1. [QS]પાણીના પ્રવાહ જેવું રાજાનું મન યહોવાહના હાથમાં છે; [QE][QS]તે જ્યાં ચાહે છે ત્યાં તેને દોરે છે. [QE]
2. [QS]માણસનો દરેક માર્ગ તેની પોતાની નજરમાં તો સીધો દેખાય છે, [QE][QS]પણ યહોવાહ તેના હૃદયની તુલના કરે છે. [QE]
3. [QS]ન્યાય તથા નેકીનાં કૃત્યો કરવાં [QE][QS]તે યહોવાહને યજ્ઞ કરતાં પણ વધારે પસંદ છે. [QE]
4. [QS]અભિમાની આંખો તથા ગર્વિષ્ઠ હૃદય [QE][QS]તે દુષ્ટોને દીવારૂપ છે, પણ તે પાપ છે. [QE]
5. [QS]ઉદ્યોગીના વિચારોનું પુષ્કળ ફળ મળે છે, [QE][QS]પણ દરેક ઉતાવળિયો ફક્ત નિર્ધન બને છે. [QE]
6. [QS]જૂઠી જીભથી ઘન સંપાદન કરવું તે આમતેમ ઘસડાઈ જતા ધુમાડા જેવું છે, [QE][QS]એવું કરનાર મોત માગે છે. [QE]
7. [QS]દુષ્ટ લોકોનો અત્યાચાર તેઓને પોતાને જ ઘસડી જાય છે, [QE][QS]કારણ કે, તેઓ ન્યાય કરવાની ના પાડે છે. [QE]
8. [QS]અપરાધીનો માર્ગ વાંકોચૂંકો છે, [QE][QS]પણ સંતોનાં કાર્યો સીધા હોય છે. [QE]
9. [QS]કજિયાખોર સ્ત્રીની સાથે વિશાળ ઘરમાં રહેવા કરતાં [QE][QS]અગાશીના એક ખૂણામાં રહેવું વધારે સારું છે. [QE]
10. [QS]દુષ્ટ વ્યક્તિ ખોટું ઇચ્છે છે; [QE][QS]તેની નજરમાં તેનો પડોશી પણ કૃપાપાત્ર દેખાતો નથી. [QE]
11. [QS]જ્યારે ઘમંડી વ્યક્તિને શિક્ષા થાય છે, ત્યારે ભોળો સાવચેત બને છે; [QE][QS]અને જ્યારે ડાહ્યાને શિક્ષણ મળે છે, ત્યારે તે વિદ્વાન થાય છે. [QE]
12. [QS]ન્યાયી લોકો દુષ્ટના ઘર ઉપર નજર રાખે છે, [QE][QS]પણ ઈશ્વર દુષ્ટોને ઊથલાવી પાડીને પાયમાલ કરે છે. [QE]
13. [QS]જે કોઈ ગરીબની બૂમ સાંભળીને પોતાના કાન બંધ કરે છે, [QE][QS]તેઓ જ્યારે પોતે પોકારશે, ત્યારે તેઓનું સાંભળવામાં આવશે નહિ. [QE]
14. [QS]છૂપી રીતે આપેલ ભેટથી ક્રોધ શમી જાય છે, [QE][QS]છુપાવેલી લાંચથી ભારે રોષ શમી જાય છે. [QE]
15. [QS]નેકીવાનો ન્યાય કરવામાં આનંદ માને છે, [QE][QS]પણ દુષ્કર્મીઓને તો તે વિનાશરૂપ છે. [QE]
16. [QS]સમજણનો માર્ગ છોડીને ચાલનાર માણસ [QE][QS]મરણ પામેલાઓની સભામાં આવી પડશે. [QE]
17. [QS]મોજશોખ ઉડાવનાર માણસ દરિદ્રી થશે; [QE][QS]દ્રાક્ષારસ અને તેલનો રસિયો ધનવાન થશે નહિ. [QE]
18. [QS]નેકીવાનોનો બદલો દુષ્ટ લોકોને [QE][QS]અને પ્રામાણિકોનો બદલો કપટીને ભરવો પડશે. [QE]
19. [QS]કજિયાખોર અને ગુસ્સાવાળી સ્ત્રીની સાથે રહેવા કરતાં [QE][QS]ઉજ્જડ પ્રદેશમાં જઈ રહેવું સારું છે. [QE]
20. [QS]જ્ઞાનીના ઘરમાં મૂલ્યવાન ભંડાર તથા તેલ છે, [QE][QS]પણ મૂર્ખ તેનો દૂર ઉપયોગ કરે છે. [QE]
21. [QS]જે નેકી તથા દયાનું અનુકરણ કરે છે, [QE][QS]તેને જીવન, નેકી તથા સન્માન મળે છે. [QE]
22. [QS]જ્ઞાની માણસ સમર્થ નગરના કોટ પર ચઢે છે [QE][QS]અને જે સામર્થ્ય પર તેનો ભરોસો હતો તેને તે તોડી પાડે છે. [QE]
23. [QS]જે કોઈ પોતાના મુખની તથા જીભની સંભાળ રાખે છે [QE][QS]તે સંકટમાં પોતાના આત્માનું રક્ષણ કરે છે. [QE]
24. [QS]જે માણસ ઘમંડી છે; તેનું નામ “તિરસ્કાર” કરનાર છે, [QE][QS]તે અભિમાનથી મદોન્મત્તપણે વર્તે છે. [QE]
25. [QS]આળસુની ભૂખ જ તેને મારી નાખે છે, [QE][QS]કારણ કે તેના હાથ કામ કરવાની ના પાડે છે. [QE]
26. [QS]એવા માણસો હોય છે કે જેઓ આખો દિવસ લોભ જ કર્યા કરે છે, [QE][QS]પણ નેક માણસ તો આપે છે અને હાથ પાછો ખેંચી રાખતો નથી. [QE]
27. [QS]દુષ્ટનો યજ્ઞ કંટાળારૂપ છે, [QE][QS]તે બદઇરાદાથી યજ્ઞ કરે, તો તે કેટલો બધો કંટાળારૂપ થાય. [QE]
28. [QS]જૂઠી સાક્ષી પૂરનાર નાશ પામશે, [QE][QS]પરંતુ જે માણસ ધ્યાનથી સાંભળે છે તેની જીત થશે. [QE]
29. [QS]દુષ્ટ માણસ પોતાની મુખમુદ્રા કઠોર કરે છે, [QE][QS]પણ પ્રામાણિક તો પોતાના માર્ગનો વિચાર કરીને વર્તે છે. [QE]
30. [QS]કોઈ પણ ડહાપણ, બુદ્ધિ કે મસલત [QE][QS]યહોવાહની આગળ ચાલી શકે નહિ. [QE]
31. [QS]યુદ્ધના દિવસ માટે ઘોડો તૈયાર કરવામાં આવે છે, [QE][QS]પણ વિજય તો યહોવાહ દ્વારા જ મળે છે. [QE]