1. [QS]મારા દીકરા, જો તું મારાં વચનોનો સ્વીકાર કરશે [QE][QS]અને મારી આજ્ઞાઓને તારી પાસે સંઘરી રાખીને, [QE]
2. [QS]ડહાપણની વાત સાંભળશે [QE][QS]અને બુદ્ધિમાં તારું મન કેન્દ્રિત કરશે; [QE]
3. [QS]જો તું વિવેકબુદ્ધિને માટે પોકાર કરશે [QE][QS]અને સમજણ મેળવવાને માટે ખંત રાખશે; [QE]
4. [QS]જો તું ચાંદીની જેમ તેની શોધ કરશે [QE][QS]અને સંતાડેલા ખજાનાની જેમ તેને શોધશે; [QE]
5. [QS]તો તને યહોવાહના ભયની સમજણ પડશે [QE][QS]અને તને ઈશ્વરનું ડહાપણ પ્રાપ્ત થશે. [QE]
6. [QS]કેમ કે યહોવાહ ડહાપણ આપે છે, [QE][QS]તેમના મુખમાંથી ડહાપણ અને સમજણ વ્યક્ત થાય છે. [QE]
7. [QS]તે સત્યજનોને માટે ખરું ડહાપણ સંગ્રહ કરી રાખે છે, [QE][QS]પ્રામાણિકપણાથી વર્તનારને તે ઢાલરૂપ છે. [QE]
8. [QS]તે ન્યાયના માર્ગની રક્ષા કરે છે [QE][QS]અને પોતાના વિશ્વાસુ લોકોની કાળજી લે છે. [QE]
9. [QS]ત્યારે તું નેકી, ન્યાય તથા ઇનસાફને, [QE][QS]હા, દરેક સત્યમાર્ગને સમજશે. [QE]
10. [QS]તારા હૃદયમાં ડહાપણ પ્રવેશ કરશે [QE][QS]અને સમજ તારા આત્માને આનંદકારક લાગશે. [QE]
11. [QS]વિવેકબુદ્ધિ તારું ધ્યાન રાખશે, [QE][QS]બુદ્ધિ તારું રક્ષણ કરશે. [QE]
12. [QS]તેઓ તને દુષ્ટ માણસોના માર્ગમાંથી, [QE][QS]ખોટું બોલનાર માણસો કે, [QE]
13. [QS]જેઓ સદાચારના માર્ગ તજીને [QE][QS]અંધકારનાં માર્ગોમાં ચાલે છે. [QE]
14. [QS]જ્યારે તેઓ દુષ્ટતા કરે છે ત્યારે તેઓ તે કરવામાં આનંદ માણે છે [QE][QS]અને દુષ્ટ માણસોનાં વિપરીત આચરણોથી હરખાય છે. [QE]
15. [QS]તેઓ આડા માર્ગોને અનુસરે છે [QE][QS]અને જેમના રસ્તા અવળા છે, તેમનાથી તેઓ તને ઉગારશે. [QE]
16. [QS]વળી ડહાપણ તથા વિવેકબુદ્ધિ તને અનૈતિક સ્ત્રીથી, [QE][QS]એટલે પોતાના શબ્દોથી મોહ પમાડનાર પરસ્ત્રીથી બચાવશે. [QE]
17. [QS]તે પોતાના જુવાનીનાં સાથીને તજી દે છે [QE][QS]અને ઈશ્વરની આગળ કરેલો પોતાનો કરાર ભૂલી જાય છે. [QE]
18. [QS]કેમ કે તેનું ઘર મૃત્યુની ખીણ તરફ [QE][QS]અને તેનો માર્ગ મૃત્યુ તરફ જાય છે. [QE]
19. [QS]તેની પાસે જનારાઓમાંથી કોઈ પાછો ફરતો નથી [QE][QS]અને તેઓ જીવનનો માર્ગ સંપાદન કરી શકતા નથી. [QE]
20. [QS]તેથી તું સજ્જનોના માર્ગમાં ચાલશે [QE][QS]અને નેક લોકોનો રસ્તો પકડી રાખશે. [QE]
21. [QS]કેમ કે પ્રામાણિક માણસો જ દેશમાં ઘર બાંધશે [QE][QS]અને પ્રામાણિક માણસો તેમાં વિદ્યમાન રહેશે. [QE]
22. [QS]પણ દુર્જનો દેશમાંથી નાબૂદ થશે [QE][QS]અને અવિશ્વાસુઓને તેમાંથી ઉખેડી નાખવામાં આવશે. [QE]