1. [QS]હું યહોવાહને પ્રેમ કરું છું કેમ કે તેમણે મારો અવાજ [QE][QS]અને મારી વિનંતિ સાંભળી છે. [QE]
2. [QS]તેમણે મારી તરફ પોતાના કાન ધર્યા છે, [QE][QS]મારા જીવનપર્યંત હું તેમની પ્રાર્થના કરીશ. [QE]
3. [QS]મરણની જાળમાં હું સપડાઈ ગયો હતો [QE][QS]અને મને લાગતું હતું જાણે હું શેઓલમાં હોઉં; [QE][QS]મને સંકટ તથા શોક મળ્યાં હતાં. [QE]
4. [QS]ત્યારે મેં યહોવાહના નામનો પોકાર કર્યો: [QE][QS]“હે યહોવાહ, કૃપા કરીને મારા આત્માને છોડાવો.” [QE]
5. [QS]યહોવાહ ન્યાયી તથા કૃપાળુ છે; [QE][QS]આપણા ઈશ્વર ખરેખરા માયાળુ છે. [QE]
6. [QS]યહોવાહ ભોળા માણસોનું રક્ષણ કરે છે; [QE][QS]હું છેક લાચાર બની ગયો હતો અને તેમણે મને બચાવ્યો. [QE]
7. [QS]હે મારા આત્મા, તારા વિશ્રામસ્થાનમાં પાછો આવ; [QE][QS]કારણ કે યહોવાહ તારી સાથે ઉદારતાથી વર્ત્યા છે. [QE]
8. [QS]કેમ કે તમે મારા પ્રાણને મૃત્યુથી, [QE][QS]મારી આંખોને આંસુથી [QE][QS]અને મારા પગોને લથડવાથી બચાવ્યા છે. [QE]
9. [QS]હું જીવલોકમાં [QE][QS]યહોવાહની સેવા કરવાનું ચાલુ રાખીશ. [QE]
10. [QS]મને તેમનામાં વિશ્વાસ છે માટે હું આમ બોલું છું, [QE][QS]“હું ઘણો દુઃખી થઈ ગયો છું.” [QE]
11. [QS]મારા ગભરાટમાં મેં કહ્યું, [QE][QS]“સર્વ માણસો જૂઠા છે.” [QE]
12. [QS]હું યહોવાહના મારા પર થયેલા સર્વ [QE][QS]ઉપકારોનો તેમને શો બદલો આપું? [QE]
13. [QS]હું ઉદ્ધારનો પ્યાલો લઈને, [QE][QS]યહોવાહના નામને વિનંતિ કરીશ. [QE]
14. [QS]યહોવાહની આગળ મેં જે સંકલ્પો કર્યા છે, [QE][QS]તે હું તેમના સર્વ લોકોની સમક્ષ પૂર્ણ કરીશ. [QE]
15. [QS]યહોવાહની દ્રષ્ટિમાં [QE][QS]તેમના ભક્તોનું મરણ કિંમતી છે. [QE]
16. [QS]હે યહોવાહ, નિશ્ચે, હું તમારો સેવક છું; [QE][QS]હું તમારો જ સેવક છું, તમારી સેવિકાનો દીકરો; [QE][QS]તમે મારાં બંધન છોડ્યાં છે. [QE]
17. [QS]હું તમારા માટે આભારસ્તુતિનાં અર્પણો ચઢાવીશ [QE][QS]અને હું યહોવાહના નામે પોકારીશ. [QE]
18. [QS]યહોવાહની સમક્ષ લીધેલા સંકલ્પો [QE][QS]જે મેં તેમના સર્વ લોકોની સમક્ષ લીધા છે, તે પાળીશ. [QE]
19. [QS]હે યરુશાલેમ, તારી અંદર, [QE][QS]યહોવાહના ઘરનાં આંગણામાં [QE][QS]યહોવાહની સ્તુતિ થાઓ. [QE]