1. [QS]દરેક સમજુ સ્ત્રી પોતાના ઘરની આબાદી વધારે છે, [QE][QS]પણ મૂર્ખ સ્ત્રી પોતાને જ હાથે તેનો નાશ કરે છે. [QE]
2. [QS]જે વિશ્વનીયતામાં ચાલે છે તે યહોવાહનો ડર રાખે છે, [QE][QS]પણ જે પોતાના માર્ગોમાં અવળો ચાલે છે તે તેને ધિક્કારે છે. [QE]
3. [QS]મૂર્ખના મુખમાં અભિમાનની સોટી છે, [QE][QS]પણ જ્ઞાનીઓના હોઠ તેઓનું રક્ષણ કરે છે. [QE]
4. [QS]જ્યાં બળદ ન હોય ત્યાં ગભાણ સાફ જ રહે છે, [QE][QS]પણ બળદના બળથી ઘણી ઊપજ થાય છે. [QE]
5. [QS]વિશ્વાસુ સાક્ષી જૂઠું બોલશે નહિ, [QE][QS]પણ જૂઠો સાક્ષી જૂઠું જ બોલે છે. [QE]
6. [QS]હાંસી ઉડાવનાર ડહાપણ શોધે છે પણ તેને જડતું નથી, [QE][QS]પણ ડાહી વ્યક્તિ પાસે ડહાપણ સહેલાઈથી આવે છે. [QE]
7. [QS]મૂર્ખ માણસથી દૂર રહેવું, [QE][QS]તેની પાસે તને જ્ઞાનવાળા શબ્દો સાંભળવા નહિ મળે, [QE]
8. [QS]પોતાનો માર્ગ સમજવામાં ડાહ્યા માણસનું ડહાપણ છે, [QE][QS]પણ મૂર્ખની મૂર્ખાઈ તેનું કપટ છે. [QE]
9. [QS]મૂર્ખ પ્રાયશ્ચિત્તને હસવામાં ઉડાવે છે, [QE][QS]પણ પ્રામાણિક માણસો ઈશ્વરની કૃપા મેળવે છે. [QE]
10. [QS]અંતઃકરણ પોતે પોતાની વેદના જાણે છે, [QE][QS]અને પારકો તેના આનંદમાં જોડાઈ શકતો નથી. [QE]
11. [QS]દુષ્ટનું ઘર પાયમાલ થશે, [QE][QS]પણ પ્રામાણિકનો તંબુ સમૃદ્ધ રહેશે. [QE]
12. [QS]એક એવો માર્ગ છે જે માણસને ઠીક લાગે છે, [QE][QS]પણ અંતે તેનું પરિણામ તો મરણનો માર્ગ નીવડે છે. [QE]
13. [QS]હસતી વેળાએ પણ હૃદય ખિન્ન હોય છે, [QE][QS]અને હર્ષનો અંત શોક છે. [QE]
14. [QS]પાપી હૃદયવાળાએ પોતાના જ માર્ગનું ફળ ભોગવવું પડશે [QE][QS]અને સારો માણસ પોતાનાં જ કર્મોનું ફળ માણે છે. [QE]
15. [QS]ભોળો માણસ બધું માની લે છે, [QE][QS]પણ ચતુર માણસ પોતાની વર્તણૂક બરાબર તપાસે છે. [QE]
16. [QS]જ્ઞાની માણસ દુષ્ટતાથી દૂર રહે છે, [QE][QS]પણ મૂર્ખ માણસ ઉન્મત્ત થઈને બેદરકાર બને છે. [QE]
17. [QS]જલદી ક્રોધ કરનાર મૂર્ખાઈ કરી બેસે છે, [QE][QS]અને દુષ્ટ યોજનાઓ ઘડનાર ધિક્કાર પામે છે. [QE]
18. [QS]ભોળા લોકો મૂર્ખાઈનો વારસો પામે છે, [QE][QS]પણ ડાહ્યા માણસોને વિદ્યાનો મુગટ પહેરાવવામાં આવે છે. [QE]
19. [QS]દુષ્ટોને સજ્જનો આગળ ઝૂકવું પડે છે, [QE][QS]અને જેઓ દુષ્ટ છે તેઓને સદાચારીઓને બારણે નમવું પડે છે. [QE]
20. [QS]ગરીબને પોતાના પડોશીઓ પણ ધિક્કારે છે, [QE][QS]પરંતુ ધનવાનને ઘણા મિત્રો હોય છે. [QE]
21. [QS]પોતાના પડોશીને તુચ્છ ગણનાર પાપ કરે છે, [QE][QS]પણ ગરીબ પર દયા કરનાર આશીર્વાદિત છે. [QE]
22. [QS]ભૂંડી યોજનાઓ ઘડનાર શું ભૂલ નથી કરતા? [QE][QS]પણ સારી યોજનાઓ ઘડનારને કૃપા અને સત્ય પ્રાપ્ત થશે. [QE]
23. [QS]જ્યાં મહેનત છે ત્યાં લાભ પણ હોય છે, [QE][QS]પણ જ્યાં ખાલી વાતો જ થાય ત્યાં માત્ર ગરીબી જ આવે છે. [QE]
24. [QS]જ્ઞાનીઓનો મુગટ તેઓની સંપત્તિ છે, [QE][QS]પણ મૂર્ખોની મૂર્ખાઈ તે જ તેમનો બદલો છે. [QE]
25. [QS]સાચો સાક્ષી જીવનોને બચાવે છે, [QE][QS]પણ કપટી માણસ જૂઠાણું ઉચ્ચારે છે. [QE]
26. [QS]યહોવાહનાં ભયમાં દૃઢ વિશ્વાસ સમાયેલો છે, [QE][QS]તેનાં સંતાનોને તે આશ્રય આપે છે. [QE]
27. [QS]મોતના ફાંદામાંથી છૂટી જવાને માટે, [QE][QS]યહોવાહનો ભય જીવનનો ઝરો છે. [QE]
28. [QS]ઘણી પ્રજા તે રાજાનું ગૌરવ છે, [QE][QS]પણ પ્રજા વિના શાસક નાશ પામે છે. [QE]
29. [QS]જે ક્રોધ કરવામાં ધીમો છે તે વધારે સમજુ છે, [QE][QS]પણ ઉતાવળિયા સ્વભાવનો માણસ મૂર્ખાઈને પ્રદર્શિત કરે છે. [QE]
30. [QS]હૃદયની શાંતિ શરીરનું જીવન છે; [QE][QS]પણ ઇર્ષ્યા હાડકાનો સડો છે. [QE]
31. [QS]ગરીબ પર જુલમ કરનાર તેના સર્જનહારનું અપમાન કરે છે, [QE][QS]પણ ગરીબ પર રહેમ રાખનાર તેને માન આપે છે. [QE]
32. [QS]દુષ્ટને પોતાની દુષ્ટતાથી હડસેલી નાખવામાં આવશે, [QE][QS]પરંતુ ન્યાયી માણસને પોતાના મૃત્યુમાં પણ આશા હોય છે. [QE]
33. [QS]બુદ્ધિમાનના હૃદયમાં ડહાપણ વસે છે, [QE][QS]પણ મૂર્ખના અંતરમાં ડહાપણ નથી હોતું તે જણાઈ આવે છે. [QE]
34. [QS]ન્યાયીપણાથી પ્રજા મહાન બને છે, [QE][QS]પણ પાપ તો પ્રજાનું કલંક છે. [QE]
35. [QS]બુદ્ધિમાન સેવક પર રાજાની કૃપા હોય છે, [QE][QS]પણ બદનામી કરાવનાર પર તેમનો ક્રોધ ઊતરે છે. [QE]