1. [QS]જે ઘર મિજબાનીથી ભરપૂર હોય પણ કજિયાકંકાસવાળું [QE][QS]હોય તેના કરતાં શાંતિ સહિત રોટલીનો સૂકો ટુકડો સારો છે. [QE]
2. [QS]ડહાપણથી વર્તનાર ચાકર બદનામી કરાવનાર દીકરા પર અધિકાર ચલાવશે [QE][QS]અને એ ચાકરને દીકરાના ભાઈઓમાં વારસનો ભાગ મળશે. [QE]
3. [QS]ચાંદીને ગાળવા માટે કુલડી હોય છે અને સોનાને માટે ભઠ્ઠી હોય છે. [QE][QS]પણ અંત:કરણને પારખનાર યહોવાહ છે. [QE]
4. [QS]જે કોઈ વ્યક્તિ અનિષ્ટ વાત સાંભળે છે તે દુષ્ટ છે; [QE][QS]જે જૂઠો છે તે નુકસાનકારક જીભ તરફ ધ્યાન આપે છે. [QE]
5. [QS]જે ગરીબની મશ્કરી કરે છે તે તેના સર્જનહારની નિંદા કરે છે [QE][QS]અને જે કોઈ બીજાની વિપત્તિને જોઈને રાજી થાય છે તે શિક્ષા પામ્યા વગર રહેશે નહિ. [QE]
6. [QS]સંતાનોનાં સંતાનો વૃદ્ધ પુરુષનો મુગટ છે [QE][QS]અને સંતાનોનો મહિમા તેઓનાં માતાપિતા છે. [QE]
7. [QS]ભાવપૂર્ણ ભાષણ મૂર્ખને ઘટતું નથી; [QE][QS]મહાપુરુષોને માટે જૂઠું બોલવું એ અઘટિત છે. [QE]
8. [QS]જેને બક્ષિસ મળે છે તે તેની નજરમાં મૂલ્યવાન પથ્થર જેવી છે; [QE][QS]જ્યાં જ્યાં તે જાય છે, ત્યાં ત્યાં તે ઉદય પામે છે. [QE]
9. [QS]દોષને ઢાંકનાર પ્રેમ શોધે છે, [QE][QS]પણ તેને જ વારંવાર બોલ્યા કરનાર ઇષ્ટ મિત્રોમાં અંતર પાડે છે. [QE]
10. [QS]મૂર્ખને સો ફટકાના કરતાં બુદ્ધિમાનને [QE][QS]એક ઠપકાનો ઘા વધારે ઊંડી અસર કરે છે. [QE]
11. [QS]દુર્જન હંમેશા આફતો શોધ્યા કરે છે. [QE][QS]તે માટે તેની સામે ક્રૂર સંદેશાવાહક મોકલવામાં આવશે. [QE]
12. [QS]જેનાં બચ્ચાં છીનવી લીધાં હોય એવી રીંછણ કોઈને મળજો; [QE][QS]પણ મૂર્ખાઈ કરતો મૂર્ખ કોઈને ન મળો. [QE]
13. [QS]જો કોઈ ભલાઈનો બદલો બૂરાઈથી વાળે છે, [QE][QS]તો તેના ઘરમાંથી બૂરાઈ દૂર થશે નહિ. [QE]
14. [QS]કોઈ પાણીને બહાર આવવાનું બાકું કરી આપે, તે માફક જ ઝઘડાનો આરંભ છે, [QE][QS]માટે ઝઘડો થયા અગાઉ સમાધાન કરી લો. [QE]
15. [QS]જે કોઈ દુષ્ટને નિર્દોષ ઠરાવે છે અને જે કોઈ નેકીવાનને દોષપાત્ર ઠરાવે છે [QE][QS]તે બન્નેને યહોવાહ ધિક્કારે છે. [QE]
16. [QS]જ્યારે મૂર્ખને બુદ્ધિ હોતી નથી [QE][QS]ત્યારે ડહાપણ ખરીદવા તેના હાથમાં મૂલ્ય ક્યાંથી હોય? [QE]
17. [QS]મિત્ર સર્વ સમયે પ્રીતિ રાખે છે [QE][QS]અને ભાઈ સંકટના સમયને માટે જ જન્મ્યો છે. [QE]
18. [QS]અક્કલ વગરનો માણસ જ [QE][QS]પોતાના પડોશીનો જામીન થાય છે. [QE]
19. [QS]કજિયો ચાહનાર પાપ કરે છે; [QE][QS]જે પોતાનો દરવાજો વિશાળ બનાવે છે, તે વિનાશ શોધે છે. [QE]
20. [QS]કુટિલ હૃદયના માણસનું કદી હિત થતું નથી; [QE][QS]આડી જીભવાળો માણસ વિપત્તિમાં આવી પડે છે. [QE]
21. [QS]મૂર્ખને પેદા કરનાર દુ:ખી થાય છે; [QE][QS]મૂર્ખના પિતાને કદી આનંદ થતો નથી. [QE]
22. [QS]આનંદી હૃદય એ ઉત્તમ ઔષધ છે, [QE][QS]પણ ઘાયલ થયેલું મન હાડકાંને સૂકવી નાખે છે. [QE]
23. [QS]દુષ્ટ માણસ છાની રીતે લાંચ લઈને [QE][QS]ઇનસાફના માર્ગ ઊંધા વાળે છે. [QE]
24. [QS]બુદ્ધિમાન વ્યક્તિની આંખ ડહાપણ પર જ હોય છે, [QE][QS]પણ મૂર્ખની આંખો પૃથ્વીના છેડા પર ચોંટેલી હોય છે. [QE]
25. [QS]મૂર્ખ પુત્ર પિતાને માટે વ્યથારૂપ [QE][QS]અને પોતાની માતાને માટે કડવાશરૂપ છે. [QE]
26. [QS]વળી નિર્દોષને દંડ કરવો તથા [QE][QS]પ્રામાણિકપણાને લીધે સજ્જનોને મારવા એ યોગ્ય નથી. [QE]
27. [QS]થોડાબોલો માણસ શાણો છે, [QE][QS]ઠંડા મિજાજનો માણસ બુદ્ધિમાન હોય છે. [QE]
28. [QS]મૂર્ખ ચૂપ રહે ત્યાં સુધી તે ડાહ્યો ગણાય છે, [QE][QS]જ્યાં સુધી તે બોલે નહિ, ત્યાં સુધી તે શાણો લેખાય છે. [QE]