1. [QS]હે મારા આત્મા, યહોવાહને સ્તુત્ય માન. [QE][QS]હે યહોવાહ મારા ઈશ્વર, તમે અતિ મહાન છો; [QE][QS]તમે વૈભવ તથા ગૌરવ ધારણ કર્યાં છે. [QE]
2. [QS]તમે વસ્ત્રની જેમ અજવાળું પહેર્યું છે; [QE][QS]પડદાની જેમ તમે આકાશને વિસ્તારો છો. [QE]
3. [QS]તમારા આકાશી ઘરનો પાયો તમે અંતરિક્ષનાં પાણી પર નાખ્યો છે; [QE][QS]તમે વાદળાંને તમારા રથ બનાવ્યા છે; [QE][QS]તમે પવનની પાંખો પર સવારી કરો છો. [QE]
4. [QS]તમે પવનોને તમારા દૂત બનાવો છો [QE][QS]અને તમારા સેવકો અગ્નિના ભડકા છે. [QE]
5. [QS]તમે પૃથ્વીને તેના પાયા પર સ્થિર કરી છે [QE][QS]જેથી તે ખસે નહિ. [QE]
6. [QS]તમે પૃથ્વીને વસ્ત્રની જેમ જળના ભંડારોથી આચ્છાદિત કરો છો; [QE][QS]પાણીએ પર્વતોને આચ્છાદિત કર્યાં છે. [QE]
7. [QS]તમારી ધમકીથી તેઓ નાસી ગયાં; [QE][QS]તમારી ગર્જનાથી તેઓ જતાં રહ્યાં. [QE]
8. [QS]પહાડો ચઢી ગયા અને ખીણો ઊતરી ગઈ [QE][QS]જે સ્થળ તમે પાણીને માટે મુકરર કર્યું હતું, ત્યાં સુધી તે પ્રસરી ગયાં. [QE]
9. [QS]તેઓ ફરીથી પૃથ્વીને ઢાંકે નહિ માટે [QE][QS]તમે તેઓને માટે હદ બાંધી છે કે જેથી તેઓ તે પાર ન કરી શકે; [QE]
10. [QS]તેમણે ખીણોમાં વહેતાં ઝરણાં બનાવ્યાં; [QE][QS]તે પર્વતોની વચ્ચે વહે છે. [QE]
11. [QS]તે સર્વ પશુઓને પાણી પૂરું પાડે છે; [QE][QS]રાની ગધેડાંઓ પણ પોતાની તરસ છિપાવે છે. [QE]
12. [QS]આકાશના પક્ષીઓ ઝરણાંઓને કિનારે માળા બાંધે છે; [QE][QS]વૃક્ષોની ડાળીઓ મધ્યે ગાયન કરે છે. [QE]
13. [QS]તે આકાશના ઓરડામાંથી પર્વતો પર પાણી સિંચે છે. [QE][QS]પૃથ્વી તેમનાં કામના ફળથી તૃપ્ત થાય છે. [QE]
14. [QS]તે જાનવરને માટે ઘાસ ઉપજાવે છે [QE][QS]અને માણસના માટે શાકભાજી ઉપજાવે છે [QE][QS]કે જેથી માણસ ભૂમિમાંથી અન્ન ઉપજાવે છે. [QE]
15. [QS]તે માણસને આનંદ આપનાર દ્રાક્ષારસ, [QE][QS]તેના મુખને તેજસ્વી કરનાર તેલ [QE][QS]અને તેના જીવનને બળ આપનાર રોટલી તે નિપજાવે છે. [QE]
16. [QS]યહોવાહનાં વૃક્ષો, એટલે લબાનોનનાં દેવદારો; [QE][QS]જે તેમણે રોપ્યાં હતાં, તેઓ પાણીથી ભરપૂર છે. [QE]
17. [QS]ત્યાં પક્ષીઓ પોતાના માળા બાંધે છે. [QE][QS]વળી દેવદાર વૃક્ષ બગલાઓનું રહેઠાણ છે. [QE]
18. [QS]ઊંચા પર્વતો પર રાની બકરાઓને [QE][QS]અને ખડકોમાં સસલાને રક્ષણ અને આશ્રય મળે છે. [QE]
19. [QS]ઋતુઓને માટે તેમણે ચંદ્રનું સર્જન કર્યું; [QE][QS]સૂર્ય પોતાનો અસ્તકાળ જાણે છે. [QE]
20. [QS]તમે અંધારું કરો છો એટલે રાત થાય છે [QE][QS]ત્યારે જંગલનાં પશુઓ બહાર આવે છે. [QE]
21. [QS]સિંહનાં બચ્ચાં શિકાર માટે ગર્જના કરે છે [QE][QS]અને તેઓ ઈશ્વર પાસે પોતાનું ભોજન માગે છે. [QE]
22. [QS]સૂર્ય ઊગે કે તરત તેઓ જતાં રહે છે [QE][QS]અને પોતાના કોતરોમાં સૂઈ જાય છે. [QE]
23. [QS]માણસ પોતાના કામકાજ કરવા બહાર આવે છે [QE][QS]અને સાંજ સુધી પોતાનો ઉદ્યોગ ચલાવે છે. [QE]
24. [QS]હે યહોવાહ, તમારાં કામ કેવાં તરેહતરેહનાં છે! [QE][QS]તમે તે સર્વને બુદ્ધિપૂર્વક બનાવ્યાં છે; [QE][QS]તમારી બનાવેલી વસ્તુઓથી પૃથ્વી ભરપૂર છે. [QE]
25. [QS]જુઓ આ વિશાળ તથા ઊંડા સમુદ્રમાં, [QE][QS]અસંખ્ય જીવજંતુઓ, [QE][QS]નાનાંમોટાં જળચરો છે. [QE]
26. [QS]વહાણો તેમાં આવજા કરે છે [QE][QS]અને જે મગરમચ્છ તેમાં રમવા માટે તમે ઉત્પન્ન કર્યાં છે તે સમુદ્રમાં રહે છે. [QE]
27. [QS]તમે તેઓને યોગ્ય સમયે ખાવાનું આપો છો, [QE][QS]તેથી આ સર્વ તમારી રાહ જુએ છે. [QE]
28. [QS]જ્યારે તમે તેઓને આપો છો, ત્યારે તેઓ ભેગા થાય છે; [QE][QS]જ્યારે તમે તમારો હાથ ખોલો છો, ત્યારે તેઓ તૃપ્ત થાય છે. [QE]
29. [QS]જ્યારે તમે તમારું મુખ ફેરવો છો, ત્યારે તેઓ ગભરાઈ જાય છે; [QE][QS]જો તમે તેઓનો પ્રાણ લઈ લો છો, તો તેઓ મરણ પામે છે [QE][QS]અને પાછાં ધૂળમાં મળી જાય છે. [QE]
30. [QS]જ્યારે તમે તમારો આત્મા મોકલો છો, ત્યારે તેઓ ઉત્પન્ન થાય છે [QE][QS]અને તમે દેશભરનું નવીકરણ કરો છો. [QE]
31. [QS]યહોવાહનો મહિમા સદાકાળ ટકી રહો; [QE][QS]પોતાના સર્જનથી યહોવાહ આનંદ પામો. [QE]
32. [QS]તે પૃથ્વી પર દ્રષ્ટિ કરે છે અને તે કંપે છે; [QE][QS]તે પર્વતોને સ્પર્શે છે અને તેઓમાંથી ધુમાડો નીકળે છે. [QE]
33. [QS]હું જીવનપર્યંત યહોવાહની પ્રશંસાનાં ગીતો ગાઈશ; [QE][QS]હું મારા છેલ્લાં શ્વાસ સુધી યહોવાહની સ્તુતિ કરીશ. [QE]
34. [QS]તેમના માટેના મારા શબ્દો વડે તે પ્રસન્ન થાઓ; [QE][QS]હું યહોવાહમાં આનંદ કરીશ. [QE]
35. [QS]પૃથ્વીમાંથી સર્વ પાપીઓ નાશ પામો [QE][QS]અને દુષ્ટોનો અંત આવો. [QE][QS]હે મારા આત્મા, યહોવાહને સ્તુત્ય માન. [QE][QS]યહોવાહની સ્તુતિ કરો. [QE]