1. યહોવાહની સ્તુતિ કરો. [QBR] આકાશોથી યહોવાહની સ્તુતિ કરો; [QBR] ઉચ્ચસ્થાનોમાં તેમની સ્તુતિ કરો. [QBR]
2. તેમના સર્વ દૂતો, તમે તેમની સ્તુતિ કરો; [QBR] તેમનાં સર્વ સૈન્યો, તેમની સ્તુતિ કરો. [QBR]
3. સૂર્ય તથા ચંદ્ર, તમે તેમની સ્તુતિ કરો; [QBR] સર્વ ઝગઝગતાં તારા, તેમની સ્તુતિ કરો. [QBR]
4. આકાશોનાં આકાશ, તમે તેમની સ્તુતિ કરો [QBR] આકાશ ઉપરનાં પાણી, તેમની સ્તુતિ કરો. [QBR]
5. યહોવાહના નામની સ્તુતિ તેઓ કરો, [QBR] કેમ કે તેમની આજ્ઞાથી તેઓ ઉત્પન્ન થયાં. [QBR]
6. વળી તેમણે સદાકાળને માટે તેઓને સ્થાપન કર્યાં છે; [QBR] જેનો અપરાધ તેઓ કરી શકે નહિ, એવો નિયમ તેમણે કર્યો છે. [QBR]
7. હે પૃથ્વી પરના બધા જ જીવો, તમે યહોવાહની સ્તુતિ કરો, [QBR] હે સમુદ્રના જીવો અને મહાસાગરનાં ઊંડાણો, તમે તેમની સ્તુતિ કરો. [QBR]
8. અગ્નિ તથા કરા, હિમ તથા મેઘ, [QBR] આંધીના વાયુ, જે તેમનું વચન પૂરું કરે છે, [QBR]
9. પર્વતો તથા ડુંગરો [QBR] ફળવૃક્ષો તથા સર્વ દેવદારો, [QBR]
10. વન્ય જાનવરો તથા સર્વ પશુઓ, [QBR] પેટે ચાલનારાં જીવજંતુ તથા ઊડનારાં પક્ષીઓ, [QBR]
11. પૃથ્વીના રાજાઓ અને સર્વ પ્રજાઓ, [QBR] રાજકુમારો તથા પૃથ્વીના સર્વ ન્યાયાધીશો, [QBR]
12. જુવાન પુરુષો તથા જુવાન સ્ત્રીઓ, [QBR] વૃદ્ધો તથા બાળકો. [QBR]
13. તમે સર્વ યહોવાહની સ્તુતિ કરો, [QBR] કારણ કે એકલું તેમનું જ નામ પ્રતિષ્ઠાપાત્ર છે [QBR] અને તેમનું ગૌરવ આકાશ તથા પૃથ્વી કરતાં મોટું છે. [QBR]
14. તેમણે પોતાના લોકોનું શિંગ ઊંચું કર્યું છે [QBR] જેથી તેમના ભક્તો તેમની સ્તુતિ કરે, [QBR] તેમની પાસેના ઇઝરાયલ લોકોને તેમણે ઊંચા કર્યા છે. [QBR] યહોવાહની સ્તુતિ કરો. [PE]