1. દ્રાક્ષારસ હાંસી ઊડાવનાર છે અને દારૂ દંગો મચાવે છે; [QBR] જે કોઈ પીવાની ભૂલ કરે છે તે જ્ઞાની નથી. [QBR]
2. રાજાની ધમકી સિંહની ગર્જના જેવી છે; [QBR] તેને કોપાવનાર પોતાના જ જીવની વિરુદ્ધ અપરાધ કરે છે. [QBR]
3. ઝઘડાથી દૂર રહેવું એ માણસને માટે શોભાસ્પદ છે, [QBR] પણ દરેક મૂર્ખ ઝઘડો કરવા માટે ઊતાવળો હોય છે. [QBR]
4. આળસુ માણસ શિયાળાનું બહાનું કાઢીને ખેડતો નથી, [QBR] તેથી કાપણી વખતે પાક લેવા જાય છે, ત્યારે તેને કશું મળતું નથી. [QBR]
5. અક્કલ માણસના મનમાં ઊંડા પાણી જેવી છે; [QBR] પણ સમજણો માણસ તેને બહાર કાઢી લાવશે. [QBR]
6. ઘણા લોકો પોતપોતાનો કરેલો ઉપકાર કહી બતાવશે, [QBR] પણ જેના પર વિશ્વાસ રાખી શકાય એવો માણસ ક્યાં મળે? [QBR]
7. ન્યાયી માણસ પોતાના પ્રામાણિક માર્ગમાં ચાલે છે [QBR] અને તેના પછી તેને અનુસરનારા તેનાં બાળકો આશીર્વાદિત છે. [QBR]
8. ન્યાયાસન પર બિરાજેલો રાજા પોતાનું કામ જાહેર કરે છે [QBR] પોતાની આંખથી બધી દુષ્ટતાને વિખેરી નાખે છે. [QBR]
9. કોણ કહી શકે કે, “મેં મારું અંત:કરણ શુદ્ધ કર્યું છે, [QBR] હું પાપથી મુક્ત થયો છું?” [QBR]
10. જેઓ જુદાં જુદાં વજનિયાં અને માપિયાં રાખે છે- [QBR] યહોવાહ તે બન્નેને ધિક્કારે છે. [QBR]
11. વળી છોકરાં પણ પોતાનાં આચરણથી ઓળખાય છે કે, [QBR] તેઓનાં કાર્યો શુદ્ધ અને સાચાં છે કે કેમ? [QBR]
12. કાન કે જે સાંભળે છે અને આંખ કે જે જોઈ શકે છે [QBR] તે બન્નેને યહોવાહે બનાવ્યાં છે. [QBR]
13. ઊંઘ સાથે પ્રીત કરીશ નહિ, રખેને તું દરિદ્રાવસ્થામાં આવી પડે; [QBR] તારી આંખો ઉઘાડ એટલે તું અન્નથી તૃપ્ત થશે. [QBR]
14. “આ તો નકામું છે! નકામું છે!” એવું ખરીદનાર કહે છે, [QBR] પણ તે ત્યાંથી ગયા પછી બડાઈ મારે છે. [QBR]
15. પુષ્કળ સોનું પુષ્કળ માણેકમોતી [QBR] કરતાં જ્ઞાની હોવું વધારે કિંમતી જેવું છે. [QBR]
16. અજાણ્યાના જામીન થનારનાં વસ્ત્રો લઈ લે, [QBR] પારકાનો જામીન થનારને જવાબદાર ગણ. [QBR]
17. અસત્યની રોટલી માણસને મીઠી લાગે છે [QBR] પણ પાછળથી તેનું મોં કાંકરાથી ભરાઈ જાય છે. [QBR]
18. દરેક યોજના સલાહથી પરિપૂર્ણ થયેલી છે [QBR] માટે ચતુરની સૂચના પ્રમાણે તારે યુદ્ધ કરવું. [QBR]
19. જે કૂથલી કરવા માટે અહીંતહીં ભટકે છે [QBR] તે ગુપ્ત વાતો પ્રગટ કરે છે માટે એવા માણસના કામમાં હાથ નાખતો નહિ. [QBR]
20. જો કોઈ વ્યક્તિ પોતાનાં માતા કે પિતાને શાપ આપે છે, [QBR] તો તેનો દીવો ઘોર અંધકારમાં હોલવી નાખવામાં આવશે. [QBR]
21. જે વારસો જલદીથી સંપાદન કરવામાં આવે છે [QBR] તેનો અંત આશીર્વાદિત થશે નહિ. [QBR]
22. “હું દુષ્ટતાનો બદલો લઈશ!” એવું તારે ન કહેવું જોઈએ; [QBR] યહોવાહની રાહ જો અને તે તને ઉગારી લેશે. [QBR]
23. જુદાં જુદાં વજનિયાંને યહોવાહ ધિક્કારે છે [QBR] અને ખોટું ત્રાજવું રાખવું એ સારું નથી. [QBR]
24. યહોવાહ માણસના પગલાંને દોરે છે, [QBR] તો પછી માણસ કેવી રીતે પોતાનો માર્ગ સમજી શકે? [QBR]
25. વગર વિચારે એમ કહી દેવું કે, “આ વસ્તુઓ પવિત્ર છે,” [QBR] અને માનતા માન્યા પછી તેના વિષે તપાસ કરવી એ માણસને ફાંદારૂપ છે. [QBR]
26. જ્ઞાની રાજા દુષ્ટોને વિખેરી નાખે છે [QBR] અને તેઓને કચડી નાખે છે. [QBR]
27. માણસનો આત્મા યહોવાહનો દીવો છે, [QBR] તે હૃદયના અંતરના ભાગોને તપાસે છે. [QBR]
28. કૃપા અને સત્ય રાજાનું રક્ષણ કરે છે, [QBR] તેનું રાજ્યાસન વફાદારી પર ટકેલું છે. [QBR]
29. યુવાનોનું ગૌરવ તેઓનું બળ છે [QBR] અને વૃદ્ધ પુરુષોની શોભા માથાનાં પાળિયાં છે. [QBR]
30. ચાબખા અને ઘા દુષ્ટતાને ભૂંસી નાખે છે [QBR] અને ફટકા હૃદયના અંતરના ઊંડાણ સુધી પહોંચે છે. [PE]