1. [QS]જુદો પડેલો માણસ ફક્ત પોતાની ઇચ્છાઓ વિશે જ વિચારે છે [QE][QS]અને બધી સારી સલાહોને ગુસ્સાથી નકારે છે. [QE]
2. [QS]મૂર્ખને બુદ્ધિમાં રસ નથી હોતો, [QE][QS]પણ તેને ફક્ત પોતાનાં મંતવ્યોને જ રજૂ કરવાં હોય છે. [QE]
3. [QS]જ્યારે દુષ્ટ આવે છે ત્યારે સાથે તુચ્છકાર પણ લેતો આવે છે, [QE][QS]અપકીર્તિ સાથે શરમ અને નિંદા પણ આવે છે. [QE]
4. [QS]માણસના મુખના શબ્દો ઊંડા પાણી જેવા છે; [QE][QS]ડહાપણનો ઝરો વહેતી નદી જેવો છે. [QE]
5. [QS]દુષ્ટની શેહશરમ રાખવી [QE][QS]અથવા ઇનસાફમાં નેક માણસનો અન્યાય કરવો એ સારું નથી. [QE]
6. [QS]મૂર્ખના હોઠ કજિયા કરાવે છે [QE][QS]અને તેનું મુખ ફટકા માગે છે. [QE]
7. [QS]મૂર્ખનું મોં એ તેનો વિનાશ છે [QE][QS]અને તેના હોઠ એ તેના પોતાના આત્માનો ફાંદો છે. [QE]
8. [QS]કૂથલીના શબ્દો સ્વાદિષ્ટ ભોજનના કોળિયા જેવા હોય છે [QE][QS]અને તે તરત ગળે ઊતરી જઈને શરીરના અંદરના ભાગમાં પહોંચી જાય છે. [QE]
9. [QS]વળી જે પોતાનાં કામ કરવામાં ઢીલો છે [QE][QS]તે ઉડાઉનો ભાઈ છે. [QE]
10. [QS]યહોવાહનું નામ મજબૂત કિલ્લો છે; [QE][QS]નેકીવાન તેમાં નાસી જઈને સુરક્ષિત રહે છે. [QE]
11. [QS]ધનવાન માણસનું ધન એ તેનું કિલ્લેબંધીવાળું શહેર છે [QE][QS]અને તેની પોતાની માન્યતા પ્રમાણે તે ઊંચા કોટ જેવું છે. [QE]
12. [QS]માણસનું હૃદય અભિમાની થયા પછી નાશ આવે છે, [QE][QS]પણ વિનમ્રતા સન્માનની અગાઉ આવે છે. [QE]
13. [QS]સાંભળ્યા પહેલાં જવાબ આપવામાં [QE][QS]મૂર્ખાઈ તથા લજ્જા છે. [QE]
14. [QS]હિંમતવાન માણસ પોતાનું દુ:ખ સહન કરી શકશે, [QE][QS]પણ ઘાયલ મન કોણ વેઠી શકે? [QE]
15. [QS]બુદ્ધિશાળી વ્યક્તિ ડહાપણ પ્રાપ્ત કરવા મથે છે [QE][QS]અને જ્ઞાની વ્યક્તિના કાન ડહાપણ શોધે છે. [QE]
16. [QS]વ્યક્તિની ભેટ તેને માટે માર્ગ ખુલ્લો કરે છે [QE][QS]અને તેને મહત્વની વ્યક્તિની સમક્ષ લઈ જાય છે. [QE]
17. [QS]જે પોતાનો દાવો પ્રથમ માંડે છે તે વાજબી દેખાય છે [QE][QS]પણ તેનો પ્રતિવાદી આવીને તેને ઉઘાડો પાડે છે. [QE]
18. [QS]ચિઠ્ઠી નાખવાથી તકરાર સમી જાય છે [QE][QS]અને સમર્થોના ભાગ વહેંચવામાં આવે છે. [QE]
19. [QS]દુભાયેલા ભાઈ સાથે સલાહ કરવી તે કિલ્લાવાળા નગરને જીતવા કરતાં મુશ્કેલ છે [QE][QS]અને એવા કજિયા કિલ્લાની ભૂંગળો જેવા છે. [QE]
20. [QS]માણસ પોતાના મુખના ફળથી પેટ ભરીને ખાશે, [QE][QS]તેના હોઠોની ઊપજથી તે ધરાશે. [QE]
21. [QS]મરણ તથા જીવન જીભના અધિકારમાં છે [QE][QS]અને જે તેને પ્રેમ કરશે તે તેવું ફળ ખાશે. [QE]
22. [QS]જેને પત્ની મળે તે તેને માટે સારી બાબત છે [QE][QS]અને તેથી તેને યહોવાહની કૃપા પ્રાપ્ત થાય છે. [QE]
23. [QS]ગરીબ દયાને માટે કાલાવાલા કરે છે, [QE][QS]પણ દ્વવ્યવાન ઉદ્ધતાઈથી જવાબ આપે છે. [QE]
24. [QS]જે ઘણા મિત્રો કરે છે તે પોતાનું નુકસાન વહોરે છે, [QE][QS]પણ એક એવો મિત્ર છે કે જે ભાઈના કરતાં નિકટનો સંબંધ રાખી રહે છે. [QE]