1. હે યહોવાહ, તમે શા માટે દૂર ઊભા રહો છો? [QBR] સંકટના સમયમાં તમે શા માટે સંતાઈ જાઓ છો? [QBR]
2. દુષ્ટો ગર્વિષ્ઠ થઈને ગરીબોને બહુ સતાવે છે; [QBR] પણ તેઓ પોતાની કલ્પેલી યુક્તિઓમાં ફસાઈ જાય છે. [QBR]
3. કેમ કે દુષ્ટ લોકો પોતાના અંતઃકરણની ઇચ્છાની તૃપ્તિ થતાં અભિમાન કરે છે; [QBR] લોભીઓને યહોવાહમાં વિશ્વાસ હોતો નથી અને તેઓ તેમની નિંદા કરે છે. [QBR]
4. દુષ્ટ પોતાના અહંકારી ચહેરાથી બતાવે છે કે, ઈશ્વર બદલો લેશે નહિ. [QBR] તેના સર્વ વિચાર એવા છે કે, ઈશ્વર છે જ નહિ. [QBR]
5. તે બધા સમયે સુરક્ષિત રહે છે, [QBR] પણ તમારો ન્યાય એટલો બધો ઊંચો છે કે તે તેના સમજવામાં આવતો નથી; [QBR] તે પોતાના સર્વ શત્રુઓનો તિરસ્કાર કરે છે. [QBR]
6. તે પોતાના હૃદયમાં કહે છે, “હું કદી નિષ્ફળ થઈશ નહિ; [QBR] પેઢી દરપેઢી હું વિપત્તિમાં નહિ આવું.” [QBR]
7. તેનું મુખ શાપ, કપટ તથા જુલમથી ભરેલું છે; [QBR] તેની જીભમાં ઉપદ્રવ તથા અન્યાય ભરેલા છે. [QBR]
8. તે ગામોની છૂપી જગ્યાઓમાં બેસે છે; [QBR] તે સંતાઈને નિર્દોષનું ખૂન કરે છે; [QBR] તેની આંખો નિરાધારને છાની રીતે તાકી રહે છે. [QBR]
9. જેમ સિંહ ગુફામાં છુપાઈ રહે છે; [QBR] તેમ તે ગુપ્ત જગ્યામાં ભરાઈ રહે છે. [QBR] તે ગરીબોને પકડવાને છુપાઈ રહે છે, તે ગરીબને પકડીને પોતાની જાળમાં ખેંચી લઈ જાય છે. [QBR]
10. તેઓના બળ આગળ ગરીબો દબાઈને નીચા નમી જાય છે; [QBR] લાચાર બની તેઓના પંજામાં સપડાઈ જાય છે. [QBR]
11. તે પોતાના હૃદયમાં કહે છે, “ઈશ્વર ભૂલી ગયા છે; [QBR] તેમણે પોતાનું મુખ જોયું નથી, સંતાડી રાખ્યું છે અને તે કદી જોશે નહિ.” [QBR]
12. હે યહોવાહ, ઊઠો; હે ઈશ્વર, તમારો હાથ ઊંચો કરો. [QBR] ગરીબોને ભૂલી ન જાઓ. [QBR]
13. દુષ્ટો શા માટે ઈશ્વરનો નકાર કરે છે? [QBR] અને પોતાના હૃદયમાં કહે છે, “તમે બદલો નહિ માગો.” [QBR]
14. તમે જોયું છે; કેમ કે તમારા હાથમાં લેવાને માટે તમે ઉપદ્રવ કરનારા તથા ઈર્ષાખોરોને નજરમાં રાખો છો. [QBR] નિરાધાર પોતાને તમારા હવાલામાં સોંપે છે; [QBR] તમે અનાથને બચાવો છો. [QBR]
15. દુષ્ટ લોકોના હાથ તમે ભાંગી નાખો; [QBR] તમે દુષ્ટ માણસની દુષ્ટતાને એટલે સુધી શોધી કાઢો કે કંઈ પણ બાકી રહે નહિ. [QBR]
16. યહોવાહ સદાસર્વકાળ રાજા છે; [QBR] તેમના દેશમાંથી વિદેશીઓ નાશ પામ્યા છે. [QBR]
17. હે યહોવાહ, તમે નમ્રની અભિલાષા જાણો છો; [QBR] તમે તેઓનાં હૃદયોને દૃઢ કરશો, તમે તેઓની પ્રાર્થના સાંભળશો; [QBR]
18. તમે અનાથ તથા દુઃખીઓનો ન્યાય કરો [QBR] તેથી પૃથ્વીનાં માણસો હવે પછી ત્રાસદાયક રહે નહિ. [PE]