1. જેના માર્ગો સીધા છે, [QBR] જેઓ યહોવાહના નિયમો પ્રમાણે ચાલે છે, તેઓ આશીર્વાદિત છે. [QBR]
2. જેઓ તેમનાં સાક્ષ્ય પાળે છે તેઓ આશીર્વાદિત છે, [QBR] તેઓ પૂર્ણ હૃદયથી તેમને શોધે છે. [QBR]
3. તેઓ અન્યાય કરતા નથી; [QBR] તેઓ તેમના માર્ગમાં ચાલે છે. [QBR]
4. તમારાં શાસનો પાળવાની તમે અમને આજ્ઞા આપી છે [QBR] કે જેથી અમે તેનું ખૂબ કાળજીપૂર્વક પાલન કરીએ. [QBR]
5. તમારા વિધિઓ પાળવાને માટે [QBR] મારા વિચારો દ્રઢ થાય તો કેવું સારું! [QBR]
6. જ્યારે હું તમારી બધી આજ્ઞાઓનો વિચાર કરું, [QBR] ત્યારે હું શરમિંદો નહિ થાઉં. [QBR]
7. જ્યારે હું તમારા ન્યાયી સાક્ષ્યો શીખીશ [QBR] ત્યારે હું મારા શુદ્ધ અંતઃકરણથી તમારો આભાર માનીશ. [QBR]
8. હું તમારા વિધિઓને અનુસરીશ; [QBR] મારો ત્યાગ ન કરો.   બેથ. [QBR]
9. જુવાન માણસ કેવી રીતે પોતાનું જીવન શુદ્ધ રાખી શકે? [QBR] તમારા વચનો પાળવાથી. [QBR]
10. મેં મારા ખરા હૃદયથી તમને શોધ્યા છે; [QBR] તમારી આજ્ઞાઓથી ચૂકીને મને ભટકવા ન દો. [QBR]
11. મેં તમારાં વચન કાળજીપૂર્વક મારા હૃદયમાં રાખી મૂક્યાં છે [QBR] કે જેથી તમારી વિરુદ્ધ હું ફરી પાપ ન કરું. [QBR]
12. હે યહોવાહ, તમે સ્તુતિપાત્ર છો; [QBR] કૃપા કરીને મને તમારાં શાસનો શીખવો. [QBR]
13. મારા હોઠોથી હું તમારા બધા [QBR] નિયમો વિષે વાત કરીશ. [QBR]
14. તમારાં સાક્ષ્યોના માર્ગમાં [QBR] મને પુષ્કળ સંપત્તિ કરતાં વધારે આનંદ મળ્યો છે. [QBR]
15. હું તમારા નિયમોનું મનન કરીશ [QBR] અને તમારા માર્ગોને અનુસરીશ. [QBR]
16. તમારા વિધિઓ પાળવામાં મને આનંદ થશે; [QBR] હું તમારું વચન વીસરીશ નહિ.   ગિમેલ. [QBR]
17. તમારા સેવક ઉપર કૃપા કરો કે હું જીવું [QBR] અને તમારાં વચનો પાળું. [QBR]
18. તમારા નિયમશાસ્ત્રમાંની આશ્ચર્યકારક વાતોનું અવલોકન કરવા માટે; [QBR] મારી આંખો ઉઘાડો. [QBR]
19. હું તો પૃથ્વી પર વિદેશી છું; [QBR] તમારી આજ્ઞાઓ મારાથી ન સંતાડો. [QBR]
20. મારું હૃદય તમારાં ન્યાયવચનો માટે [QBR] સર્વ સમયે તીવ્ર ઝંખના કરે છે. [QBR]
21. તમે ગર્વિષ્ઠ લોકોને તેમ જ [QBR] જેઓ તમારી આજ્ઞાઓને માનતા નથી, તેઓને ઠપકો આપો છો. [QBR]
22. મહેણાં તથા અપમાનને મારાથી દૂર કરો, [QBR] કારણ કે મેં તમારા નિયમો માન્યા છે. [QBR]
23. સરદારો પણ આસનો પર બેસીને મારી વિરુદ્ધ બોલતા હતા, [QBR] પણ તમારા સેવકે તમારા વિધિઓનું મનન કર્યું છે. [QBR]
24. તમારાં સાક્ષ્યોથી મને આનંદ થાય છે [QBR] અને તેઓ મારા સલાહકારો છે.   દાલેથ. [QBR]
25. મારો આત્મા ધૂળ ભેગો થઈ ગયો છે; [QBR] તમારા વચન પ્રમાણે મને જિવાડો. [QBR]
26. મેં મારા માર્ગો તમને પ્રગટ કર્યા અને તમે મને ઉત્તર આપ્યો; [QBR] મને તમારા વિધિઓ શીખવો. [QBR]
27. તમારી સૂચનાઓના માર્ગો સમજવા મારી મદદ કરો, [QBR] જેથી હું તમારા અદ્દભુત કાર્યો વિશે ચર્ચા કરી શકું. [QBR]
28. દુઃખને કારણે મારું હૃદય ભારે થઈ ગયું છે; [QBR] તમારાં વચન પ્રમાણે મને બળવાન કરો. [QBR]
29. અસત્યનો માર્ગ મારાથી દૂર કરો; [QBR] કૃપા કરીને મને તમારા નિયમો શીખવો. [QBR]
30. મેં વિશ્વાસુપણાનો માર્ગ પસંદ કર્યો છે; [QBR] મેં હંમેશા તમારાં ન્યાયવચનો મારી નજરમાં રાખ્યાં છે. [QBR]
31. હું તમારાં સાક્ષ્યોને વળગી રહ્યો છું; [QBR] હે યહોવાહ, મારે લજ્જિત થવું ન પડે. [QBR]
32. તમારી આજ્ઞાઓના માર્ગમાં હું દોડીશ, [QBR] કેમ કે તમે મારા હૃદયને પ્રફુલ્લિત કરો છો.   હે [QBR]
33. હે યહોવાહ, તમારા વિધિઓનો માર્ગ મને શીખવો [QBR] અને હું અંત સુધી તે પ્રમાણે ચાલીશ. [QBR]
34. મને સમજણશક્તિ આપો એટલે હું તમારો નિયમ પાળીશ; [QBR] હું મારા હૃદયથી તેનું અનુકરણ કરીશ. [QBR]
35. મને તમારી આજ્ઞાઓના માર્ગમાં દોરો, [QBR] કારણ કે હું તેમાં આનંદ માનું છું. [QBR]
36. તમારા કરાર પર ધ્યાન આપવા માટે મારા હૃદયને દોરો [QBR] અને લોભ તરફથી મને વારો. [QBR]
37. વ્યર્થતામાંથી તમે મારી દ્રષ્ટિ ફેરવો; [QBR] તમારા માર્ગ વિષે મને આતુર કરો. [QBR]
38. તમારું જે વચન ભય ઉપજાવનારું છે; [QBR] તે તમારા સેવકના લાભમાં દ્રઢ કરો. [QBR]
39. જે અપમાનનો મને ડર છે; તે મારાથી દૂર કરો; [QBR] કારણ કે તમારાં ન્યાયવચનો ઉત્તમ છે. [QBR]
40. જુઓ, તમારા નિયમોને આધીન થવા માટે હું ઝંખુ છું; [QBR] મારા ન્યાયીપણામાં તમે મારા જીવનને સંભાળી રાખો.   વાવ. [QBR]
41. હે યહોવાહ, તમારો અવિકારી પ્રેમ, [QBR] તમારા વચન પ્રમાણે, તમારો ઉદ્ધાર મને આપો. [QBR]
42. તેથી હું મારું અપમાન કરનારને જવાબ આપી શકું, [QBR] કેમ કે હું તમારાં વચનનો ભરોસો કરું છું. [QBR]
43. મારા મુખમાંથી સત્ય વચનો કદી ન લઈ લો, [QBR] કેમ કે હું તમારાં ન્યાયવચનોની આશા રાખી રહ્યો છું. [QBR]
44. હું સદા સર્વદા તમારા [QBR] નિયમોનું અવલોકન કરીશ. [QBR]
45. તમારા શિક્ષણને આધીન થવામાં મેં ચિત્ત લગાડ્યું છે; [QBR] તેથી હું નિરાંતે જીવીશ. [QBR]
46. હું રાજાઓ સાથે તમારા કરાર વિષે વાત કરીશ [QBR] અને તેમાં શરમાઈશ નહિ. [QBR]
47. તમારી આજ્ઞાઓમાં હું આનંદ પામીશ, [QBR] તેઓ પર મેં પ્રેમ કર્યો છે. [QBR]
48. હું તમારી આજ્ઞાઓ પાળવા મારા હાથ ઊંચા કરીશ, તેમના પર મેં પ્રેમ કર્યો છે; [QBR] હું તમારા વિધિઓનું મનન કરીશ.   ઝ. [QBR]
49. તમારા જે વચનથી મને આશા ઊપજી છે, [QBR] તે વચન તમારા સેવકને માટે સંભારો. [QBR]
50. મારા દુઃખમાં મને દિલાસો મળ્યો છે: [QBR] તમારા વચને મને જિવાડ્યો છે. [QBR]
51. અભિમાની લોકો મારી મજાક કરે છે, [QBR] પણ હું તમારા નિયમમાંથી પાછો વળ્યો નથી. [QBR]
52. હે યહોવાહ, પુરાતન કાળથી તમારાં જે ન્યાયવચનો છે તેમને મેં સંભાર્યાં છે [QBR] અને મને દિલાસો મળ્યો છે. [QBR]
53. જે દુષ્ટો તમારા નિયમોની અવગણના કરે છે; [QBR] તેઓ પર મને ક્રોધ ઊપજે છે. [QBR]
54. તમારા વિધિઓ મારાં ગીતો છે [QBR] તેઓ મારી જીવનયાત્રામાં મારા માટે આનંદદાયક સ્તોત્ર બન્યા છે. [QBR]
55. હે યહોવાહ, મને રાત્રે તમારા નામનું સ્મરણ થાય છે [QBR] અને હું તમારા નિયમો પાળું છું. [QBR]
56. આ મારું આચરણ છે [QBR] કેમ કે મેં તમારાં સાક્ષ્યોનું અનુસરણ કર્યું છે.   ખેથ. [QBR]
57. હે યહોવાહ તમે મારો વારસો છો; [QBR] હું તમારાં વચનો પાળીશ એમ મેં કહ્યું છે. [QBR]
58. મેં મારા હૃદયની ઉત્કંઠાથી તમારી કૃપાની માગણી કરી છે; [QBR] તમારા વચન પ્રમાણે, તમે મારા ઉપર દયા કરો. [QBR]
59. મેં મારી ચાલ વિષે વિચાર કર્યો છે [QBR] અને તમારાં સાક્ષ્યો તરફ હું વળ્યો છું. [QBR]
60. તમારી આજ્ઞાઓ પાળવા માટે મેં ઉતાવળ કરી છે; [QBR] વાર લગાડી નથી. [QBR]
61. મને દુષ્ટોનાં બંધનોએ ઘેરી લીધો છે; [QBR] તમારા નિયમોને હું ભૂલી ગયો નથી. [QBR]
62. તમારાં ન્યાયીવચનોને લીધે [QBR] હું તમારો આભાર માનવા મધ્ય રાત્રે ઊઠીશ. [QBR]
63. જે કોઈ તમને માન આપે છે [QBR] અને જેઓ તમારી સૂચનાઓને અનુસરે છે, તેઓનો હું સાથી છું. [QBR]
64. હે યહોવાહ, પૃથ્વી તમારી કૃપાથી ભરેલી છે; [QBR] મને તમારા વિધિઓ શીખવો.   ટેથ. [QBR]
65. હે યહોવાહ, વચન પ્રમાણે, [QBR] તમે તમારા સેવકને માટે સારું જ કર્યું છે. [QBR]
66. મને સારો વિવેક તથા ડહાપણ શીખવો, [QBR] કેમ કે હું તમારી આજ્ઞાઓ પર વિશ્વાસ કરું છું. [QBR]
67. દુઃખી થયા અગાઉ હું આડે રસ્તે ગયો હતો, [QBR] પણ હવે હું તમારાં વચન પાળું છું. [QBR]
68. તમે ઉત્તમ છો અને ઉત્તમ જ કરો છો; [QBR] મને તમારા વિધિઓ શીખવો. [QBR]
69. ઘમંડી લોકો મારા વિશે જૂઠું બોલે છે, [QBR] પણ હું તમારા નિયમો મારા ખરા હૃદયથી પાળીશ. [QBR]
70. તેઓના હૃદયો જડ છે, [QBR] પણ હું તો તમારા નિયમમાં આનંદ પામું છું. [QBR]
71. મેં જે સહન કર્યું છે તે મને ગુણકારક થઈ પડ્યું છે [QBR] કે જેથી હું તમારા વિધિઓ શીખી શકું. [QBR]
72. સોનાચાંદીના હજારો સિક્કા કરતાં તમારા [QBR] મુખનો નિયમ મારે માટે વધુ મૂલ્યવાન છે.   યોદ. [QBR]
73. તમે તમારા હાથોથી જ મને ઘડ્યો છે તથા બનાવ્યો છે; [QBR] તમારી આજ્ઞાઓ શીખવા માટે મને સમજણ આપો. [QBR]
74. તમારો ભય રાખનારા મને જોઈને આનંદ પામશે [QBR] કારણ કે મેં તમારાં વચનોની આશા રાખી છે. [QBR]
75. હે યહોવાહ, હું જાણું છું કે, તમારાં વચનો ન્યાયી છે [QBR] અને વિશ્વાસુપણાએ તમે મને શિસ્તબદ્ધ કર્યો છે. [QBR]
76. તમારા સેવકને આપેલા તમારા વચન પ્રમાણે [QBR] તમારી કૃપાથી મને દિલાસો મળો. [QBR]
77. હું જીવતો રહું, માટે તમારી દયા મને બતાવો, [QBR] કેમ કે તમારો નિયમ એ જ મારો આનંદ છે. [QBR]
78. અભિમાનીઓ લજ્જા પામો, [QBR] કેમ કે તેઓ મારા વિષે જૂઠું બોલ્યા છે; [QBR] પણ હું તો તમારાં વચનોનું મનન કરું છું. [QBR]
79. જેઓ તમને માન આપે છે [QBR] અને જેઓને તમારાં સાક્ષ્યો વિષે ડહાપણ છે, તેઓ મારી પાસે આવો. [QBR]
80. તમારા નિયમોની આધીનતામાં મારું હૃદય નિર્દોષ રહો [QBR] કે જેથી મારે બદનામ ન થવું પડે.   કાફ. [QBR]
81. મારો જીવ તમારા તરફથી મળતા ઉદ્ધારને માટે મૂંઝાય છે; [QBR] હું તમારાં વચનની આશા રાખું છું. [QBR]
82. તમે મને ક્યારે દિલાસો આપશો? [QBR] એમ કહેતાં મારી આંખો તમારાં વચનને માટે નિસ્તેજ થઈ જાય છે. [QBR]
83. કેમ કે હું ધુમાડામાં રહેલી મશકના જેવો થઈ ગયો છું; [QBR] હું તમારા વિધિઓને વીસરતો નથી. [QBR]
84. તમારા સેવકના દિવસ કેટલા છે? [QBR] મને સતાવનારાઓનો ન્યાય તમે ક્યારે કરશો? [QBR]
85. જે ગર્વિષ્ઠો તમારા નિયમો પ્રમાણે નથી વર્તતા, [QBR] તેઓએ મારા માટે ખાડા ખોદ્યા છે. [QBR]
86. તેઓ વિનાકારણ મને ત્રાસ આપે છે, તમે મને મદદ કરો; [QBR] તમારી સર્વ આજ્ઞાઓ ભરોસાપાત્ર છે. [QBR]
87. પૃથ્વી પરથી તેઓએ લગભગ મારો નાશ કર્યો હતો, [QBR] પણ મેં તમારાં શાસનોનો ત્યાગ કર્યો નથી. [QBR]
88. તમારી કૃપા પ્રમાણે તમે મને જિવાડો; [QBR] એટલે હું તમારા મુખની શિખામણ પાળીશ.   લામેદ. [QBR]
89. હે યહોવાહ, તમારું વચન [QBR] આકાશમાં સદાકાળ સ્થિર છે. [QBR]
90. તમારું વિશ્વાસપણું પેઢી દરપેઢી કાયમ રહે છે; [QBR] તમે જ પૃથ્વી સ્થાપી છે અને તે નીભી રહે છે. [QBR]
91. તમારાં ન્યાયી વચનને કારણે દરેક વસ્તુ આજ સુધી નીભી રહી છે; [QBR] કેમ કે તે સર્વ તમારા સેવકો છે. [QBR]
92. જો તમારા નિયમમાં મેં આનંદ માન્યો ન હોત, [QBR] તો હું મારા દુઃખમાં જ નાશ પામ્યો હોત. [QBR]
93. હું કદી તમારાં શાસનોને ભૂલીશ નહિ, [QBR] કારણ કે તમે મને તેઓથી જ જિવાડ્યો છે. [QBR]
94. હું તમારો છું; મારું રક્ષણ કરો, [QBR] કારણ કે મેં તમારાં શાસનોને શોધ્યાં છે. [QBR]
95. દુષ્ટો મારો નાશ કરવાની તૈયારીમાં છે, [QBR] પણ હું શાંત રહીને તમારાં વચનોમાં ધ્યાન રાખીશ. [QBR]
96. મેં જોયું છે કે પ્રત્યેક વસ્તુઓને તેની પોતાની સીમાઓ હોય છે, [QBR] પણ તમારી આજ્ઞાની તો સીમા જ નથી.   મેમ. [QBR]
97. તમારા નિયમો પર હું કેટલો બધો પ્રેમ રાખું છું! [QBR] હું આખો દિવસ તેમના વિષે મનન કરું છું. [QBR]
98. મારા શત્રુઓના કરતાં તમારી આજ્ઞાઓ મને વધુ બુદ્ધિમાન કરે છે; [QBR] કારણ કે તમારી આજ્ઞાઓ મારી પાસે સર્વદા છે. [QBR]
99. મારામાં મારા શિક્ષકો કરતાં વધારે શાણપણ છે [QBR] કારણ કે હું તમારાં સાક્ષ્યોનું મનન કરું છું. [QBR]
100. વૃદ્ધોના કરતાં હું વિશેષ જાણું છું; [QBR] આ એ માટે કે મેં તમારા નિયમો પાળ્યા છે. [QBR]
101. હું તમારું વચન પાળી શકું તે માટે [QBR] મેં મારા પગ સર્વ ભૂંડા માર્ગોથી પાછા વાળ્યા છે. [QBR]
102. તમારાં ન્યાયી વચનોને મેં તજી દીધા નથી, [QBR] કારણ કે તમે મને તે શીખવ્યાં છે. [QBR]
103. મારી રુચિને તમારાં વચનો કેવા મીઠાં લાગે છે, [QBR] હા, તેઓ મારા મુખને માટે મધ કરતાં વધુ મીઠાં છે! [QBR]
104. તમારાં શાસનોથી મને સમજણ મળે છે; [QBR] માટે હું દરેક જૂઠા માર્ગને ધિક્કારું છું.   નુન. [QBR]
105. મારા પગોને માટે તમારાં વચન દીવારૂપ છે [QBR] અને મારા માર્ગોને માટે અજવાળારૂપ છે. [QBR]
106. હું તમારાં યથાર્થ ન્યાયશાસનો પાળીશ, [QBR] એવી પ્રતિજ્ઞા મેં કરી હતી અને તે પાળી પણ છે. [QBR]
107. હું દુઃખમાં બહુ દબાઈ ગયો છું; [QBR] હે યહોવાહ, તમારાં વચનો પ્રમાણે મને જિવાડો. [QBR]
108. હે યહોવાહ, મારા મુખનાં રાજીખુશીથી આપેલાં અર્પણોનો તમે સ્વીકાર કરો; [QBR] અને તમારાં ન્યાયવચનો મને શીખવો. [QBR]
109. મારો પ્રાણ સદા મુશ્કેલીમાં છે, [QBR] પણ હું તમારા નિયમને વીસરતો નથી. [QBR]
110. દુષ્ટોએ મારે માટે પાશ નાખ્યો છે, [QBR] પણ હું તમારાં શાસનોથી નાસી ગયો નથી. [QBR]
111. મેં તમારાં સાક્ષ્યોને સદાકાળનો વારસો માન્યાં છે, [QBR] કેમ કે તેઓ મારા હૃદયનો આનંદ છે. [QBR]
112. તમારા વિધિઓ અંત સુધી સદા પાળવાને [QBR] મેં મારા હૃદયને વાળ્યું છે.   સામેખ. [QBR]
113. હું બે મન વાળાઓને ધિક્કારું છું, [QBR] પણ હું તમારા નિયમ પર પ્રેમ રાખું છું. [QBR]
114. તમે જ મારી સંતાવાની જગ્યા તથા ઢાલ છો; [QBR] હું તમારાં વચનની આશા રાખું છે. [QBR]
115. દુષ્ટ મનવાળા માણસો મારાથી દૂર રહો, [QBR] કે જેથી હું મારા ઈશ્વરની આજ્ઞાઓ પાળું. [QBR]
116. તમારા વચન મુજબ મને આધાર આપો કે જેથી હું જીવી શકું [QBR] અને મારી આશાઓને નિરર્થક કરશો નહિ. [QBR]
117. તમે મારા સહાયકારી થાઓ અને હું સલામત રહીશ; [QBR] હું સદા તમારા નીતિનિયમોનું મનન કરીશ. [QBR]
118. જેઓ તમારા નિયમોનો ભંગ કરે છે તેનો તમે ધિક્કાર કરો છો, [QBR] કારણ કે તેઓનો ઢોંગ વ્યર્થ છે. [QBR]
119. તમે પૃથ્વીના સર્વ દુષ્ટોને કચરાની જેમ ફેંકી દો છો; [QBR] માટે હું તમારા નિયમોને પ્રેમ કરું છું. [QBR]
120. હું તમારા ભયથી કાંપુ છું [QBR] અને હું તમારા ન્યાયવચનોથી ગભરાઉં છું.   હાયિન. [QBR]
121. મેં જે ન્યાયી અને સાચું છે તે કર્યું છે; [QBR] મને મારા પર જુલમ કરનારનાં હાથમાં ન સોંપો. [QBR]
122. તમારા સેવક માટે તેના જામીન થાઓ; [QBR] ગર્વિષ્ઠ લોકોને મારા પર જુલમ કરવા ન દો. [QBR]
123. તમારા ઉદ્ધારની અને ન્યાયી વચનની [QBR] રાહ જોતાં જોતાં મારી આંખો નિસ્તેજ થઈ ગઈ છે. [QBR]
124. તમારી કૃપા પ્રમાણે તમારા સેવકની સાથે વર્તજો [QBR] અને તમારા વિધિઓ મને શીખવજો. [QBR]
125. હું તો તમારો સેવક છું, મને બુદ્ધિ આપો, [QBR] કે જેથી હું તમારાં સાક્ષ્યોને જાણી શકું. [QBR]
126. હવે યહોવાહને કામ કરવાનો સમય આવ્યો છે, [QBR] કેમ કે લોકોએ તમારો નિયમ તોડ્યો છે. [QBR]
127. હું સોના કરતાં, શુદ્ધ સોના કરતાં પણ [QBR] તમારી આજ્ઞાઓ પર વધારે પ્રેમ રાખું છું. [QBR]
128. તમારાં શાસનો પ્રમાણે હું મારી સર્વ વર્તણૂક યથાર્થ રાખું છું [QBR] અને હું દરેક જૂઠા માર્ગને ધિક્કારું છું.   પે. [QBR]
129. તમારા નિયમો અદ્દભુત છે; [QBR] તેથી હું તેમને પાળું છું. [QBR]
130. તમારાં વચનો ખુલ્લો પ્રકાશ આપે છે; [QBR] તે ભોળા માણસ પણ સમજી શકે છે. [QBR]
131. હું મારું મુખ ઉઘાડીને તલપી રહ્યો છું, [QBR] કેમ કે હું તમારી આજ્ઞાઓની અભિલાષા રાખતો હતો. [QBR]
132. જેમ તમે તમારા નામ પર પ્રેમ રાખનારાઓની સાથે વર્તો છો, [QBR] તેમ તમે મારા તરફ ફરીને મારા પર દયા કરો. [QBR]
133. તમારા વચન પ્રમાણે મને ચલાવો; [QBR] કોઈ પણ પાપને મારા પર શાસન કરવા ન દો. [QBR]
134. જુલમી માણસોથી મને બચાવો, [QBR] કે જેથી હું તમારાં શાસનોનું પાલન કરી શકું. [QBR]
135. તમારા સેવક પર તમારા મુખનો પ્રકાશ પાડો [QBR] અને તમારા બધા નિયમો મને શીખવો. [QBR]
136. તેઓ તમારા નિયમો પાળતા નથી, [QBR] તેથી મારી આંખોમાંથી ચોધાર આંસુ વહે છે.   સાદે. [QBR]
137. હે યહોવાહ, તમે ન્યાયી છો [QBR] અને તમારાં ન્યાયવચનો યથાર્થ છે. [QBR]
138. ન્યાયીપણાથી તથા પૂરેપૂરા વિશ્વાસુપણાથી [QBR] તમે તમારાં સાક્ષ્યો ફરમાવ્યાં છે. [QBR]
139. મારા શત્રુઓ તમારાં વચન વીસરી ગયા છે [QBR] તેથી મારા ગુસ્સાએ મને ક્ષીણ કર્યો છે. [QBR]
140. તમારું વચન તદ્દન નિર્મળ છે [QBR] અને તમારો સેવક તેના પર પ્રેમ રાખે છે. [QBR]
141. હું નાનો તથા ધિક્કારાયેલો છું, [QBR] તોપણ હું તમારાં શાસનોને ભૂલી જતો નથી. [QBR]
142. તમારું ન્યાયીપણું તો અનંતકાળ ટકશે; [QBR] અને તમારો નિયમ સત્ય છે. [QBR]
143. મને ઉપાધિઓએ તથા આપત્તિઓએ જકડી લીધો છે, [QBR] તમારી આજ્ઞાઓ મારો આનંદ છે. [QBR]
144. તમારાં સાક્ષ્યો સદાકાળ ન્યાયયુક્ત છે; [QBR] માટે મને સમજણ આપો, જેથી હું જીવતો રહીશ.   કોફ. [QBR]
145. મેં ખરા હૃદયથી વિનંતિ કરી છે, “હે યહોવાહ, મને ઉત્તર આપો, [QBR] હું તમારા નિયમોનું પાલન કરીશ. [QBR]
146. મેં તમને પ્રાર્થના કરી છે; મારો બચાવ કરો, [QBR] એટલે હું તમારા નિયમોનું પાલન કરીશ.” [QBR]
147. પ્રભાત થતાં પહેલા મેં સહાયને માટે પ્રાર્થના કરી. [QBR] મને તમારાં વચનોની આશા છે. [QBR]
148. તમારા વચનનું મનન કરવા માટે [QBR] મારી આંખો રાતના છેલ્લાં પહોર અગાઉ ઊઘડી ગઈ હતી. [QBR]
149. તમારી કૃપા પ્રમાણે મારી વાણી સાંભળો; [QBR] હે યહોવાહ, તમારાં ન્યાયવચનો પ્રમાણે મને જિવાડો. [QBR]
150. જેઓ દુષ્ટ ભાવથી મારી પાછળ લાગેલા છે તેઓ મારી નજીક આવે છે, [QBR] પણ તેઓ તમારા નિયમથી દૂર છે. [QBR]
151. હે યહોવાહ, તમે મારી નજદીક છો [QBR] અને તમારી સર્વ આજ્ઞાઓ સત્ય છે. [QBR]
152. લાંબા સમય પૂર્વે તમારા સાક્ષ્યોથી મેં જાણ્યું કે, [QBR] તમે તેઓને સદાને માટે સ્થાપ્યા છે.   રેશ. [QBR]
153. મારી વિપત્તિ સામું જુઓ અને મને સહાય કરો, [QBR] કેમ કે હું તમારો નિયમ ભૂલતો નથી. [QBR]
154. મારી લડતને લડો અને મને બચાવો; [QBR] મને તમારા વચન પ્રમાણે જીવવા દો. [QBR]
155. દુષ્ટોથી ઉદ્ધાર દૂર રહે છે, [QBR] કારણ કે તે તમારા નિયમોને પ્રેમ કરતા નથી. [QBR]
156. હે યહોવાહ, તમારી કરુણા મહાન છે; [QBR] તમારાં ન્યાયવચનો પ્રમાણે મને જિવાડો. [QBR]
157. મને સતાવનારા અને મારા શત્રુઓ ઘણા છે, [QBR] પણ હું તમારા નિયમોથી પાછો હઠી ગયો નથી. [QBR]
158. મેં વિશ્વાસઘાતીઓને જોયા અને મેં તેમનો અસ્વીકાર કર્યો [QBR] કારણ કે તેઓ તમારા વચનનું પાલન કરતાં નથી. [QBR]
159. હું તમારાં શાસનો પર કેટલો બધો પ્રેમ રાખું છું; [QBR] હે યહોવાહ, તે ધ્યાનમાં લેજો, તમારી કૃપા અનુસાર તમે મને જિવાડો. [QBR]
160. તમારાં બધાં વચનો સત્ય છે; [QBR] તમારાં સર્વ ન્યાયી વચનો અનંતકાળ સુધી ટકનારાં છે.   શીન. [QBR]
161. સરદારોએ મને વિનાકારણ સતાવ્યો છે; [QBR] મારું હૃદય તમારાં વચનોનો ભય રાખે છે. [QBR]
162. જેમ કોઈ એકને મોટો ખજાનો મળે [QBR] તેમ તમારા વચનથી મને આનંદ થાય છે. [QBR]
163. હું અસત્યને ધિક્કારું છું અને તેનાથી કંટાળું છું, [QBR] પણ હું તમારા નિયમને ચાહું છું. [QBR]
164. તમારાં યથાર્થ અને ન્યાયી વચનોને કારણે, [QBR] હું દિવસમાં સાતવાર તમારી સ્તુતિ કરું છું. [QBR]
165. તમારા નિયમ પર પ્રેમ રાખનારાઓને અત્યંત શાંતિ મળે છે; [QBR] તેઓને કોઈ પણ ઠોકર ખવડાવી શકે તેમ નથી. [QBR]
166. હે યહોવાહ, તમારા ઉદ્ધારની મેં આશા રાખી છે [QBR] અને મેં તમારી આજ્ઞાઓ પાળી છે. [QBR]
167. હું તમારાં સાક્ષ્યોને અનુસર્યો [QBR] અને હું તેમના પર ઘણો પ્રેમ રાખું છું. [QBR]
168. હું તમારાં બધાં શાસનો અને સાક્ષ્યોને અનુસર્યો છું, [QBR] કેમ કે હું જે કરું તે બધું તમે જાણો છો.   તાવ. [QBR]
169. હે યહોવાહ, મને સહાય કરવાને મારી પ્રાર્થનાઓ સાંભળો; [QBR] તમે વચન આપ્યું છે તે પ્રમાણે મને સમજણ આપો. [QBR]
170. મારી પ્રાર્થનાને તમારી સમક્ષ આવવા દો; [QBR] તમારા વચન પ્રમાણે મને સહાય કરો. [QBR]
171. મારા હોઠો તમારી સ્તુતિ ઉચ્ચારશે, [QBR] કારણ કે તમે મને તમારા વિધિઓ શીખવો છો. [QBR]
172. મારી જીભ તમારા વચન વિષે ગાયન કરો, [QBR] કારણ કે તમારી સર્વ આજ્ઞાઓ ન્યાયી છે. [QBR]
173. મને મદદ કરવા તમારો હાથ તૈયાર થાઓ, [QBR] કારણ કે મેં તમારાં શાસનોને અનુસરવાનું પસંદ કર્યું છે. [QBR]
174. હે યહોવાહ, હું તમારા તરફથી મળતા ઉદ્ધારને માટે અભિલાષી છું [QBR] અને તમારો નિયમ એ જ મારો આનંદ છે. [QBR]
175. મારા આત્માને જિવાડો જેથી હું તમારી સ્તુતિ કરી શકું; [QBR] તમારાં ન્યાયવચનો મને મદદરૂપ થાઓ. [QBR]
176. હું ભૂલા પડેલા ઘેટાંની જેમ ભટકી ગયો છું; [QBR] તમારા સેવકને શોધી કાઢો, [QBR] કારણ કે હું તમારી આજ્ઞાઓને ભૂલ્યો નથી. [PE]