1. હે યહોવાહ, હું તમારામાં મારું અંતઃકરણ લગાડું છું! [QBR]
2. હે મારા ઈશ્વર, હું તમારા પર ભરોસો રાખું છું. [QBR] મને અપમાનિત ન થવા દો; [QBR] મારા શત્રુઓને મારા પર વિજય મેળવીને આનંદિત થવા ન દો. [QBR]
3. જેઓ તમારામાં આશા રાખે છે તેઓમાંનો કોઈ શરમાશે નહિ, [QBR] પણ જેઓ વગર કારણે કપટ કરે છે તેઓ બદનામ થશે! [QBR]
4. હે યહોવાહ, મને તમારા માર્ગ બતાવો; [QBR] તમારા રસ્તા વિષે મને શીખવો. [QBR]
5. તમારા સત્યમાં મને દોરો અને મને શીખવો, [QBR] કેમ કે તમે મારો ઉદ્ધાર કરનાર ઈશ્વર છો; [QBR] હું આખો દિવસ તમારામાં આશા રાખું છું. [QBR]
6. હે યહોવાહ, તમારી કૃપા તથા તમારા વાત્સલ્યનું સ્મરણ કરો; [QBR] કારણ કે તેઓ હંમેશાં સનાતન છે. [QBR]
7. મારી જુવાનીનાં પાપ અને મારા અપરાધનું સ્મરણ ન કરો; [QBR] હે યહોવાહ, તમારી ભલાઈ અને તમારી કૃપા પ્રમાણે મને સંભારો! [QBR]
8. યહોવાહ ઉત્તમ અને ન્યાયી છે; [QBR] તેથી તે પાપીઓને સાચા માર્ગ વિષે શીખવશે. [QBR]
9. તે નમ્ર લોકોને ન્યાયી બનવા માટે દોરે છે [QBR] અને તે તેઓને તેઓના માર્ગે ચાલવાનું શીખવશે. [QBR]
10. જેઓ તેમનો કરાર તથા તેમના સાક્ષ્યો પાળે છે, [QBR] તેઓને માટે યહોવાહના સર્વ માર્ગો કૃપા તથા સત્યતાથી ભરેલા છે. [QBR]
11. હે યહોવાહ, તમારા નામની ખાતર, [QBR] મારા પાપની ક્ષમા કરો, કેમ કે તે ઘણા છે. [QBR]
12. યહોવાહથી બીહે એવું માણસ કયું છે? [QBR] કયો માર્ગ પસંદ કરવો તે તેને પ્રભુ શીખવે છે. [QBR]
13. તેનો જીવ સુખમાં રહેશે; [QBR] અને તેના વંશજો દેશનો વારસો પામશે. [QBR]
14. યહોવાહનો મર્મ તેમના ભક્તોની પાસે છે [QBR] અને તેઓને તે પોતાનો કરાર જણાવે છે. [QBR]
15. મારી દ્રષ્ટિ સદા યહોવાહ તરફ છે, [QBR] કારણ કે તે મારા પગને બંધનમાંથી મુક્ત કરશે. [QBR]
16. તમે મારી તરફ ફરો અને મારા પર દયા કરો; [QBR] કેમ કે હું નિરાશ્રિત અને દુ:ખી છું. [QBR]
17. મારા મનનું દુઃખ વધી ગયું છે; [QBR] તમે મને મારા સંકટમાંથી છોડાવો. [QBR]
18. મારાં દુ:ખ તથા વેદના પર નજર કરો; [QBR] મારાં સર્વ પાપની ક્ષમા કરો. [QBR]
19. મારા શત્રુઓને જુઓ, કેમ કે તેઓ ઘણા છે; [QBR] તેઓ કેટલી ક્રૂરતાથી મારી ઘૃણા કરે છે. [QBR]
20. મારા જીવનું રક્ષણ કરો અને મને છોડાવો; [QBR] મારી લાજ જવા દેતા નહિ, કારણ કે હું તમારા પર ભરોસો રાખું છું. [QBR]
21. પ્રામાણિકપણું તથા ન્યાયીપણું મારું રક્ષણ કરો, [QBR] કારણ કે હું તમારા પર આશા રાખું છું. [QBR]
22. હે ઈશ્વર, ઇઝરાયલને [QBR] તેનાં સર્વ સંકટોમાંથી છોડાવો. [PE]