1. દુષ્ટનો અપરાધ મારા હૃદયમાં કહે છે કે; [QBR] તેની દ્રષ્ટિમાં ઈશ્વરનો ભય છે જ નહિ. [QBR]
2. કેમ કે તે પોતાના મનમાં અભિમાન કરે છે [QBR] કે મારો અન્યાય પ્રગટ થશે નહિ અને મારો તિરસ્કાર થશે નહિ. [QBR]
3. તેના શબ્દો અન્યાય તથા કપટથી ભરેલા છે; [QBR] તેને જ્ઞાની થવાનું તથા ભલું કરવાનું ગમતું નથી. [QBR]
4. તે પોતાના પલંગ ઉપર અન્યાય કરવાને યોજના ઘડે છે; [QBR] તે અન્યાયના માર્ગમાં ઊભો રહે છે; [QBR] તે દુષ્ટતાને નકારતો નથી. [QBR]
5. હે યહોવાહ, તમારી કૃપા આકાશો સુધી વિસ્તરેલી છે; [QBR] તમારું વિશ્વાસપણું વાદળો સુધી વ્યાપેલું છે. [QBR]
6. તમારું ન્યાયીપણું મોટા પર્વતોના જેવું અચળ છે; [QBR] તમારો ન્યાય અતિ ગહન છે. [QBR] હે યહોવાહ, તમે માનવજાતનું અને પશુનું રક્ષણ કરો છો. [QBR]
7. હે ઈશ્વર, તમારી કૃપા કેવી અમૂલ્ય છે! [QBR] તમારી પાંખોની છાયામાં સર્વ મનુષ્ય આશ્રય લે છે. [QBR]
8. તેઓ તમારા ઘરની સમૃદ્ધિથી પુષ્કળ તૃપ્ત થશે; [QBR] તમારા આશીર્વાદોની નદીઓમાંથી તેઓ પીશે. [QBR]
9. કારણ કે તમારી પાસે જીવનનો ઝરો છે; [QBR] અમે તમારા અજવાળામાં અજવાળું જોઈશું. [QBR]
10. જેઓ તમને ઓળખે છે, તેમના ઉપર તમારી દયા [QBR] તથા જેમનાં હૃદય પવિત્ર છે, તેમની સાથે તમારું ન્યાયીપણું જારી રાખજો. [QBR]
11. મને ઘમંડીઓના પગ નીચે કચડાવા દેશો નહિ. [QBR] દુષ્ટોના હાથ મને નસાડી મૂકે નહિ. [QBR]
12. દુષ્ટોનું કેવું પતન થયું છે; [QBR] તેઓ એવા પડી ગયા છે કે પાછા ઊઠી શકશે નહિ. [PE]