1. હે યહોવાહ, તમે મારા હૃદયની પરીક્ષા કરી છે અને તમે મને ઓળખો છો. [QBR]
2. મારું બેસવું તથા મારું ઊઠવું તમે જાણો છો; [QBR] તમે મારા વિચારો વેગળેથી સમજો છો. [QBR]
3. જ્યારે હું સૂઈ જાઉં છું, ત્યારે તમે મારા માર્ગોનું અવલોકન કરો છો; [QBR] તમે મારા બધા માર્ગોના માહિતગાર છો. [QBR]
4. કેમ કે, હે યહોવાહ, તમે મારા મુખની [QBR] બધી વાતો પૂરેપૂરી જાણો છો. [QBR]
5. તમે આગળ પાછળ મને ઘેરી લીધો છે [QBR] અને તમે તમારા હાથે મને પકડી રાખ્યો છે. [QBR]
6. આવું ડહાપણ તો મને આશ્ચર્ય પમાડનારું છે; [QBR] તે અતિ ઉચ્ચ છે અને હું તેને સમજી શકતો નથી. [QBR]
7. તમારા આત્મા પાસેથી હું ક્યાં જાઉં? [QBR] તમારી હાજરીમાંથી હું ક્યાં નાસી જાઉં? [QBR]
8. જો હું આકાશોમાં ચઢી જાઉં, તો તમે ત્યાં છો; [QBR] જો હું શેઓલમાં મારી પથારી નાખું, તો ત્યાં પણ તમે છો. [QBR]
9. જો હું પરોઢિયાની પાંખો લઈને [QBR] સમુદ્રને પેલે પાર જઈને વસું, [QBR]
10. તો ત્યાં પણ તમારો હાથ મને દોરશે [QBR] તમારો જમણો હાથ મને પકડી રાખશે. [QBR]
11. જો હું કહું, “અંધકાર તો નિશ્ચે મને ઢાંકશે [QBR] અને રાત મારી આસપાસ અજવાળારૂપ થશે;” [QBR]
12. અંધકાર પણ મને તમારાથી સંતાડી શકતો નથી. [QBR] રાત દિવસની જેમ પ્રકાશે છે, [QBR] કેમ કે અંધારું અને અજવાળું બન્ને તમારી આગળ સમાન છે. [QBR]
13. તમે મારું અંતઃકરણ ઘડ્યું છે; [QBR] મારી માતાના ઉદરમાં તમે મારી રચના કરી છે. [QBR]
14. હું તમારો આભાર માનીશ, [QBR] કેમ કે તમારાં કાર્યો અદ્દભુત અને આશ્ચર્યજનક છે. [QBR] તમે મારા જીવન વિષે સઘળું જાણો છો. [QBR]
15. જ્યારે મને અદ્રશ્ય રીતે રચવામાં આવ્યો, [QBR] જ્યારે પૃથ્વીના ઊંડાણોમાં વિવિધ કરામતથી મને ગોઠવવામાં આવ્યો, [QBR] ત્યારે પણ મારું શરીર તમારાથી અજાણ્યું ન હતું. [QBR]
16. ગર્ભમાં પણ તમે મને નિહાળ્યો છે; [QBR] મારું એકે અંગ થયેલું ન હતું, ત્યારે તેઓ સર્વ, [QBR] તેમ જ તેઓના ઠરાવેલા સમયો તમારા પુસ્તકમાં લખેલા હતા. [QBR]
17. હે ઈશ્વર, તમારા વિચારો મને કેટલા બધા મૂલ્યવાન લાગે છે! [QBR] તેઓની સંખ્યા કેટલી બધી મોટી છે! [QBR]
18. જો હું તેઓને ગણવા જાઉં તો તેઓ રેતીના કણ કરતાં વધારે થાય. [QBR] જ્યારે હું જાગું, ત્યારે હું હજી તમારી સાથે હોઉં છું. [QBR]
19. હે ઈશ્વર, તમે જ દુષ્ટોનો સંહાર કરશો; [QBR] હે ખૂની માણસો મારાથી દૂર થાઓ. [QBR]
20. તેઓ તમારી વિરુદ્ધ બળવો કરે છે અને કપટથી વર્તે છે; [QBR] તમારા શત્રુઓ વ્યર્થ ફુલાઈ જાય છે. [QBR]
21. હે યહોવાહ, તમારો દ્વેષ કરનારાઓનો શું હું દ્વેષ ન કરું? [QBR] જેઓ તમારી સામે ઊઠે છે, તેઓનો શું હું ધિક્કાર ન કરું? [QBR]
22. હું તેઓને સંપૂર્ણ રીતે ધિક્કારું છું; [QBR] તેઓને હું મારા શત્રુઓ જ ગણું છું. [QBR]
23. હે ઈશ્વર, મારી કસોટી કરો અને મારું અંતઃકરણ ઓળખો; [QBR] મને પારખો અને મારા વિચારો જાણી લો. [QBR]
24. જો મારામાં કંઈ દુષ્ટતા હોય, તો તે તમે જોજો [QBR] અને મને સનાતન માર્ગમાં ચલાવજો. [PE]