1. હે યહોવાહ, દુષ્ટ માણસોથી મને છોડાવો; [QBR] જુલમગાર માણસોથી મારું રક્ષણ કરો. [QBR]
2. તેઓ પોતાની દુષ્ટ યોજનાઓ ઘડે છે; [QBR] તેઓ નિત્ય ઝઘડા ઊભા કરે છે. [QBR]
3. તેઓએ પોતાની જીભ સાપના જેવી તીક્ષ્ણ બનાવી છે; [QBR] તેઓની જીભની નીચે નાગનું વિષ છે. સેલાહ
4. હે યહોવાહ, દુષ્ટોના હાથમાંથી મને બચાવો; [QBR] જેઓએ મને નુકસાન પહોંચાડવાની યોજના કરી છે; [QBR] એવા જુલમગાર માણસોથી મારું રક્ષણ કરો. [QBR]
5. ગર્વિષ્ઠોએ મારે માટે પાશ તથા દોરીઓ ગુપ્ત રીતે પાથર્યાં છે; [QBR] તેઓએ રસ્તાની બાજુ પર જાળ બિછાવી છે; [QBR] મારે માટે ફાંસા ગોઠવ્યા છે. સેલાહ
6. મેં યહોવાહને કહ્યું, “તમે મારા ઈશ્વર છો; [QBR] મારી આજીજી સાંભળો.” [QBR]
7. હે યહોવાહ, મારા પ્રભુ, તમે મારા ઉદ્ધારના સામર્થ્ય છો; [QBR] યુદ્ધના દિવસે તમે મારા શિરનું રક્ષણ કરો છો. [QBR]
8. હે યહોવાહ, તમે દુષ્ટોની ઇચ્છા પૂરી ન કરો; [QBR] તેઓની યોજનાઓને સફળ થવા દેશો નહિ. સેલાહ
9. મને ઘેરો ઘાલનારામાં જેઓ મુખ્ય છે; [QBR] તેઓના હોઠોથી કરવામાં આવેલો અપકાર તેમના પોતાના ઉપર આવી પડો. [QBR]
10. ધગધગતા અંગારા તેમના મસ્તક પર પડો; [QBR] તેઓને અગ્નિમાં ફેંકી દેવામાં આવે; [QBR] એવા ઊંડા ખાડાઓમાં નાખવામાં આવે કે જ્યાંથી તેઓ કદી બચી શકે નહિ.” [QBR]
11. ખોટું બોલનારાઓને પૃથ્વીમાં રહેવા દેશો નહિ; [QBR] જુલમગાર માણસને ઉથલાવી પાડવાને દુષ્ટતા તેની પાછળ પડી રહેશે. [QBR]
12. હું જાણું છું કે યહોવાહ તો દુઃખીની દાદ સાંભળશે [QBR] અને ગરીબોનો હક જાળવશે. [QBR]
13. નિશ્ચે ન્યાયી માણસ યહોવાહના નામનો આભાર માનશે; [QBR] યથાર્થ મનુષ્યો તમારી સમક્ષતામાં જીવશે. [PE]