1. [QS]મારા દીકરા, મારા ડહાપણ તરફ લક્ષ આપ; [QE][QS]મારી બુદ્ધિ તરફ તારા કાન ધર [QE]
2. [QS]જેથી તારી વિવેકબુદ્ધિ જળવાઈ રહે, [QE][QS]અને તારા હોઠ વિદ્યા સંઘરી રાખે. [QE]
3. [QS]કારણ કે વ્યભિચારી સ્ત્રીના હોઠોમાંથી મધ ટપકે છે. [QE][QS]અને તેનું મુખ તેલ કરતાં સુંવાળુ છે. [QE]
4. [QS]પણ તેનો અંત વિષ જેવો કડવો, [QE][QS]બેધારી તરવાર જેવો તીક્ષ્ણ હોય છે. [QE]
5. [QS]તેના પગ મૃત્યુ સુધી નીચે પહોંચે છે; [QE][QS]તેના પગલાં શેઓલમાં પહોંચે છે. [QE]
6. [QS]તેથી તેને સાચો જીવન માર્ગ મળતો નથી. [QE][QS]તે પોતાના માર્ગેથી ભટકી જાય છે; અને તેને ખબર નથી કે તે ક્યાં જાય છે. [QE][PBR]
7. [QS]હવે મારા દીકરાઓ, મારી વાત સાંભળો; [QE][QS]અને મારા મુખના શબ્દોથી દૂર જશો નહિ. [QE]
8. [QS]તમારા માર્ગો તેનાથી દૂર રાખો [QE][QS]અને તેના ઘરના બારણા પાસે પણ જશો નહિ. [QE]
9. [QS]રખેને તું તારી આબરુ બીજાઓને [QE][QS]અને તારા જીવનનાં વર્ષો ઘાતકી માણસોને સ્વાધીન કરે; [QE]
10. [QS]રખેને તારા બળથી પારકા તૃપ્ત થાય, [QE][QS]અને તારી મહેનતનું ફળ પારકાના કુટુંબને મળે. [QE]
11. [QS]રખેને તારું માંસ અને તારું શરીર ક્ષીણ થાય [QE][QS]અને તું અંત સમયે વિલાપ કરે. [QE]
12. [QS]તું કહીશ કે, “મેં કેવી રીતે શિખામણનો ધિક્કાર કર્યો છે [QE][QS]અને મારા હૃદયે ઠપકાને તુચ્છ ગણ્યો છે! [QE]
13. [QS]હું મારા શિક્ષકોને આધીન થયો નહિ [QE][QS]અને મેં મને શિક્ષણ આપનારાઓને સાંભળ્યા નહિ. [QE]
14. [QS]મંડળ અને સંમેલનોમાં [QE][QS]હું સંપૂર્ણપણે પાપમય થઈ ગયો હતો.” [QE]
15. [QS]તારે તારા પોતાના જ ટાંકામાંથી પાણી પીવું, [QE][QS]અને તું તારા પોતાના જ કૂવાના ઝરણામાંથી પાણી પીજે. [QE]
16. [QS]શું તારા ઝરાઓનું પાણી શેરીઓમાં વહી જવા દેવું, [QE][QS]અને ઝરણાઓનું પાણી જાહેરમાં વહી જવા દેવું? [QE]
17. [QS]એ પાણી ફક્ત તારા એકલા માટે જ હોય [QE][QS]અને તારી સાથેના પારકાઓ માટે નહિ. [QE]
18. [QS]તારું ઝરણું આશીર્વાદ પામો, [QE][QS]અને તું તારી પોતાની યુવાન પત્ની સાથે આનંદ માન. [QE]
19. [QS]જે પ્રેમાળ હરણી જેવી સુંદર અને મનોહર મૃગલી જેવી જાજરમાન નારી છે. [QE][QS]તેનાં સ્તનોથી તું સદા સંતોષી રહેજે; [QE][QS]હંમેશા તું તેના પ્રેમમાં જ ગરકાવ રહેજે. [QE]
20. [QS]મારા દીકરા, તારે શા માટે પરસ્ત્રી પર મોહિત થવું જોઈએ? [QE][QS]શા માટે તારે પરસ્ત્રીના શરીરને આલિંગન આપવું જોઈએ? [QE]
21. [QS]માણસના વર્તન-વ્યવહાર ઉપર યહોવાહની નજર હોય છે [QE][QS]અને માણસ જે કંઈ કરે છે તેના ઉપર તે ધ્યાન રાખે છે. [QE]
22. [QS]દુષ્ટ પોતાની જ દુષ્ટતામાં સપડાય છે; [QE][QS]અને તેઓનાં પાપો તેઓને દોરડાની જેમ જકડી રાખે છે. [QE]
23. [QS]કારણ કે, તેની અતિશય મૂર્ખાઈને લીધે તે રઝળી જશે; [QE][QS]અને શિક્ષણ વિના તે માર્યો જશે. [QE]