1. પૃથ્વી તથા તેનું સર્વસ્વ યહોવાહનાં છે, [QBR] જગત અને તેમાં વસનારાં પણ તેમનાં છે. [QBR]
2. કેમ કે તેમણે સમુદ્રો પર તેનો પાયો નાખ્યો છે [QBR] અને નદીઓ પર તેને સ્થાપન કરી છે. [QBR]
3. યહોવાહના પર્વત પર કોણ ચઢી શકશે? [QBR] તેમના પવિત્રસ્થાનમાં કોણ ઊભો રહી શકશે? [QBR]
4. જેના હાથ શુદ્ધ છે અને જેનું હૃદય પવિત્ર છે; [QBR] જેણે પોતાનું મન અસત્યમાં લગાડ્યું નથી [QBR] અને જે જૂઠા સમ ખાતો નથી તે જ ઊભો રહી શકશે. [QBR]
5. તે યહોવાહનો આશીર્વાદ પ્રાપ્ત કરશે [QBR] અને પોતાના ઉદ્ધાર કરનાર ઈશ્વરથી ન્યાયીપણું પામશે. [QBR]
6. હે યાકૂબના ઈશ્વર, જેઓ તમારું મુખ શોધે છે [QBR] તેઓની પેઢી આ છે. સેલાહ [QBR]
7. હે પ્રવેશદ્વારો, તમારાં માથા ઊંચાં કરો; [QBR] હે પ્રાચીન પ્રવેશદ્વારો, તમે ઊંચાં થાઓ, [QBR] કે જેથી ગૌરવવાન રાજા અંદર આવશે! [QBR]
8. ગૌરવવાન રાજા તે કોણ છે? [QBR] યહોવાહ, જે બળવાન તથા યુદ્ધમાં પરાક્રમી છે, તે જ. [QBR]
9. હે પ્રવેશદ્વારો, તમારાં માથાં ઊંચાં કરો; [QBR] હે પ્રાચીન પ્રવેશદ્વારો, તમે પણ ઊંચાં થાઓ, [QBR] કે જેથી ગૌરવવાન રાજા અંદર આવશે! [QBR]
10. આ ગૌરવવાન રાજા તે કોણ છે? [QBR] યહોવાહ આકાશોના સર્વ સૈન્યોના માલિક એ જ [QBR] ગૌરવવાન રાજા છે. સેલાહ [PE]