1. [QS]હે મારા સ્તુતિના ઈશ્વર, તમે શાંત ન રહો. [QE]
2. [QS]કારણ કે દુષ્ટ અને કપટી માણસો મારા પર હુમલાઓ કરે છે; [QE][QS]તેઓ મારી વિરુદ્ધ જૂઠું બોલે છે. [QE]
3. [QS]તેઓએ મને તિરસ્કૃત શબ્દોથી ઘેરી લીધો છે [QE][QS]અને કોઈ કારણ વગર મારી સાથે લડાઈ કરવા હુમલો કરે છે. [QE]
4. [QS]તેઓ મારી પ્રીતિના બદલામાં મારા શત્રુ થયા છે, [QE][QS]પણ હું તેઓને માટે પ્રાર્થના જ કરું છું. [QE]
5. [QS]તેઓ ઉપકારને બદલે અપકાર કરે છે [QE][QS]અને તેઓ મારા પ્રેમને ધિક્કારે છે. [QE]
6. [QS]મારા શત્રુનો સામનો કરવા માટે એક દુષ્ટ માણસને નિયુક્ત કરો; [QE][QS]તેને જમણે હાથે કોઈ અપ્રામાણિકને ઊભો રાખો. [QE]
7. [QS]જ્યારે તે ન્યાય કરે, ત્યારે તે અપરાધી ઠરો; [QE][QS]તેની પ્રાર્થના પાપરૂપ ગણાઓ. [QE]
8. [QS]તેના દિવસો થોડા થાઓ; [QE][QS]તેનું સ્થાન બીજા કોઈ લઈ લો. [QE]
9. [QS]તેના સંતાનો અનાથ [QE][QS]અને તેની પત્ની વિધવા થાઓ. [QE]
10. [QS]તેના સંતાનો રખડીને ભીખ માગો, [QE][QS]ઉજ્જડ થયેલાં પોતાના ઘરોમાંથી તેઓને નસાડી મૂકવામાં આવે. [QE]
11. [QS]તેનો લેણદાર જોરજુલમથી તેનું બધું લઈ જાઓ; [QE][QS]તેની મહેનતનું ફળ પરાયા લૂંટી જાઓ. [QE]
12. [QS]તેના પર દયા રાખનાર કોઈ ન રહો; [QE][QS]તેનાં અનાથ બાળકો પર કોઈ કૃપા રાખનાર ન રહો. [QE]
13. [QS]તેના વંશજોનો ઉચ્છેદ થાઓ; [QE][QS]આવતી પેઢીમાંથી તેનું નામ સંપૂર્ણપણે ભૂંસાઈ જાઓ. [QE]
14. [QS]તેના પિતૃઓનાં પાપ યહોવાહને યાદ રહો; [QE][QS]અને તેની માતાનું પાપ માફ કરવામાં ન આવો. [QE]
15. [QS]તેનાં પાપો નિત્ય યહોવાહની નજરમાં રહો; [QE][QS]યહોવાહ તેનું નામ પૃથ્વી પરથી ઉખેડી નાખે. [QE]
16. [QS]કારણ કે તેણે બીજાઓ પ્રત્યે દયા કરવાનું ચાહ્યું નહિ, [QE][QS]પણ નિરુત્સાહીની હત્યા કરવા માટે [QE][QS]અને ગરીબ તથા જરૂરતમંદને સતાવ્યા. [QE]
17. [QS]બીજાઓને શાપ આપવામાં તે ખુશ હતો; માટે એ શાપ તેને લાગો. [QE][QS]તે આશીર્વાદને ધિક્કારતો; તેથી તેના પર કોઈ આશીર્વાદ ન આવો. [QE]
18. [QS]તેણે વસ્ત્રની જેમ પોતાના શરીર પર શાપ ધારણ કર્યો હતો [QE][QS]અને તેનો શાપ પાણીની માફક તેના અંતઃકરણમાં [QE][QS]તેના હાડકામાં તેલની જેમ પ્રસરી જતો હતો. [QE]
19. [QS]પહેરવાનાં વસ્ત્રની જેમ તે તેને આચ્છાદિત કરનાર થાઓ [QE][QS]કમરબંધની જેમ તે સદા વીંટળાઈ રહો. [QE]
20. [QS]જેઓ મારા શત્રુ છે અને જેઓ મારા આત્માની વિરુદ્ધ બોલનાર છે, [QE][QS]તેઓને યહોવાહ તરફથી આવો બદલો મળો. [QE]
21. [QS]હે યહોવાહ, મારા પ્રભુ, તમે તમારા નામની ખાતર મારા માટે લડો. [QE][QS]કેમ કે તમારી કૃપા ઉત્તમ છે, મારો બચાવ કરો. [QE]
22. [QS]કેમ કે હું ગરીબ તથા દરિદ્રી છું [QE][QS]અને મારું હૃદય ઊંડે સુધી ઘાયલ થયું છે. [QE]
23. [QS]હું નમી ગયેલી છાયાના જેવો થઈ ગયો છું; [QE][QS]મને તીડની જેમ ખંખેરી નાખવામાં આવે છે. [QE]
24. [QS]ઉપવાસથી મારાં ઘૂંટણ નબળા પડ્યાં છે; [QE][QS]મારું માંસ પુષ્ટિ વિના ઘટી ગયું છે. [QE]
25. [QS]હું સર્વ માણસો માટે નિષ્ફળતાનું પ્રતીક બન્યો છું; [QE][QS]જ્યારે તેઓ મને જુએ છે, ત્યારે તેઓ પોતાના માથાં હલાવે છે. [QE]
26. [QS]હે યહોવાહ મારા ઈશ્વર, મને મદદ કરો; [QE][QS]તમારી કૃપા પ્રમાણે મારો બચાવ કરો. [QE]
27. [QS]તેઓ જાણે કે આ તમે કર્યું છે, [QE][QS]હે યહોવાહ, તમે જ આ કર્યું છે, [QE]
28. [QS]જો તેઓ મને શાપ આપે, તો કૃપા કરી તેમને આશીર્વાદ આપજો; [QE][QS]જ્યારે તેઓ હુમલો કરે, ત્યારે તેઓ શરમાઈ જાઓ, [QE][QS]પણ તમારો સેવક આનંદ કરે. [QE]
29. [QS]મારા શત્રુઓ વસ્ત્રની જેમ બદનામીથી શરમ અનુભવો [QE][QS]અને ઝભ્ભાની જેમ તેઓ શરમથી ઢંકાઈ જાઓ. [QE]
30. [QS]હું વારંવાર યહોવાહનો આભાર માનીશ; [QE][QS]હું ઘણા લોકોમાં તેમની સ્તુતિ ગાઈશ. [QE]
31. [QS]કારણ કે દરિદ્રીના આત્માને અપરાધી ઠરાવનારાઓથી [QE][QS]ઉદ્ધાર આપવાને માટે યહોવાહ તેને જમણે હાથે ઊભા રહેશે. [QE]