1. [QS]સારું નામ એ પુષ્કળ ધન કરતાં [QE][QS]અને પ્રેમયુક્ત રહેમનજર સોનારૂપા કરતાં ઇચ્છવાજોગ છે. [QE]
2. [QS]દરિદ્રી અને દ્રવ્યવાન એક બાબતમાં સરખા છે [QE][QS]કે યહોવાહે તે બન્નેના ઉત્પન્નકર્તા છે. [QE]
3. [QS]ડાહ્યો માણસ આફતને આવતી જોઈને સંતાઈ જાય છે, [QE][QS]પણ મૂર્ખ માણસ આગળ ચાલ્યો જાય છે અને દંડાય છે. [QE]
4. [QS]વિનમ્રતા તથા ધન, સન્માન તથા જીવન [QE][QS]એ યહોવાહના ભયનાં ફળ છે. [QE]
5. [QS]આડા માણસના માર્ગમાં કાંટા અને ફાંદા છે; [QE][QS]જે માણસને જીવન વહાલું છે તે તેનાથી દૂર રહે છે. [QE]
6. [QS]બાળકે જે માર્ગમાં ચાલવું જોઈએ તેમાં ચાલવાનું તેને શિક્ષણ આપ [QE][QS]અને જ્યારે તે વૃદ્ધ થાય ત્યારે તેમાંથી તે ખસે નહિ. [QE]
7. [QS]ધનવાન ગરીબ ઉપર સત્તા ચલાવે છે [QE][QS]અને દેણદાર લેણદારનો ગુલામ છે. [QE]
8. [QS]જે અન્યાય વાવશે તે વિપત્તિ લણશે [QE][QS]અને તેના ક્રોધની સોટી વ્યર્થ જશે. [QE]
9. [QS]ઉદાર દૃષ્ટિના માણસ પર આશીર્વાદ ઊતરશે [QE][QS]કારણ કે તે પોતાના અન્નમાંથી દરિદ્રીને આપે છે. [QE]
10. [QS]ઘમંડી વ્યક્તિને દૂર કર એટલે ઝઘડો પણ સમી જશે [QE][QS]અને મારામારી તથા અપમાનનો અંત આવશે. [QE]
11. [QS]જે હૃદયની શુદ્ધતા ચાહે છે [QE][QS]તેના બોલવાના પ્રભાવને લીધે [QE][QS]રાજા તેનો મિત્ર થશે. [QE]
12. [QS]યહોવાહની દૃષ્ટિ જ્ઞાનીની સંભાળ રાખે છે, [QE][QS]પણ કપટી માણસના શબ્દોને તે ઉથલાવી નાખે છે. [QE]
13. [QS]આળસુ કહે છે, “બહાર તો સિંહ છે! [QE][QS]હું રસ્તામાં માર્યો જઈશ.” [QE]
14. [QS]પરસ્ત્રીનું મુખ ઊંડી ખાઈ જેવું છે; [QE][QS]જે કોઈ તેમાં પડે છે તેના ઉપર યહોવાહનો કોપ ઊતરે છે. [QE]
15. [QS]મૂર્ખાઈ બાળકના હૃદયની સાથે જોડાયેલી છે, [QE][QS]પણ શિક્ષાની સોટી તેનામાંથી તેની મૂર્ખાઈને દૂર કરશે. [QE]
16. [QS]પોતાની માલમિલકત વધારવાને માટે જે ગરીબને ત્રાસ આપે છે [QE][QS]અથવા જે ધનવાનને બક્ષિશ આપે છે તે પોતે કંગાલાવસ્થામાં આવશે. [QE]
17. [QS]જ્ઞાની માણસોના શબ્દો ધ્યાનથી સાંભળ [QE][QS]અને મારા ડહાપણ પર તારું અંતઃકરણ લગાડ. [QE]
18. [QS]કેમ કે જો તું તેઓને તારા અંતરમાં રાખે [QE][QS]અને જો તેઓ બન્ને તારા હોઠો પર સ્થિર થાય તો તે સુખકારક છે. [QE]
19. [QS]તારો ભરોસો યહોવાહ પર રહે, [QE][QS]માટે આજે મેં તને, હા, તને તે જણાવ્યાં છે. [QE]
20. [QS]મેં તારા માટે સુબોધ અને ડહાપણની [QE][QS]ત્રીસ કહેવતો એટલા માટે લખી રાખી છે કે, [QE]
21. [QS]સત્યનાં વચનો તું ચોક્કસ જાણે [QE][QS]જેથી તને મોકલનાર છે તેની પાસે જઈને સત્ય વચનોથી તું તેને ઉત્તર આપે? [QE]
22. [QS]ગરીબને લૂંટીશ નહિ, કારણ કે તે ગરીબ છે, [QE][QS]તેમ જ રસ્તાઓમાં પડી રહેલા ગરીબો પર પણ જુલમ ન કર, [QE]
23. [QS]કારણ કે યહોવાહ તેમનો પક્ષ કરીને લડશે [QE][QS]અને જેઓ તેઓનું છીનવી લે છે તેઓના જીવ તે છીનવી લેશે. [QE]
24. [QS]ક્રોધી માણસ સાથે મિત્રતા ન કર [QE][QS]અને તામસી માણસની સોબત ન કર. [QE]
25. [QS]જેથી તું તેના માર્ગો શીખે [QE][QS]અને તારા આત્માને ફાંદામાં લાવી નાખે. [QE]
26. [QS]વચન આપનારાઓમાંનો જામીન [QE][QS]અને દેવાને માટે જામીન આપનાર એ બેમાંથી તું એકે પણ થઈશ નહિ. [QE]
27. [QS]જો તારી પાસે દેવું ચૂકવવા માટે કંઈ ન હોય [QE][QS]તો તારી નીચેથી તે તારું બિછાનું શા માટે ન લઈ જાય? [QE]
28. [QS]તારા પિતૃઓએ જે અસલના સીમા પથ્થર નક્કી કર્યા છે [QE][QS]તેને ન ખસેડ. [QE]
29. [QS]પોતાના કામમાં ઉદ્યોગી હોય એવા માણસને શું તું જુએ છે? તે રાજાઓની હજૂરમાં ઊભો રહે છે; [QE][QS]તે સામાન્ય લોકોની આગળ ઊભો રહેતો નથી. [QE]