1. [QS]મારા દીકરા, મારી આજ્ઞાઓ ભૂલી ન જા [QE][QS]અને તારા હૃદયમાં મારા શિક્ષણને સંઘરી રાખજે; [QE]
2. [QS]કેમ કે તે તને દીર્ઘાયુષ્ય, આવરદાના વર્ષો [QE][QS]અને શાંતિની વૃદ્ધિ આપશે. [QE]
3. [QS]કૃપા તથા સત્યતા તારો ત્યાગ ન કરો, [QE][QS]તેઓને તું તારા ગળે બાંધી રાખજે, [QE][QS]તેઓને તારા હૃદયપટ પર લખી રાખજે. [QE]
4. [QS]તેથી તું ઈશ્વર તથા માણસની દૃષ્ટિમાં [QE][QS]કૃપા તથા સુકીર્તિ પામશે. [QE]
5. [QS]તારા પૂર્ણ હૃદયથી યહોવાહ પર ભરોસો રાખ [QE][QS]અને તારી પોતાની સમજણ પર આધાર રાખીશ નહિ. [QE]
6. [QS]તારા સર્વ માર્ગોમાં પ્રભુનો અધિકાર સ્વીકાર [QE][QS]અને તે તારા માર્ગો સીધા કરશે. [QE]
7. [QS]તું તારી પોતાની નજરમાં જ્ઞાની ન થા; [QE][QS]યહોવાહનો ભય રાખીને દુષ્ટતાથી દૂર થા. [QE]
8. [QS]તેથી તારું શરીર તંદુરસ્ત રહેશે [QE][QS]અને તારું શરીર તાજગીમાં રહેશે. [QE]
9. [QS]તારા ધનથી તથા તારી પેદાશના [QE][QS]પ્રથમ ફળથી યહોવાહનું સન્માન કર. [QE]
10. [QS]એમ કરવાથી તારા અન્નના ભંડાર ભરપૂર થશે [QE][QS]અને તારા દ્રાક્ષાકુંડો નવા દ્રાક્ષારસથી ઊભરાઈ જશે. [QE]
11. [QS]મારા દીકરા, યહોવાહની શિક્ષાને તુચ્છ ન ગણ [QE][QS]અને તેમના ઠપકાથી કંટાળી ન જા. [QE]
12. [QS]કેમ કે જેમ પિતા પોતાના પુત્રને ઠપકો આપે છે [QE][QS]તેમ યહોવાહ જેના પર પ્રેમ રાખે છે તેને ઠપકો આપે છે. [QE]
13. [QS]જે માણસને ડહાપણ મળે છે, [QE][QS]અને જે માણસ બુદ્ધિ સંપાદન કરે છે, તે આશીર્વાદિત છે. [QE]
14. [QS]કેમ કે તેનો વેપાર ચાંદીના વેપાર કરતાં અને તેનો વળતર ચોખ્ખા સોનાના [QE][QS]વળતર કરતાં શ્રેષ્ઠ છે. [QE]
15. [QS]ડહાપણ માણેક કરતાં વધારે મૂલ્યવાન છે [QE][QS]અને તારી મનગમતી કોઈપણ વસ્તુ તેની બરાબરી કરી શકે તેમ નથી. [QE]
16. [QS]તેના જમણા હાથમાં દીર્ઘાયુષ્ય છે, [QE][QS]તેના ડાબા હાથમાં સમૃદ્ધિ અને સન્માન છે. [QE]
17. [QS]તેના માર્ગો સુખદાયક [QE][QS]અને તેના બધા રસ્તા શાંતિપૂર્ણ છે. [QE]
18. [QS]જેઓ તે ગ્રહણ કરે છે તેઓનું તે જીવનવૃક્ષ છે, [QE][QS]જેઓ તેને દૃઢતાથી પકડી રાખે છે તેઓ સુખી થાય છે. [QE]
19. [QS]યહોવાહે પૃથ્વીને ડહાપણથી અને [QE][QS]આકાશોને સમજશક્તિથી ભરીને સ્થાપન કર્યા છે. [QE]
20. [QS]તેમના ડહાપણને પ્રતાપે ઊંડાણમાંથી પાણીનાં ઝરણાં ફૂટી નીકળ્યાં [QE][QS]અને વાદળોમાંથી ઝાકળ ટપકે છે. [QE]
21. [QS]મારા દીકરા, સુજ્ઞાન તથા વિવેકબુદ્ધિ પકડી રાખ, [QE][QS]તેઓને તારી નજર આગળથી દૂર થવા ન દે. [QE]
22. [QS]તો તેઓ તારા આત્માનું જીવન [QE][QS]અને તારા ગળાની શોભા થશે. [QE]
23. [QS]પછી તું તારા માર્ગમાં સુરક્ષિત જઈ શકીશ [QE][QS]અને તારો પગ ઠોકર ખાઈને લથડશે નહિ. [QE]
24. [QS]જ્યારે તું ઊંઘી જશે, ત્યારે તને કોઈ ડર લાગશે નહિ; [QE][QS]જ્યારે તું સૂઈ જશે, ત્યારે તને મીઠી ઊંઘ આવશે. [QE]
25. [QS]જ્યારે આકસ્મિક ભય આવી પડે [QE][QS]અથવા દુષ્ટ માણસોની પાયમાલી થાય ત્યારે તું ગભરાઈશ નહિ. [QE]
26. [QS]કેમ કે યહોવાહ તારી સાથે રહેશે [QE][QS]અને તારા પગને સપડાઈ જતાં બચાવશે. [QE][PBR]
27. [QS]હિત કરવાની શક્તિ તારા હાથમાં હોય તો [QE][QS]જેને માટે તે ઘટિત હોય તેનું હિત કરવામાં પાછો ન પડ. [QE]
28. [QS]જ્યારે તારી પાસે પૈસા હોય, [QE][QS]ત્યારે તારા પડોશીને એમ ન કહે, [QE][QS]“જા અને ફરીથી આવજે, આવતીકાલે હું આપીશ.” [QE]
29. [QS]જે વ્યક્તિ તારી પડોશમાં નિર્ભય રહે છે, [QE][QS]તેવા તારા પડોશીનું ભૂંડું કરવાનો પ્રયત્ન ન કર. [QE]
30. [QS]કોઈ માણસે તારું કંઈ નુકસાન કર્યું ન હોય, [QE][QS]તો તેની સાથે કારણ વગર તકરાર ન કર. [QE]
31. [QS]દુષ્ટ માણસની અદેખાઈ ન કર, [QE][QS]અથવા તેનો એક પણ માર્ગ પસંદ ન કર. [QE]
32. [QS]કેમ કે આડા માણસોને યહોવાહ ધિક્કારે છે; [QE][QS]પણ પ્રામાણિક માણસો તેનો મર્મ સમજે છે. [QE]
33. [QS]યહોવાહ દુષ્ટ માણસોના ઘર પર શાપ ઉતારે છે; [QE][QS]પણ તે ન્યાયી માણસોના ઘરને આશીર્વાદ આપે છે. [QE]
34. [QS]તે તિરસ્કાર કરનારાનો તિરસ્કાર કરે છે, [QE][QS]પણ તે નમ્ર જનોને કૃપા આપે છે. [QE]
35. [QS]જ્ઞાનીઓ ગૌરવનો વારસો પામશે, [QE][QS]પણ મૂર્ખોને બદનામી જ મળશે. [QE]