ. [QE]
2. [QS]હું શાંત રહ્યો; સત્ય બોલવાથી પણ હું છાનો રહ્યો [QE][QS]અને મારો શોક વધી ગયો. [QE]
3. [QS]મારું હૃદય મારામાં તપી ગયું; [QE][QS]જ્યારે મેં આ બાબતો વિષે વિચાર કર્યો, ત્યારે વિચારોનો અગ્નિ સળગી ઊઠ્યો. [QE][QS]પછી અંતે હું બોલ્યો કે, [QE]
4. [QS]“હે યહોવાહ, મને જણાવો કે મારું આયુષ્ય કેટલું છે? [QE][QS]અને મારા આયુષ્યના દિવસો કેટલા છે, તે મને જણાવો. [QE][QS]હું કેવો ક્ષણભંગુર છું, તે મને સમજાવો. [QE]
5. [QS]જુઓ, તમે મારા દિવસો મુઠ્ઠીભર કર્યા છે [QE][QS]અને મારું આયુષ્ય તમારી આગળ કંઈ જ નથી. [QE][QS]ચોક્કસ દરેક માણસ વ્યર્થ છે. [QE]
6. [QS]નિશ્ચે દરેક માણસ આભાસરૂપે હાલેચાલે છે. [QE][QS]નિશ્ચે દરેક જણ મિથ્યા ગભરાય છે [QE][QS]તે સંગ્રહ કરે છે પણ તે કોણ ભોગવશે એ તે જાણતો નથી. [QE]
7. [QS]હવે, હે પ્રભુ, હું શાની રાહ જોઉં? [QE][QS]તમે જ મારી આશા છો. [QE]
8. [QS]મારા સર્વ અપરાધો પર મને વિજય અપાવો: [QE][QS]મૂર્ખો મારી મશ્કરી કરે, એવું થવા ન દો. [QE]
9. [QS]હું ચૂપ રહ્યો છું અને મેં મારું મુખ ઉઘાડ્યું નથી [QE][QS]કેમ કે તમે જે કર્યુ છે એ હું જાણું છું. [QE]
10. [QS]હવે મને વધુ શિક્ષા ન કરશો, [QE][QS]તમારા પ્રબળ હાથના પ્રહારે હું નિશ્ચે નષ્ટ જેવો જ થઈ ગયો છું. [QE]
11. [QS]જ્યારે તમે લોકોને તેઓનાં પાપોને કારણે શિક્ષા કરો છો, [QE][QS]ત્યારે તમે તેની સુંદરતાનો પતંગિયાની જેમ નાશ કરી દો છો; [QE][QS]નિશ્ચે દરેક લોકો કંઈ જ નથી પણ વ્યર્થ છે. [QE]
12. [QS]હે યહોવાહ, મારી પ્રાર્થના સાંભળો; મારી વિનંતિ કાને ધરો; [QE][QS]મારાં આંસુ જોઈને! [QE][QS]શાંત બેસી ન રહો, [QE][QS]કેમ કે હું તમારી સાથે વિદેશી જેવો છું, મારા સર્વ પૂર્વજોની જેમ હું પણ મુસાફર છું. [QE]
13. [QS]હું મૃત્યુ પામું તે અગાઉ, [QE][QS]તમારી કરડી નજર મારા પરથી દૂર કરો કે જેથી હું ફરીથી હર્ષ પામું. [QE]