1. [QS]માણસો મનમાં સંકલ્પ કરે છે, [QE][QS]પણ જીભથી ઉત્તર આપવો તે યહોવાહના હાથમાં છે. [QE]
2. [QS]માણસના સર્વ માર્ગો તેની પોતાની નજરમાં તો ચોખ્ખા છે, [QE][QS]પણ યહોવાહ તેઓનાં મનની તુલના કરે છે. [QE]
3. [QS]તારાં કામો યહોવાહને સોંપી દે [QE][QS]એટલે તારી યોજનાઓ સફળ થશે. [QE]
4. [QS]યહોવાહે દરેક વસ્તુને પોતપોતાના હેતુને માટે સર્જી છે, [QE][QS]હા, દુષ્ટોને પણ સંકટના દિવસને માટે સર્જ્યા છે. [QE]
5. [QS]દરેક અભિમાની અંતઃકરણવાળી વ્યક્તિને યહોવાહ ધિક્કારે છે, [QE][QS]ખાતરી રાખજો તે શિક્ષા પામ્યા વગર રહેશે નહિ. [QE]
6. [QS]દયા તથા સત્યતાથી પાપનું પ્રાયશ્ચિત થાય છે [QE][QS]અને યહોવાહના ભયથી માણસો દુષ્ટતાથી દૂર રહે છે. [QE]
7. [QS]જ્યારે કોઈ માણસના માર્ગથી યહોવાહ ખુશ થાય છે, [QE][QS]ત્યારે તે તેના દુશ્મનોને પણ તેની સાથે શાંતિથી રાખે છે. [QE]
8. [QS]અન્યાયથી મળેલી ઘણી આવક કરતાં, [QE][QS]ન્યાયથી મળેલી થોડી આવક સારી છે. [QE]
9. [QS]માણસનું મન પોતાના માર્ગની યોજના કરે છે, [QE][QS]પણ તેનાં પગલાં ચલાવવાનું કામ યહોવાહના હાથમાં છે. [QE]
10. [QS]રાજાના હોઠોમાં ઈશ્વરવાણી છે, [QE][QS]તેનું મુખ ખોટો ઇનસાફ કરશે નહિ. [QE]
11. [QS]પ્રામાણિક ત્રાજવાં યહોવાહનાં છે; [QE][QS]કોથળીની અંદરના સર્વ વજનિયાં તેમનું કામ છે. [QE]
12. [QS]જ્યારે દુષ્ટ કર્મો કરવાથી રાજાઓને કંટાળો આવે છે, [QE][QS]ત્યારે સારાં કામોથી રાજ્યાસન સ્થિર થાય છે. [QE]
13. [QS]નેક હોઠો રાજાને આનંદદાયક છે [QE][QS]અને તેઓ યથાર્થ બોલનાર ઉપર પ્રેમ રાખે છે. [QE]
14. [QS]રાજાનો કોપ મૃત્યુદૂતો જેવો છે, [QE][QS]પણ શાણી વ્યક્તિ પોતાના ગુસ્સાને શાંત પાડશે. [QE]
15. [QS]રાજાના મુખના પ્રકાશમાં જીવન છે [QE][QS]અને તેની કૃપા પાછલા વરસાદના વાદળાં જેવી છે. [QE]
16. [QS]સોના કરતાં ડહાપણ મેળવવું એ કેટલું ઉત્તમ છે. [QE][QS]ચાંદી કરતાં સમજણ મેળવવી વધારે યોગ્ય છે. [QE]
17. [QS]દુષ્ટતાથી દૂર જવું એ જ પ્રામાણિક માણસનો રાજમાર્ગ છે; [QE][QS]જે પોતાનો માર્ગ સંભાળે છે તે પોતાના આત્માનું રક્ષણ કરે છે. [QE]
18. [QS]અભિમાનનું પરિણામ નાશ છે [QE][QS]અને ગર્વિષ્ઠ સ્વભાવનો અંત પાયમાલી છે. [QE]
19. [QS]ગરીબની સાથે નમ્રતા રાખવી તે સારું છે [QE][QS]તે અભિમાનીની સાથે લૂંટના ભાગીદાર થવા કરતાં વધારે સારું છે. [QE]
20. [QS]જે પ્રભુના વચનોનું ચિંતન કરે છે તેનું હિત થશે; [QE][QS]અને જે કોઈ યહોવાહ પર વિશ્વાસ રાખે છે તે આનંદિત છે. [QE]
21. [QS]જ્ઞાની અંત:કરણવાળો માણસ સમજદાર કહેવાશે; [QE][QS]અને તેની મીઠી વાણીથી સમજદારીની વૃદ્ધિ થાય છે. [QE]
22. [QS]જેની પાસે સમજ હોય તેને માટે સમજણ જીવનદાતા છે, [QE][QS]પણ મૂર્ખ માટે શિક્ષા એ તેઓની મૂર્ખાઈ છે. [QE]
23. [QS]જ્ઞાનીનું હૃદય તેના મુખને શીખવે છે [QE][QS]અને તેના હોઠોને સમજની વૃદ્ધિ કરી આપે છે. [QE]
24. [QS]માયાળુ શબ્દો મધ જેવા છે, [QE][QS]તેઓ આત્માને મીઠા લાગે છે અને હાડકાંને આરોગ્ય આપે છે. [QE]
25. [QS]એક એવો માર્ગ છે જે માણસને સાચો લાગે છે, [QE][QS]પણ અંતે તે મૃત્યુ તરફ લઈ જાય છે. [QE]
26. [QS]મજૂરની ભૂખ તેની પાસે મજૂરી કરાવે છે; [QE][QS]તેની ભૂખ એમ કરવા તેને આગ્રહ કરે છે. [QE]
27. [QS]અધમ માણસ અપરાધ કરે છે [QE][QS]અને તેની બોલી બાળી મૂકનાર અગ્નિ જેવી છે. [QE]
28. [QS]દુષ્ટ માણસ કજિયાકંકાસ કરાવે છે, [QE][QS]અને કૂથલી કરનાર નજીકના મિત્રોમાં ફૂટ પડાવે છે. [QE]
29. [QS]હિંસક માણસ પોતાના પડોશીને છેતરે છે [QE][QS]અને ખરાબ માર્ગમાં દોરી જાય છે. [QE]
30. [QS]આંખ મટકાવનાર વ્યક્તિ મુશ્કેલી લાવનારી યોજનાઓ કરે છે; [QE][QS]હોઠ ભીડનાર વ્યક્તિ કંઈક અનિષ્ટ કરી રહી હોય છે. [QE]
31. [QS]સફેદ વાળ એે ગૌરવનો તાજ છે; [QE][QS]સત્યને માર્ગે ચાલનારને એ મળે છે. [QE]
32. [QS]જે ક્રોધ કરવે ધીમો તે પરાક્રમી કરતાં સારો છે, [QE][QS]અને જે પોતાના મિજાજને કાબૂમાં રાખે છે તે શહેર જીતનાર કરતાં ઉત્તમ છે. [QE]
33. [QS]ચિઠ્ઠી ખોળામાં નાખવામાં આવે છે, [QE][QS]પણ તે બધાનો નિર્ણય તો યહોવાહના હાથમાં છે. [QE]