1. [QS]હે મારા આત્મા, યહોવાહને સ્તુત્ય માન [QE][QS]અને મારા ખરા અંતઃકરણ, તેમના પવિત્ર નામને સ્તુત્ય માન. [QE]
2. [QS]હે મારા આત્મા, યહોવાહને સ્તુત્ય માન, [QE][QS]અને તેમના સર્વ ઉપકારો તું ભૂલી ન જા. [QE]
3. [QS]તે તારાં સઘળાં પાપ માફ કરે છે; [QE][QS]અને તારા સર્વ રોગ મટાડે છે. [QE]
4. [QS]તે તારો જીવ નાશથી બચાવે છે; [QE][QS]તને કૃપા તથા દયાનો મુગટ પહેરાવે છે. [QE]
5. [QS]તે તારા જીવને ઉત્તમ વસ્તુઓથી તૃપ્ત કરે છે [QE][QS]જેથી ગરુડની જેમ તારી જુવાની તાજી કરાય છે. [QE]
6. [QS]યહોવાહ જે ઉચિત છે તે કરે છે , [QE][QS]અને તે સર્વ જુલમથી લદાયેલાને માટે ન્યાયનાં કૃત્યો કરે છે. [QE]
7. [QS]તેમણે પોતાના માર્ગો મૂસાને [QE][QS]અને પોતાનાં કૃત્યો ઇઝરાયલના વંશજોને જણાવ્યાં. [QE]
8. [QS]યહોવાહ દયાળુ તથા કરુણાળુ છે; [QE][QS]તે ધીરજ રાખનાર છે; તે કૃપા કરવામાં મોટા છે. [QE]
9. [QS]તે હંમેશાં શિક્ષા કરશે નહિ; [QE][QS]તે હંમેશા ગુસ્સે રહેતા નથી. [QE]
10. [QS]તેઓ આપણાં પાપ પ્રમાણે આપણી સાથે વર્ત્યા નથી [QE][QS]અથવા આપણા પાપના પ્રમાણમાં તેમણે આપણને બદલો વાળ્યો નથી. [QE]
11. [QS]કારણ કે જેમ પૃથ્વીથી આકાશ ઊંચું છે, [QE][QS]તેમ તેમનો આદર કરનાર પર તેમની કૃપા વિશાળ છે. [QE]
12. [QS]પૂર્વ જેટલું પશ્ચિમથી દૂર છે, [QE][QS]તેટલાં તેમણે આપણા અપરાધો આપણાથી દૂર કર્યાં છે. [QE]
13. [QS]જેમ પિતા પોતાનાં સંતાનો પર દયાળુ છે, [QE][QS]તેમ યહોવાહ પોતાના ભક્તો પર દયાળુ છે. [QE]
14. [QS]કારણ કે તે આપણું બંધારણ જાણે છે; [QE][QS]આપણે ધૂળ છીએ એવું તે જાણે છે. [QE]
15. [QS]માણસના દિવસો ઘાસ જેવા છે; [QE][QS]ખેતરમાંના ફૂલની જેમ તે ખીલે છે. [QE]
16. [QS]પવન તેના પર થઈને વાય છે અને તે ઊડી જાય છે [QE][QS]અને તે ક્યાં હતું એ કોઈને માલૂમ પડતું નથી. [QE]
17. [QS]પણ યહોવાહની કૃપા તેમના ભક્તો પર અનાદિકાળથી તે અનંતકાળ સુધી છે. [QE][QS]તેમનું ન્યાયીપણું તેમના વંશજોને માટે છે. [QE]
18. [QS]તેઓ તેમનો કરાર માને છે [QE][QS]અને તેમની સૂચનાઓનું પાલન કરે છે. [QE]
19. [QS]યહોવાહે પોતાનું રાજ્યાસન આકાશમાં સ્થાપ્યું છે [QE][QS]અને તેમના રાજ્યની સત્તા સર્વ ઉપર છે. [QE]
20. [QS]હે બળમાં પરાક્રમી, યહોવાહનું વચન પાળનારા [QE][QS]તથા તેમની આજ્ઞાઓ પાળનારા [QE][QS]તેમના દૂતો, તમે યહોવાહની સ્તુતિ કરો. [QE]
21. [QS]હે યહોવાહનાં સર્વ સૈન્યો, [QE][QS]તેમની ઇચ્છાને અનુસરનારા તેમના સેવકો, તમે તેમને સ્તુત્ય માનો. [QE]
22. [QS]યહોવાહના રાજ્યમાં સર્વ સ્થળોમાં [QE][QS]તેમનાં સૌ કૃત્યો તેમને સ્તુત્ય માનો; [QE][QS]હે મારા આત્મા, તું યહોવાહને સ્તુત્ય માન. [QE]