1. હે ઈશ્વર, મેં મારું હૃદય દૃઢ કર્યું છે; [QBR] હું મારા અંતઃકરણથી ગીત ગાઈશ અને સ્તુતિ કરીશ. [QBR]
2. વીણા, સિતાર, જાગો; [QBR] હું જાતે પરોઢિયાને જગાડીશ. [QBR]
3. હે યહોવાહ, હું લોકોમાં તમારો આભાર માનીશ; [QBR] પ્રજાઓમાં હું તમારાં સ્તોત્ર ગાઈશ. [QBR]
4. કારણ કે તમારી કૃપા આકાશો કરતાં ઊંચી છે; [QBR] અને તમારું વિશ્વાસુપણું આભ સુધી પહોંચે છે. [QBR]
5. હે ઈશ્વર, તમે આકાશો કરતાં ઊંચા મનાઓ [QBR] અને તમારું ગૌરવ આખી પૃથ્વી કરતાં ઊંચું મનાઓ. [QBR]
6. કે જેથી જેઓ તમને પ્રેમ કરે છે તેઓનો છૂટકો થાય, [QBR] તમારા જમણા હાથથી અમને છોડાવો અને ઉત્તર આપો. [QBR]
7. ઈશ્વર પોતાની પવિત્રતાએ બોલ્યા છે; “હું હરખાઈશ; [QBR] હું શખેમના ભાગ કરીશ અને સુક્કોથની ખીણ વહેંચી આપીશ. [QBR]
8. ગિલ્યાદ મારું છે અને મનાશ્શા મારું છે; [QBR] એફ્રાઇમ મારા માથાનો ટોપ છે; [QBR] યહૂદિયા મારો રાજદંડ છે. [QBR]
9. મોઆબ મારા હાથ ધોવાનો કૂંડ છે; [QBR] અદોમ ઉપર હું મારાં પગરખાં ફેંકીશ; [QBR] પલિસ્તીઓને કારણે હું વિજયમાં આનંદ કરીશ. [QBR]
10. મને કોટબંધ નગરમાં કોણ લઈ જશે? [QBR] મને અદોમમાં કોણ દોરી જશે?” [QBR]
11. હે ઈશ્વર, શું તમે અમને તરછોડ્યા નથી? [QBR] તમે અમારા સૈન્યોની સાથે બહાર આવતા નથી. [QBR]
12. અમને અમારા શત્રુઓ સામે મદદ કરો, [QBR] કેમ કે માણસની મદદ તો મિથ્યા છે. [QBR]
13. અમે ઈશ્વરની સહાયથી પરાક્રમો કરીશું; [QBR] તે જ અમારા શત્રુઓને કચડી નાખશે. [PE]