1. લમૂએલ રાજાની માતાએ જે ઈશ્વરવાણી તેને શીખવી હતી તે આ છે. [QBR]
2. હે મારા દીકરા? ઓ મારા દીકરા? [QBR] હે મારી માનતાઓના દીકરા? [QBR]
3. તારી શક્તિ સ્ત્રીઓ પાછળ વેડફીશ નહિ, [QBR] અને તારા માર્ગો રાજાઓનો નાશ કરનારની પાછળ વેડફીશ નહિ. [QBR]
4. દીકરા લમૂએલ, દ્રાક્ષારસ પીવો તે રાજાને શોભતું નથી, [QBR] વળી “દ્રાક્ષાસવ ક્યાં છે?” તે રાજ્યના હાકેમોએ પૂછવું યોગ્ય નથી. [QBR]
5. કારણ કે પીવાને લીધે તેઓ પોતાના નિયમો ભૂલી જાય છે, [QBR] અને દુઃખીઓને નિષ્પક્ષ ન્યાય આપી શકતા નથી. [QBR]
6. જેઓ મરવાની અણી પર હોય તેને દ્રાક્ષાસવ [QBR] અને જેઓ દુભાયેલા હોય તેને દ્રાક્ષારસ આપ. [QBR]
7. ભલે તેઓ પીને પોતાની ગરીબીને વિસારે પડે, [QBR] અને તેઓને પોતાનાં દુ:ખો યાદ આવે નહિ. [QBR]
8. જે પોતાના માટે બોલી શકતા નથી તેઓને માટે તું બોલ [QBR] અને તું નિરાધારોના હક માટે સહાય કર. [QBR]
9. તારું મુખ ઉઘાડીને અદલ ઇનસાફ કર [QBR] અને ગરીબ તથા દરિદ્રીને માન આપ. [QBR]
10. સદગુણી પત્ની કોને મળે? [QBR] કેમ કે તેનું મૂલ્ય તો રત્નો કરતાં વધારે છે. [QBR]
11. તેનો પતિ તેના પર પૂરો વિશ્વાસ રાખે છે, [QBR] અને તેને સંપત્તિની કોઈ ખોટ પડશે નહિ. [QBR]
12. પોતાના આયુષ્યનાં સર્વ દિવસો પર્યંત , [QBR] તે તેનું ભલું જ કરે છે અને કદી ખોટું કરતી નથી. [QBR]
13. તે ઊન અને શણ ભેગું કરે છે, [QBR] અને ખંતથી પોતાના હાથે કામ કરવામાં આનંદ માણે છે. [QBR]
14. તે દૂરથી પોતાનું અન્ન લઈ આવનાર, [QBR] વેપારીના વહાણ જેવી છે. [QBR]
15. ઘરનાં સર્વને માટે ખાવાનું તૈયાર કરવા તે પરોઢ થતાં પહેલાં ઊઠી જાય છે [QBR] અને તેની દાસીઓ માટે દિવસભરના કામનું આયોજન કરે છે. [QBR]
16. તે કોઈ ખેતરનો વિચાર કરીને તેને ખરીદે છે, [QBR] પોતાના નફામાંથી તે પોતાને હાથે દ્રાક્ષના વેલા રોપે છે. [QBR]
17. પોતાની કમરે તે ખડતલ અને ભારે ઉધમી છે, [QBR] તે પોતાના હાથ બળવાન કરે છે. [QBR]
18. તે પોતાના વેપારના નફાનો ખ્યાલ રાખે છે; [QBR] તેથી રાતભર તેનો દીવો હોલવાતો નથી. [QBR]
19. તે એક હાથે પૂણી પકડે છે [QBR] અને બીજે હાથે રેંટિયો ચલાવે છે. [QBR]
20. તે ગરીબોને ઉદારતાથી આપે છે; [QBR] અને જરૂરિયાતમંદોને છૂટે હાથે મદદ કરે છે. [QBR]
21. તેના કુટુંબના સભ્યોને માટે તે શિયાળાની કશી બીક રહેવા દેતી નથી, [QBR] તેના આખા કુટુંબે ઊનનાં કિરમજી વસ્ત્ર પહેરેલાં છે. [QBR]
22. તે પોતાને માટે બુટ્ટાદાર રજાઈઓ બનાવે છે, [QBR] તેના વસ્ત્રો ઝીણા મલમલનાં તથા જાંબુડા રંગનાં છે. [QBR]
23. તેનો પતિ નગર દરવાજે આદર પામે છે, [QBR] અને દેશનાં મુખ્ય આગેવાનોમાં તે પ્રતિષ્ઠિત છે. [QBR]
24. તે શણનાં વસ્ત્રો બનાવીને વેપારીઓને વેચે છે [QBR] અને તેઓને કમરબંધ બનાવી આપે છે. [QBR]
25. શક્તિ અને સન્માન તેનો પોશાક છે. [QBR] અને તે ભવિષ્ય વિષેની ચિંતાને હસી કાઢે છે. [QBR]
26. તેના મોંમાંથી ડહાપણની વાતો નીકળે છે, [QBR] તેના જીભનો નિયમ માયાળુપણું છે. [QBR]
27. તે પોતાના ઘરમાં બધા કામની દેખરેખ રાખે છે [QBR] અને તે કદી આળસની રોટલી ખાતી નથી. [QBR]
28. તે પોતાના ઘરના માણસોની વર્તનની બરાબર તપાસ રાખે છે; [QBR] અને તેના પતિ તેના વખાણ કરે છે અને પ્રશંસા કરતાં કહે છે કે, [QBR]
29. “જગતમાં ઘણી સદાચારી સ્ત્રીઓ છે, [QBR] પણ તું તે સર્વ કરતાં ઉત્તમ છે.” [QBR]
30. લાવણ્ય ઠગારું છે અને સૌંદર્ય વ્યર્થ છે, [QBR] પરંતુ યહોવાહનો ડર રાખનાર સ્ત્રીની પ્રંશસા થશે. [QBR]
31. તેના હાથની પેદાશમાંથી તેને આપો [QBR] અને તેના કામોને માટે ભાગળોમાં તેની પ્રશંસા કરો. [PE]