1. નમ્ર ઉત્તર ક્રોધને શાંત કરી દે છે, [QBR] પણ કઠોર શબ્દો રીસ ચઢાવે છે. [QBR]
2. જ્ઞાની વ્યક્તિની વાણી ડહાપણ ઉચ્ચારે છે, [QBR] પરંતુ મૂર્ખની વાણી મૂર્ખાઈથી ઉભરાય છે. [QBR]
3. યહોવાહની દૃષ્ટિ સર્વત્ર હોય છે, [QBR] તે સારા અને ખરાબ પર લક્ષ રાખે છે. [QBR]
4. નિર્મળ જીભ જીવનનું વૃક્ષ છે, [QBR] પણ કુટિલતા આત્માને ભાંગી નાખે છે. [QBR]
5. મૂર્ખ પોતાના પિતાની શિખામણને તુચ્છ ગણે છે, [QBR] પણ ઠપકાને ગંભીરતાથી લક્ષમાં લેનાર શાણો થાય છે. [QBR]
6. નેકીવાનોના ઘરમાં ધનનો ભંડાર છે, [QBR] પણ દુષ્ટની કમાણીમાં આફત હોય છે. [QBR]
7. જ્ઞાની માણસના હોઠો ડહાપણ ફેલાવે છે, [QBR] પણ મૂર્ખનું હૃદય મૂર્ખતા ફેલાવે છે. [QBR]
8. દુષ્ટના યજ્ઞાર્પણને યહોવાહ ધિક્કારે છે, [QBR] પરંતુ પ્રામાણિકની પ્રાર્થનાથી તે પ્રસન્ન થાય છે. [QBR]
9. દુષ્ટના માર્ગથી યહોવાહ કંટાળે છે, [QBR] પરંતુ નીતિને માર્ગે ચાલનાર પર તે પ્રેમ દર્શાવે છે. [QBR]
10. સદ્દ્માર્ગને તજી દઈને જનારને આકરી સજા થશે, [QBR] અને ઠપકાનો તિરસ્કાર કરનાર મરણ પામશે. [QBR]
11. શેઓલ તથા અબદોન (વિનાશ) યહોવાહ સમક્ષ ખુલ્લાં છે; [QBR] તો માણસોનાં હૃદય કેટલાં વિશેષ ખુલ્લાં હોવાં જોઈએ? [QBR]
12. તિરસ્કાર કરનારને કોઈ ઠપકો આપે તે તેને ગમતું હોતું નથી; [QBR] અને તે જ્ઞાની માણસની પાસે જવા પણ ઇચ્છતો નથી. [QBR]
13. અંતરનો આનંદ ચહેરાને પ્રફુલ્લિત કરે છે, [QBR] પરંતુ હૃદયમાં શોક હોય તો મન ભાંગી જાય છે. [QBR]
14. જ્ઞાની હૃદય ડહાપણની ઇચ્છા રાખે છે, [QBR] પરંતુ મૂર્ખનો આહાર મૂર્ખાઈ છે. [QBR]
15. જેઓને સતાવવામાં આવે છે તેઓના સર્વ દિવસો ખરાબ જ છે, [QBR] પણ ખુશ અંતઃકરણવાળાને તો સતત મિજબાની જેવું હોય છે. [QBR]
16. ઘણું ઘન હોય પણ તે સાથે મુશ્કેલીઓ હોય, તેના કરતા થોડું ધન હોય [QBR] પણ તે સાથે યહોવાહનો ભય હોય તે વધારે ઉત્તમ છે. [QBR]
17. વૈરીને ત્યાં પુષ્ટ બળદના ભોજન કરતાં [QBR] પ્રેમી માણસને ત્યાં સાદાં શાકભાજી ખાવાં ઉત્તમ છે. [QBR]
18. ગરમ મિજાજનો માણસ ઝઘડા ઊભા કરે છે, [QBR] પણ ધીરજવાન માણસ કજિયાને શાંત પાડે છે. [QBR]
19. આળસુનો માર્ગ કાંટાથી ભરાયેલી જાળ જેવો છે, [QBR] પણ પ્રામાણિકનો માર્ગ વિઘ્નોથી મુક્ત છે. [QBR]
20. ડાહ્યો દીકરો પોતાના પિતાને સુખી કરે છે, [QBR] પણ મૂર્ખ દીકરો પોતાની માતાને તુચ્છ ગણે છે. [QBR]
21. અજ્ઞાનીને મૂર્ખાઈ આનંદરૂપ લાગે છે, [QBR] પણ બુદ્ધિમાન માણસ સીધે માર્ગે ચાલે છે. [QBR]
22. સલાહ વિનાની યોજના નિષ્ફળ જાય છે, [QBR] પરંતુ પુષ્કળ સલાહથી તે સફળ થાય છે. [QBR]
23. પોતાના મુખે આપેલા ઉત્તરથી વ્યક્તિ ખુશ થાય છે; [QBR] અને યોગ્ય સમયે બોલાયેલો શબ્દ કેટલો સરસ લાગે છે! [QBR]
24. જ્ઞાની માણસ માટે તે જીવન તરફ જતો માર્ગ છે કે, [QBR] જે તેને શેઓલ તરફ જતા માર્ગેથી પાછો વાળે છે. [QBR]
25. યહોવાહ અભિમાનીનું ઘર તોડી પાડે છે, [QBR] પણ વિધવાની હદ તે કાયમ રાખશે. [QBR]
26. દુષ્ટની યોજનાઓથી યહોવાહ કંટાળે છે, [QBR] પરંતુ તેમની દૃષ્ટિએ દયાળુના શબ્દો શુદ્ધ છે. [QBR]
27. જે લોભી છે તે પોતાના જ કુટુંબ પર આફત લાવે છે, [QBR] પરંતુ જે લાંચને ધિક્કારે છે તેનું જીવન આબાદ થશે. [QBR]
28. સદાચારી માણસ વિચાર કરીને ઉત્તર આપે છે, [QBR] પણ દુષ્ટ પોતાના મુખે ખરાબ વાતો વહેતી મૂકે છે. [QBR]
29. યહોવાહ દુષ્ટથી દૂર રહે છે, [QBR] પણ તે સદાચારીની પ્રાર્થના સાંભળે છે. [QBR]
30. આંખોના અજવાળાથી હૃદયને આનંદ થાય છે, [QBR] અને સારા સમાચાર હાડકાંને પુષ્ટ બનાવે છે. [QBR]
31. ઠપકાનું પરિણામ જીવન છે, એ બાબત [QBR] સાંભળનારની ગણતરી જ્ઞાનીઓમાં થાય છે. [QBR]
32. શિખામણનો ત્યાગ કરનાર પોતે પોતાના જ જીવનને તુચ્છ ગણે છે, [QBR] પણ ઠપકાને સ્વીકારનાર બુદ્ધિ પ્રાપ્ત કરે છે. [QBR]
33. યહોવાહનો ભય ડહાપણનું શિક્ષણ છે, [QBR] પહેલા દીનતા છે અને પછી માન છે. [PE]