1. [QS]આવતી કાલની બડાશ મારીશ નહિ, [QE][QS]કારણ કે આવતીકાલે શું થઈ જશે તે તું જાણતો નથી. [QE]
2. [QS]બીજો માણસ તારાં વખાણ ભલે કરે, પણ તું તારે મુખે તારાં વખાણ ન કર; [QE][QS]બીજો કરે તો ભલે, પણ તારા પોતાના હોઠ ન કરે. [QE]
3. [QS]પથ્થર વજનદાર હોય છે અને રેતી ભારે હોય છે; [QE][QS]પણ મૂર્ખની ઉશ્કેરણી બંને કરતાં ભારે હોય છે. [QE]
4. [QS]ક્રોધ ક્રૂર છે અને કોપ રેલરૂપ છે, [QE][QS]પણ ઈર્ષ્યા આગળ કોણ ટકી શકે? [QE]
5. [QS]છુપાવેલા પ્રેમ કરતાં [QE][QS]ઉઘાડો ઠપકો સારો છે. [QE]
6. [QS]મિત્રના ઘા પ્રામાણિક હોય છે, [QE][QS]પણ દુશ્મનનાં ચુંબન ખુશામતથી ભરેલા હોય છે. [QE]
7. [QS]ધરાયેલાને મધ પણ કડવું લાગે છે, [QE][QS]પણ ભૂખ્યાને દરેક કડવી વસ્તુ પણ મીઠી લાગે છે. [QE]
8. [QS]પોતાનું ઘર છોડીને ભટકતી વ્યક્તિ [QE][QS]જેણે પોતાનો માળો છોડી દીધો હોય તેવા પક્ષી જેવી છે. [QE]
9. [QS]જેમ સુગંધીથી અને અત્તરથી મન પ્રસન્ન થાય છે, [QE][QS]તેમ અંત:કરણથી સલાહ આપનાર મિત્રની મીઠાશથી પણ થાય છે. [QE]
10. [QS]તારા પોતાના મિત્રને તથા તારા પિતાના મિત્રને તજીશ નહિ; [QE][QS]વિપત્તિને સમયે તારા ભાઈના ઘરે ન જા. [QE][QS]દૂર રહેતા ભાઈ કરતાં નજીકનો પડોશી સારો છે. [QE]
11. [QS]મારા દીકરા, જ્ઞાની થા અને મારા હૃદયને આનંદથી ભરી દે, [QE][QS]જેથી મને મહેણાં મારનારને હું જવાબ આપી શકું. [QE]
12. [QS]શાણો માણસ આફતને આવતી જોઈને તેને ટાળે છે, [QE][QS]પણ અવિચારી માણસ આગળ વધતો રહે છે અને તેને લીધે સહન કરે છે. [QE]
13. [QS]અજાણ્યા માટે જામીનગીરી આપનારનું વસ્ત્ર લઈ લે [QE][QS]અને જો તે દુરાચારી સ્ત્રીનો જામીન થાય; [QE][QS]તો તેને જવાબદારીમાં રાખ. [QE]
14. [QS]જે કોઈ પરોઢિયે ઊઠીને પોતાના મિત્રને મોટે સાદે આશીર્વાદ આપે છે, [QE][QS]તે તેને શાપ સમાન લાગશે. [QE]
15. [QS]ચોમાસામાં વરસાદનું સતત વરસવું તથા [QE][QS]કજિયાળી સ્ત્રી એ બંને સરખાં છે. [QE]
16. [QS]જે તેને રોકી શકે તે પવનને રોકી શકે, [QE][QS]અથવા પોતાના જમણા હાથમાં લગાડેલા તેલની સુગંધ પણ પકડી શકે. [QE]
17. [QS]લોઢું લોઢાને ધારદાર બનાવે છે; [QE][QS]તેમ એક મિત્ર બીજા મિત્રને તેજ બનાવે છે. [QE]
18. [QS]જે કોઈ અંજીરી સાચવે છે તે અંજીર ખાશે [QE][QS]અને જે પોતાના માલિકની કાળજી રાખે છે તે માન પામે છે. [QE]
19. [QS]જેમ માણસના ચહેરાની પ્રતિમા પાણીમાં પડે છે, [QE][QS]તેવી જ રીતે એક માણસના હૃદયનું પ્રતિબિંબ બીજા માણસ પર પડે છે. [QE]
20. [QS]જેમ શેઓલ અને વિનાશ કદી તૃપ્ત થતાં નથી; [QE][QS]તે જ રીતે માણસની આંખો કદી તૃપ્ત થતી નથી. [QE]
21. [QS]ચાંદી ગાળવા સારુ કુલડી અને સોનાને માટે ભઠ્ઠી હોય છે; [QE][QS]તેમ માણસની પરીક્ષા તેની પ્રશંસા ઉપરથી થાય છે. [QE]
22. [QS]જો તું મૂર્ખને ખાંડણિયામાં નાખીને ખંડાતા દાણા સાથે સાંબેલાથી ખાંડે, [QE][QS]તોપણ તેની મૂર્ખાઈ તેનાથી જુદી પડવાની નથી. [QE]
23. [QS]તારાં ઘેટાંબકરાંની પરિસ્થિતિ જાણવાની કાળજી રાખ [QE][QS]અને તારાં જાનવરની યોગ્ય દેખરેખ રાખ. [QE]
24. [QS]કેમ કે દ્રવ્ય સદા ટકતું નથી. [QE][QS]શું મુગટ વંશપરંપરા ટકે છે? [QE]
25. [QS]સૂકું ઘાસ લઈ જવામાં આવે છે કે તરત ત્યાં કુમળું ઘાસ ઊગી નીકળે છે [QE][QS]અને પર્વત પરની વનસ્પતિનો સંગ્રહ કરવામાં આવે છે. [QE]
26. [QS]ઘેટાં તારા વસ્ત્રોને અર્થે હોય છે [QE][QS]અને બકરાં તારા ખેતરનું મૂલ્ય છે. [QE]
27. [QS]વળી બકરીઓનું દૂધ તારે માટે, તારા કુટુંબને માટે [QE][QS]અને તારી દાસીઓના ગુજરાન માટે પૂરતું થશે. [QE]