1. [QS]હે યહોવાહ, મારી વિરુદ્ધ વાદ કરનારની સામે તમે વાદ કરો; [QE][QS]મારી વિરુદ્ધ લડનારની સાથે તમે લડાઈ કરો. [QE]
2. [QS]નાની તથા મોટી ઢાલ સજીને [QE][QS]મારી સહાયને માટે ઊભા થાઓ. [QE]
3. [QS]જેઓ મારી પાછળ લાગેલા છે તેઓની વિરુદ્ધ તમારા ભાલાનો ઉપયોગ કરો; [QE][QS]મારા આત્માને કહો, “હું તારો ઉદ્ધાર કરનાર છું.” [QE]
4. [QS]જેઓ મારા જીવના તરસ્યા છે તેઓ બદનામ થાઓ. [QE][QS]જેઓ મારું નુકસાન ઇચ્છે છે, તેઓ રઝળી પડો અને પાછા હઠો. [QE]
5. [QS]તેઓ પવનથી ઊડતાં ફોતરાં જેવા થાય, [QE][QS]તેઓને યહોવાહનો દૂત નસાડી મૂકો. [QE]
6. [QS]તેઓનો માર્ગ અંધકારમય અને લપસણો થાઓ, [QE][QS]યહોવાહનો દૂત તેઓની પાછળ પડો. [QE]
7. [QS]તેઓએ વગર કારણે મારે માટે ખાડામાં પોતાની જાળ સંતાડી રાખી છે; [QE][QS]વિનાકારણ તેઓએ મારા જીવને માટે ખાડો ખોદ્યો છે. [QE]
8. [QS]તેઓના પર અચાનક વિપત્તિ આવી પડો. [QE][QS]પોતાના ફાંદામાં તેઓ પોતે જ ફસાઈ પડો. [QE][QS]પોતાના ખોદેલા ખાડામાં પડીને તેઓનો સંહાર થાઓ. [QE]
9. [QS]પણ હું યહોવાહમાં આનંદ કરીશ [QE][QS]અને તેમના ઉદ્ધારમાં હર્ષ પામીશ. [QE]
10. [QS]મારા સઘળા બળથી હું કહીશ કે, “હે યહોવાહ, તમારા જેવું કોણ છે? [QE][QS]જે દીનને તેના કરતાં વધારે બળવાનથી બચાવે છે [QE][QS]અને દીન તથા કંગાલને લૂંટનારાથી છોડાવે છે.” [QE]
11. [QS]જૂઠા સાક્ષીઓ ઊભા થાય છે; [QE][QS]તેઓ મારા પર આરોપ મૂકે છે. [QE]
12. [QS]તેઓ ભલાઈને બદલે મને બુરું પાછું આપે છે. [QE][QS]જેથી હું અનાથ થઈ જાઉં છું. [QE]
13. [QS]પણ, જ્યારે તેઓ બીમાર હતા, ત્યારે હું ટાટ પહેરતો; [QE][QS]હું ઉપવાસથી મારા જીવને દુઃખી કરતો [QE][QS]અને મારી પ્રાર્થના મારા હૃદયમાં પાછી આવતી હતી. [QE]
14. [QS]તે લોકો જાણે મારા ભાઈઓ અને મારા નજીકના મિત્રો હોય તેવો વર્તાવ મેં તેઓની સાથે રાખ્યો; [QE][QS]પોતાની માતાને માટે વિલાપ કરનારની માફક હું શોકથી નમી જતો. [QE]
15. [QS]પણ જ્યારે મારી પડતી થઈ, ત્યારે તેઓ હર્ષ પામતા અને ટોળે વળતા; [QE][QS]હું તે જાણતો નહિ, એવી રીતે તેઓ મારી વિરુદ્ધ ટોળે વળતા. [QE]
16. [QS]કોઈ પણ માન વગર તેઓએ મારી હાંસી ઉડાવી; [QE][QS]તેઓએ મારા તરફ દાંત કચકચાવીને ગુસ્સો કર્યો. [QE]
17. [QS]હે પ્રભુ, ક્યાં સુધી શાંત બેસી રહી જોયા કરશો? [QE][QS]તેઓના સંહારથી મારા જીવને [QE][QS]તથા સિંહોથી મારા આત્માને બચાવી લો. [QE]
18. [QS]એટલે હું ભરસભામાં તમારી આભારસ્તુતિ કરીશ; [QE][QS]ઘણા લોકોની મધ્યે હું તમારી પ્રશંસા કરીશ. [QE]
19. [QS]મારા જૂઠા શત્રુઓને મારા પર હસવા દેશો નહિ; [QE][QS]જેઓ વિનાકારણ મારો દ્વ્રેષ કરે છે તેઓ આંખના મિચકાર ન મારો. [QE]
20. [QS]કારણ કે તેઓનું બોલવું શાંતિદાયક નથી, [QE][QS]પણ દેશમાં શાંત રહેનારાઓની વિરુદ્ધ તેઓ દગાબાજી કરે છે. [QE]
21. [QS]તેઓ મારી વિરુદ્ધ ખુલ્લા મુખે બોલે છે; [QE][QS]તેઓએ કહ્યું, “હા, હા, અમારી આંખોએ તે જોયું છે.” [QE]
22. [QS]હે યહોવાહ, તમે તે જોયું છે, તમે ચૂપ ન રહો; [QE][QS]હે પ્રભુ, મારાથી દૂર ન જાઓ. [QE]
23. [QS]મારો ન્યાય કરવા માટે જાગૃત થાઓ; [QE][QS]હે મારા ઈશ્વર અને મારા પ્રભુ, મારી દાદ સાંભળવા માટે જાગો. [QE]
24. [QS]હે મારા ઈશ્વર યહોવાહ, તમારા ન્યાયીપણાથી મારો ન્યાય કરો; [QE][QS]તેઓને મારા પર આનંદ કરવા ન દો. [QE]
25. [QS]તેઓને પોતાના હૃદયમાં એમ કહેવા ન દો કે, “આહા, અમારે જે જોઈતું હતું, તે અમારી પાસે છે.” [QE][QS]તેઓને એમ કહેવા ન દો કે, “અમે તેને ગળી ગયા છીએ.” [QE]
26. [QS]મારા નુકસાનમાં આનંદ પામનારા સર્વ બદનામ થાઓ અને ઝંખવાણા પડો. [QE][QS]મારી વિરુદ્ધ બડાઈ કરનારાઓ અપમાનિત થઈને શરમાઈ જાઓ. [QE]
27. [QS]જેઓ મારા ન્યાયીપણામાં આનંદ કરે છે; તેઓ હર્ષ પામીને જયજયકાર કરો; [QE][QS]તેઓ હમેશાં કહો, જે પોતાના સેવકની આબાદીમાં ખુશ રહે છે, [QE][QS]તે યહોવાહની સ્તુતિ થાઓ. [QE]
28. [QS]ત્યારે હું તમારું ન્યાયીપણું પ્રગટ કરીશ [QE][QS]અને આખો દિવસ હું તમારાં સ્તોત્ર ગાઈશ. [QE]